حلقات برنامج ( حكايات وبنعشها )

[morshooo]

اقتباسالمشاركة الأصلية كتبت بواسطة dr.pharmaالسلام عليكم

الفكره حلوة اوى يا موشو

واولا شكر خاص لاسيل على الدور اللى قامت بيه

بالنسبه بقا لموضوع الحلقه

بجد من اخطر الحاجات اللى البنات بتقابلها اول ما بترتبط بالنت

اكيد البت داخله مش عندها خبره باى حاجة بتبقى هبله تقريبا

اى حد يقولها اى حاجة تصدقها وتعيش فيها وكمان تقريبا بتبقى فى سن مراهقه

يعنى احاسيس ومشاعر متذبذه ومتغيره يعنى بردو لسه طفله

وللاسف الشاب بيستغل النقطه دى كويس اوى

لانه بيبقى عنده خبره اكتر بالنت واللى بيحصل فيه

دة بالنسبه للبنات اللى بتبقى مش عندها خبره

اما النوع التانى اللى بيبقى خبره بقا وبيستهبل ومقضياها تسالى

يعنى تعيش مع دة ودة ودة وعاااااااادى جدا

ميهماش حاجة وساعات بيكون الشاب هو اللى على نياته كمان

فى الاخر ممكن اقول ان النت دة شبكه لعينه بتلسع كل اللى يقرب منه

بس اكيد بتلاقى الناس اللى حظها حلو اللى تلاقى اللى يقولها

حاسب اوعى فيه نار هنا اوعى منها تلسعك وتتحرق بنارها

موضوع حلو اوى يا مورشو

يستاهل التقييم

بالتوفيق

اهلا بيكى فارما

اشكرك على المرور الرائع

وعلى رائيك المميز

اتمنى البرنامج ينال اعجابك

[مان مصر]

مشكور يا برنس صح الموضوع ده بقا منتشر جدا علشان التفكير غلط
ومفيش حد بيتعمل مخه فى التفكير الصح هنا البنات عارفه ان الشاب
داخل يتسلى ويقضى وقت ومع كده برده بتتعرف وبتحب وبتوهم نفسها والعكس صحيح
مشكور موضوعك جميل وقضيتك ساخنة فى انتظار كل جديد لك
تقبل مرورى

[morshooo]

اقتباسالمشاركة الأصلية كتبت بواسطة DR.SMAموضوع رائع يا احمد
وفكره النصايح دي جميله
مفيده للجميع
انا اسمع عن الشات كتير بس مش عارفاه
لاني حذروني منه
فمحاولتش اجرب
بس واضح انه كله مساويء
لكن مليش راي طالما مجربتش
شكرا اسيل
ضيفه جميله ودور حلو
مبروك البرنامج يا احمد
بالتوفيق

اهلا يا دكتورتنا

نورتى يا سما التوبيك

وسعيد جدا بمرورك

ورائيك المميز

امنى البرنامج ينال اعجابك

[big bốss]

موضوع جميل يا احمد واسيل

[morshooo]

اقتباسالمشاركة الأصلية كتبت بواسطة هدوء القمر

السلااام عليكم يا ااحمد

بجد البرنااامج حلووو جدااا

وااسيلوو طبعاا منوره الحلقهـ

فعلااا الموضوع دا انتشر بطريقهـ غريبه جدااا

والغلط طبعاا راجع للبنات والولاااد

لأن كل حد فيهم بيخدع التاانى وبيوصفله نفسه ان مفيش زيه فى الدنياا

بس زى ما قاال محمد فى تجاارب بتنجح

بس نسبه قليله لأنها بتبقى مبنيه ع صراحه من الطرفين

وربناا يهدى الجميع

شكراا ع البرناامج الجميل يا احمد

ومنتظرين الحلقهـ الجديدهـ

اهلا بيكى هدوء

سعيد جدا بمرورك الرائع

وبكلامك الرائع

اتمنى الحلقة تكون عجبتك

[morshooo]

اهلا ومرحبا بكم

فى برنامجكم

( حكايات وبنعشها )

كل سنة وانتو طيبين بمناسبة

عيد الاضحى طبعا خلاص

العيد اخر يوم النهاردة ويلة بقى كدا

كلة يرجع للمنتدى مرة تانية

ومش عايزين وجع قلب خلونا نشوف شغلنا

فى البداية اشكر جميع الاعضاء

الى تابعو البرنامج فى الحلقة الاولى

واشكر جميع الاعضاء الى بعتولو رسائل خاصة

سواء بالتهنئة عن البرنامج الجديد وطريقة طرحة

او بالنقد الى قالوة عن طريق الرسائل الخاصة

ولكن احب اقول حاجا جميع الحكايات الى هنشوفها

هى حكايات موجودة بمجتمعنا سواء من الولد او البنت

ولكن لم اعنى بالحكايات اشخاص باعينهم

ودلوقتى تعالو نشوف الحكاية الجديدة او الحلقة الجديدة

الى هيكون عنوانها

الغيــــــــــــــــــــــــرة

تعالو نشوف الحكاية الاول

اة بس حابب اقول حاجا مهمة وهى :

أجمل أنواع الغيرة

غيرة الحب

..

وأسوأ أنواع الغيرة

غيرة الحقد

.

الابطال : هو ( شاب بيحب )

هى ( بنت بتحبة )وهى ( بنت ماتعرفهمش )



المكان : جميع جامعات الوطن العربى


التاريخ : جميع ايام السنة

الساعه : طول اليوم

البـــــداية

هو شاب جامعى ملتزم بيحضر جميع المحاضرات

مالوش فى تجمعات الشباب الى فى الجامعات كل الى يعرفهم

زميلة فى المدرج وكل الى بينهم ورق ومحاضرات

وملخصات اة وكمان عارف بنت معاة من سنة اولى جامعه

وبيحبو بعض بس مستنين يخلصو

السنة دى اصلها اخر سنة فى الجامعه

هى بنت ملتزمة بتحضر جميع المحاضرات مالهاش فى التجمعات

بتاعت الجامعات كل زميلها فى المدرج فقط وكل الى بينها وبينهم

ورق ومحاضرات وملخصات اة صحيح كنت هنسى اقولكم انها

بتحب شاب معاها فى المدرج من سنة اولى جامعه ومتفقين على

كل حاجا بس مستنين السنة دى تخلص اصلها اخر سنة

هى ( الى متعرفهمش ) بنت ملهاش فى المحاضرات مش ملتزمة

لو راحت الجامعه بتروح عشان تقعد فى الكافية مع الجروب الى تعرفة

واهى مقضياها بالطول وبالعرض اة صحيح نسيت اقولكم حاجا مهمة

البنت دى عايدة السنادى بس مش بيهممها حاجا اصلها واخدة على كدا

تعالو نشوف فى يوم كان فى حوار

دار بين البطلين تعالو نشوف الحوار

هو : صباح الخير يا حبيبتى

هى : صباح النور يا حبيبى

اية انتى لسة نايمة يلة قومى عشان نلحق المحاضرة

حاضر انا هقوم اهو خلاص هنتقابل فين

انتى شكلك هتتاخرى هستناكى فى المدرج

خلاص اوك حبيبى بس اوعى تبص لبنت كدا والا كدا

وانا اقدر انا هبص من تحت لتحت بس

والله طيب ابقى اعملها كدا وهتشوف هعمل اية

طيب يلة بقى عشان تلحقى سلام

اوك سلام

دا حوار بيحصل بينهم تقريبا كل يوم

ماعدا ايام الاجازة الى مبيبقاش فيها جامعه

وطبعا كل يوم بيشوفو بعض فى الجامعه

وبيحضرو كل المحضرات وبيروحو بيركبو مع بعض

الباص هى بتنزل فى الطريق وهو بيكمل فية عشان بيتة

بعيد شوية

وفى يوم لاحظت البنت ( الى متعرفهمش ) انهم

مع بعض طول الوقت فسئلت زميلتها ودا كان الحوار

هى ( الى متعرفهمش ) : بقولك اية يابت يا

( ...... ) اية حكاية الواد والبنت دى

زميلتها : اها دولات بيحبو بعض بقالهم 3 سنين معانا من سنة اولى

يانهار 3 سنين ولسة بيحبو بعض

اة سايتى لسة وبيقولو انهم متفقين على الجواز بعد نايخلصو

طيب ربنا معاهم ويخلصو الاول بس

بكرة يخلصو وبعدين الاتنين مالهمش فى التسلية زينا

ههههههه ومالها التسلية مفيش احلا منها يابت

ههههههه بس انتى ناوية على اية يا مصيبة انتى

مش ناوية على حاجا بس ناوية اتسلة شوية هههههه

طبعا دا كان حوار دا بينهم ومن ساعتها وهى اخدت عهد

على نفسها ان الواد دا لازم يبقى بتاعها والبنت الى معاة دى

مسترخماها ومش بتحبها وبعدين لية هى تحب وتتحب وانا لا

وفى يوم حصل حاجا مهمة تعالو نشوف حصل اية

هو : صباح الخير يا حبيبتى

هى : صباح النور يا حبيبى

اية انتى برضو لسة نايمة يابنتى قومى عشان نلحق

معلش يا حبيبى والله تعبانة جدا ومش هقدر اروح

لية الف سلامة عليكى قومى بس وانتى هتبقى كويسة

لا معلش مش هقدر روح انتا عشان تلحق المحاضرات وهبقى انقلهم منك

خلاص ماشى بس خالى بالك من نفسك

حاضر يا حبيبى هبقى اكلمك لما اصحى

خلاص ماشى

بقولك اية مش تبص لحد فاهم والا لا

هههههه حتى وانتى تعبانة مش بترحمى دا انتى اية دا

انا بحبك

وانا بحبك

سلام

سلام

وراح لوحدة اليوم دا الجامعه حضر كل المحاضرات

وبالصدفه وهو مروح شافتة هى ( الى متعرفهمش )

ولاقيتة ماشى لوحدة فقررت انها نبدأ من هنا وتروح تكلمة

تعالو نشوف اول حوار دار بينهم كان اية

هى ( الى متعرفهمش ) : هاااااااى ازيك

هو : هاااااااى انا كويس الحمد لله

طبعا ماتعرفنيش

بصراحه لا

خلاص يبقى نتعرف والا فى مانع

لالالا خالص انا ( .... ) فى رابعه

وانا اسمى ( .... ) معاك فى نفس المدرج

بس انا اول مرة اشوفك

انا مش بحضر الا قليل انا اصلا بعيد السنة ونفسى اخلص

ان شاء الله تخلصى السنادى

يبقى تساعدنى بقى عايزة منك المحاضرات والملخصات

اوك مفيش مانع سهلة دى اوى

موافق يعنى بس مش حابة اتعبك

لا ماتقوليش كدا

والا ممكن حد يزعل والا حاجا

حد مين

هههههه حبيبت القلب مانا عارفا عنك كل حاجا

هههههه كمان عارفا لا مش هتزعل وبعدين عادى يعنى

طبعا الحوار دا كان بدايتة ولكن المقابلة انتهت بان

كل واحد اخد رقم التانى عشان يتابعو مع بعض المحاضرات

والملخصات ويشوفو هيتقبلو ازاى طبعا اول لما روحت

اتصلت بية عشان تطمن علية وصل والا لسة اصل البطلة

دى قلبها طيب وحنينة شويتين :770: تعالو نشوف فى نفس اليوم دا

حصلت مكاملة بينهم تعالو نشوف قالو اية

هى ( الى متعرفهمش ) : مساء الخير انتا لسة صاحى

هو : اهلا ازيك اة لسة صاحى

ممممم اكيد كنت بتفكر فى حبيبة القلب

ههههه لا انا بسهر كل يوم مش بنام دلوقتى خالص

عامل زيى انا مش بنام الا الفجر مش ورايا حاجا

ولو وراكى يعنى قدام اتعودى على كدا خلاص

صح وبعدين انا والا بحب والا حاجا قاعدة كدا وخلاص

ومش بتحبى لية لحد دلوقتى الحب حاجا جميلة

سيبط من الموضوع دا مش بحب اتكلم فية انتا كنت بتزاكر

خلاص اوك اة خلصت مزاكرة من شوية

وطبعا المكالمة دخلت فى تقريبا ساعه وشوية هو كان فرحان

انها كلمتة وفضل طول الليل يفكر فيها وهى كانت مبسوطة

انها قدرت توقعة وكانت متاكدة انة بيفكر فيها

ومع مرور الايام وكثرة المكالمات بينهم كل يوم اكتر من

مرة اسلوبة اتغير تماما مع الى بيحبها وهى لاحظت كدا

فقررت تعرف منة فى اية وحصل حوار بينهم مهم جدا وكان

هى : ازيك يا ( ..... )

هو الحمد لله ازيك عاملة اية

انا كويسة انتا فين دلوقتى

انا نزلت الجامعه بس معلش ماتصلتش بيكى صحيت متاخر

متاخر اوك بس خالى بالك مبقتش تتصل بيا زى الاول

انتى نزلتى والا لا

لا ومش هنزل النهاردة الجامعه

اوك لو تعبانة خلاص انا هحضر واقولك اخدنا اية

انا مش تعبانة انتا متغير معايا لية كدا فى اية

انا مش متغير كل دا عشان ماتصلتش بيكى

لا طبعا انتا اصلا مبقتش تتصل خالص وحاسة انك متغير

يعنى دا وقت الكلام دا انا زهقت من الكلام دا

زهقت يعنى اوك سلام

سلام

وطبعا فى نفس الوقت كانت معاة التانية وسمعت المكالمة

وطبعا قعدت تكلم معاة ومعلش ومش تفكر فى الموضوع دلوقتى

وطبعا بعد كلامها الجميل دا قرر حاجا غريبة شويتين

والقرار هنشوفة فى الحوار دا

هو : انا خلاص زهقت من القرف دا

هى ( الى متعرفهمش ) : خلاص بقى سيبك من الموضوع دا

انا اصلا خلاص حاسس انى مبقتش احبها

وجالك الاحساس دا منين طيب

انا متاكد كل يوم تطلع بحاجا جديدة

معلش استحمل شوية وبعدين انا معاك اهو

بصراحة انا هقولك على حاجا

حاجا اية

انا بصراحه بفكر فيكى كتير وبحبك

بتحبنى انا بجد

اة بحبك انتى وانا مش بفكر فى حد غيرك

بصراحه وانا كمان بفكر فيك كتير

واعترفلها انة بيحبها وهى طبعا ماصدقت انة قال كدا

عشان كدا يبقى نجحت فى الى كانت عايزة تعملة طبعا

وطبعا قرر انة يبعد عن حبيبتة عشان خاطرها

تعالو نشوف اخر حوار دار بينة وبين البطلة

هو : ازيك عاملة اية

هى : الحمد لله كويس انك افتكرت تتصل

عادى يعنى وانتى مش تتصلى لية

برضو عادى انتا متصل لية يا ( .... )

مفيش متصل اشوفك عاملة اية

والا لاقتها مش فاضية تكلمو مع بعض

مين دى الى مش فاضية

الى طول اليوم معاها فى الجامعه والى شكلك بتحبها

ايوة بحبها ومتصل عشان اقولك كدا خلاص

اة اكيد خلاص سلام

وقفلو على كدا وطبعا هى ماصدقتش الى سمعتة دا وفضلت

حالتها صعبة لفترة ولكن قررت انها تركز فى الجامعه

هو طبعا هايص مع التانية فاكر انها بتحبة ولكن مع الوقت

قررت تسيبة عشان زهقت من التسلية دى وتشوف حد تانى

تتسلة معاة وتعالو نشوف المكالمة المهمة دى

هو : ازيك يا حبيبتى عاملة اية

هى ( الى متعرفهمش ) : كويسة

مش بتردى لية عليا ومش بشوفك فى الجامعه لية

عادى ماليش مزاج ارد والا انزل

لية طيب فى حاجا حصلت

مالكش دعوة حصل حاجا والا لا

ماليش دعوة احنا بنحب بعض يعنى اعرف كل حاجا

لا انا خلاص مبقتش احب حد والا هحب حد

طيب اهدى بس وقوليلى مالك

انا قولت مالكش دعوة والرقم دا خلاص ماتتصلش بية

لية طيب فى اية حصل لكل دا

سلام

وقفلت فى وشة على كدا وطبعا هى مقررة ان خلاص العلاقة

انتهت عشان لاقت واحد تانى تتسلة معاة هو طبعا خلاص

لا بيزاكر والا بيحضر والا بقى يهمة مستقبلة كل الى همة

هى بتعمل كدا لية واختفت لية

النهايـــــــــة

هو ربنا مكرموش والنتيجة ظهرت وسقط وعاد السنة

وهى ربنا كرمها ونجحت واتخرجت

وهى ( الى متعرفهمش ) : كالعادة لسة زى ماهى

سقطت وعايشة حياتها مع كل واحد شوية

نصيحـــــــــة

اتمنى من الجميع الاستفادة من البرنامج ومن الحكاية

عشان كلنا نخلى بالنا من البنات دى الى اكيد موجودة

فى كل مكان مش شرط الجامعه بس

وانتا ياعم الشاب خالى بالك من الى بتحبك ومن الى بتلعب

بيك ووخداك تسلية ليها وحافظ على الى بتحبك

الخلاصــــــــــة

الحكاية الى عشناها النهاردة مش شرط تحصل من البنت

فقط لا بتحصل من الشباب ايضا ولكن اية الاستفادة من دا

هل هى غيرة والا حب امتلاك ؟

اتمنى تكون الحلقة عجبتكم

وكلنا نستفيد من الحلقة

انتظرونى وحلقة جديدة

وحكاية جديدة بنعشها

تحياتى

morshooo

ملحوظة : البرنامج مش معمول عشان اسمع كلمة شكر ولكن لمناقشة القضية اتمنى طرح ارائكم

سلام

[مشتاقه للجنه]

الغيره والحقد أكيد موجودين فى كل مكان

بس بطل حكايتك للاسف مكنش بيحب بصدق

ظل يحب لمدة 3 سنين لمجرد الحب

ودليل على كده أول ما واحده شاورة له بحب تانى

استجاب لها .. دوون مبرر لانجذابه غير التعود فقط

شكراا على الحلقه وبأنتظار حلقات جديده وحكايات وبنعشها

[فــــــــــرح]

قصة ممتعة جداااا
ولكن لا اعلم ماذا سيكون تعليقي عليها
لانني لم اعيشها في واقعي لذا سيكون مجرد فرضيات
لانني من بيئة مختلفه عن البيئه المذكوره في قصتك
بيئه غير مختلطه من الابتدائي
وحتى الوظيفة ..!!

لذا سيكون ردي كوجهة نظر لا اكثر ولا اقل
مسألة الحب في الجامعه وما يندرج تحته
من غيره وحقد ومشاعر اضافيه ..!!
امر يحدده شخصية الشاب والفتاة وطريقة تفكيره
وهدفه منذ البدايه
اهو التعليم لتحقيق طموحه ام البحث عن النصف الاخر
ام الاثنين معا ..!!

ولكن ما جذبني في القصه هي
شخصية الفتاة ( اللي متعرفش ) ..!!
لانني رأيت بأن هدفها ارضاء غرورها فقط
وانا سأعترف بعترف بسيط
بأنني شعرت بأن هذه الفتاه تشبهني نوعا ما ..!!
لا اعلم لما ولكن ليس في جانب الحب
بل في اي جانب اشعر بلحظات بأن بداخلي امر اريد
ارضاءه ويجب ارضاءه مهما كان هذا الامر ..!!
مخيف ومؤلم هو هذا الشعور والاصعب هو ما يأتي بعده
من الشعور بالندم وتأنيب الضمير ..!!


ولكن اعتقد ان جميعنا بداخلنا غرور
ايا كان مصدره ويجب ارضاءه
لذا شعرت بتعاطف قليل مع الفتاة
اكثر من استحقاري لها كحال الجميع
فمن يستحق الاحتقار هنا هو الشاب الذي سار خلف
هواه ونسي من يهواه ...!!



اسعدني التواجد هنا
رغم جهلي بفكرة البرنامج الا انني احببت ان اشارك ..

[Silver Flower]

مش عارفه اعلق على شو بس بقول انه الحق على حبيبته الي كانت غايبه واعتط فرصه لحبيبها انه يحب غيرها
وكيف استسلمت بالسهوله عن حب تلات سنين مش يوم ولا شهر وقالت خلص سلام غريبه دي
وغير عن هيك الواحد بيصير معاه كل شي والست بشاطرتها وذكائها تقدر تلغي كل حاجه
شكرا للموضوع

[SiLver Spectra]

و الله إنك استاذ
بجد تجسيد رائع للشخصيات و تعمق فكري جميل جدا
الحالات دي بتحصل بنسبة ما تقلش عن 70%
مع اختلاف اشكالها طبعا
بس انت عارف ..الراجل لما بيعرف ان البنت دي بتحب واحد بيبعد عنها
على العكس البنت تموت و تعرف البنت دي بتحب مين و الشخص دا عامل ايه و بيقولوا ايه و عايشين ازاي..و تبقى عايزه تحشر نفسها بغباء
و تعمل حركات قرعه كدا تبقى مقفوشه منها بغباء

بس عامة الراجل إلي في القصة دا ضعيف
المفروض هو مختار واحده و شريكه ليه و حبها فعلا و بقاله تلت سنين
المفروض مافيش قوة تفرقه عنها و لو حتى ايه
دا لو كان عنده ارادة و بيحبها فعلا
خلاص بقى اتعود عليها و على اسلوبها و باقيت عشرة بالنسباله
لكن هو ضعيف فأي شخص يكلمه يتأثر بيه

و على فكرة حياة البنت الي بتتسلى بتكون تعيسه جدا

و ربنا ما يورينا يا سيدي
5 نجوم مني ليك يا مورشو
دوام الابداع..