لييييه أبعت هدايا غصب عنى لناس أنا متضايقة منهم

[برستيج]

ليه أبعت هدايا غصب عنى لناس أنا متضايقة منهم

طبعا يا جماعة إحنا كلنا عارفين إن كل ما بنتكلم على حد من وراه ( إغتياب - نميمة )
أنا كدة بنقص حسنات من عندى وببعتهاله هدية لما بتكلم عليه يبأة ليه أعمل كدة وأبعتله هدايا وأنا شايفة إنه مايستهلش أو غلطان أو تصرفاته مش عجبانى ( مهما كان الأمر لازم متكلمش عن شخص أو الشخصة دى حتى لو كانو ملاعين ، الحسنات دى إحنا تعبنا فى جمعها وشقيانين فيها ( الواحد ما بيصدق)
مبالك فى ناس بتشتم بالجملة يعنى بتشتم شعب بحاله ( ده شعب البلد الفلانية شعب إبن كذا وكذا )يا خرااااااااااابى :cv40:
ملايين الحسنات تروح منى كده بسهوله ليه أشتم كل ده وأخلط الحابل بالنابل ده كل شعب فيه الوحش وبردو فيه الكويس
دا أنا حتى لما بدعى على اليهود بقول يارب إخفس باليهود الظلمة منهم الأرض واللى يساعدهم وإعمل فيهم كذا وكذا لأن فيهم أكيد اللى رافض اللى بيعملوه أهل ديانته

ولازم كمان نبطل نعايب على أى حاجة حتى لو هنعايب على طفل صغير لأن والله ممكن يتردلك فى ولادك ( على فكرة أنا مش متجوزة) بس بردو عاملة حساب الموضوع ده
لأنه كما تدين تدان والله ياجماعة مفيش حاجة بنسخر منها من أى حد إلا ويصيبنا نفس الشيء اللى عايبنا عليه ( وفى حديث شريف بالمعنى ده)

فى قصة لأحد الأئمة الأربعة مش فاكرة مين فيهم بعت طبق من أحلى أنواع التمر لشخص بيتكلم عنه دايما بالسوء علطووووووووووول فلما سأل الراجل النمام ده الشخص اللى وصلو الطبق ليه الامام بعتلى الهديةدى قاله إن الامام بعتهالك عشان أنت بعتلو هدايا كتير بسبب كلامك عليه وإنت بتجيب سيرته وهو فرحان بالحسنات إللى بتبعتهاله يوميا...

(وهل يكب الناس على وجوههم فى النار إلا حصائد ألسنتهم)حديث للرسول صلى الله عليه وسلم

[beauty angel]

(وهل يكب الناس على وجوههم فى النار إلا حصائد ألسنتهم)
الغيبة والنميمة أبشع صفتان
وطبعا كما تدين تدان ...
اللهم احفظنا واسترنا فوق الارض
وتحت الارض ويوم العرض عليك
جزاك الله كل خير على الموضوع
فى انتظار جديدك