ايـــه اللي غيـــر ايـــامنـــا ( بقلمي )

[Şα3Đ..♥]

ايه اللي غير احوالنا
قوليلي ايه اللي جرالنا
ومره واحده اتغيرنا
وحالنا انا بتصَعب عليه
---------

فين اللي كانت هنا جمبي
وعايشه جوايا في قلبي
حساني ساكنه هنا في حضني
وتلاقي جرحي تداوي فيه

----------------

فين اللي كان هنا بيننا
وايه اللي ضاع من سنيننا

وف لحظه واحده كده بعدنا
في ايه هقوله تاني ايه

---------------

لو كان قلبي بيتكلم
كان صرخ قال انا بتألم
ارجعي حرام انا هستسلم
للجرح والحزن اللي انا فيه

ب ق ل م ي

[ست الملك]

بكرة تعرف حبيبي حبيبي لما ينسانا الزمان إني حقيقي حقيقي بحبك
وكنت أتمنى أفضل جمبك ... بس ياخسارة خسارة على الحب اللي كان
لما تعرف ياحبيبي بعد ما يفوت الآوان . . .بعد ما يفوت الآوان
ياللي هواك خلاك أغلى الأماني وحلمت أعيش وياك أحلى زماني
خلتني أحلام حلوة في خيالي ورجعت ليه ياحبيبي صحتني من أحلامي
تاني
قلنا الوداع ليه يارتني أقدر عليه
ليه الزمان كده بيفوت علينا ويجي علينا وبتبكي عنينا
والدمع لما يوقع مابين ايدينا و العمرحفيديه الدموع مهما بكينا ياحبيبي
وأنا كنت حعمل ايه ده نصيب وأنا حصبر عليه
النسمة وي القمر من البدر متوعدين والنجمة وي السهر قبل المعاد
جايين
يديه الشموع قلبي الليلة دي عيديه فاكر موعد حبك وناسي مواعيده
عيد ميلاد سعيد عيد ميلاد جديد يوم ميلادك يوم ميلادك يوم ميلادك
أحلى عيد
الدنيا نور وأنا كلي نور الدنيا نور الدنيا نور
متنسمة بعطر الزهور الدنيا نور الدنيا نور
والحب بينادي بينهم ويا قلب حالف في يوم
احنا النهارضة ايه يوم تعيشي فيه لا بس قولي عليه
وشاغلة روحك ليه النهارضة فرح وعيدنا ولاشيء يقدر يبعدنا
ونجيب عذول بينا الاتنين بس قوليلي حيجي مينين
خايفة الفرحة في رحلة ثواني يستكترها علية زماني
مش قولتلك ماتفكريش عيشي النهارضة ولاتتضايقيش
ولاتسأليش النهارضة ايه وعيشي يومك عيشي فيه
صدقني مصداك حتسأليني مش سألاك
طول ماأنا هينا هينا هينا وياك حانسى الأيام وأفضل فاكراك
تاهت خطاوينا ونسينا نسينا على فين رايحين واحنا اللي ظلمنا أمانينا
ياعينا
احنا الأتنين واحنا اللي رسمنا بإيدينا لفراقنا ياعين
وليه من الأول مكتوب لينا والظلم كله مننا
بفكر فيك ويا همسات النسايم لللشجر ويا أشواق اليالي للقمر
ويا دقات القلوب للبشر زي ماطلعت اللي تاهت في السفر
آآآآها آآآآها آآآآها آآآآها مممم ممممم مممم ممممم
أجبرني حبي ليك قسيت نفسي علية أجبرني صبري عليك استسلم
للقسية
لو تديني حديك أكتر لو تراعيني الحب حيكبر
مش عايزة في الحب قسية ده الحب يحي الحنية


ده الرد الوحيد اللى ممكن اقدمه على كلماتك يمكن تعرف ياحبيبى قبل مايفوت الاوان
تسلم ايدك

[Şα3Đ..♥]

تسلم ايدك انتي علي المرور الاكثر من رائع ده
واللي ازهلني بجد
ومتشكر جدا
ومش مهم يكون الكلام اللي انا كاتبه ده حلو
بس الاهم اني لقيت واحد عجبه
وبجد انا فخور ان حضرتك هنا في صفحتي
تحياتي ليكي

[misho]

رااااائع
بجد يا محمد فوق الوصف
كلامك صادق وجميل جدا
دمت مبدع

[ماتركس]

محمد سعد

شاعرنا الجديد

كلمات تهز القلب بجد كلام جميل منك يا محمد

شد حيلك كده وتكلم واحنا سمعينك يا غالي

[دمعه حائره]

كلمات رائعه واحساس اروع
ابدعت وانتظر الجديد منك
تقبل تحياتى واحتراماتى

[yasmine refat]

كلامك جميل يامحمد وأسلوب كلماتك جميله

بس فيها أستسلام زياده الحياة بتستمر

مشكور على الموضوع

[Şα3Đ..♥]

اقتباسالمشاركة الأصلية كتبت بواسطة misho

رااااائع

بجد يا محمد فوق الوصف
كلامك صادق وجميل جدا
دمت مبدع

متشكر جدا يا شيمو علي مرورك
والصفحه زادت جمالا بردك وتواجدك فيها
تحياتي ليكي

[قرب كمان]

بطل كذب ماتقولش بقلمى اكتب منقول

هى الكلمات حلوة فعلا وعاجبانى بجد اللى كاتبها فنان

وشكرا على النقل

ومش عايز تجريح فيا اللى عايز يعرف منقول او لا يكتب اول سطر فى الكلمات وهيشوف فى جوجل منتديات كتيرة كااتباه الاول .. مش هذكر اسماء عشان ممنوع



تسسلم بس انا مش بحب الكذب ابداااااااا

[Şα3Đ..♥]

اقتباسالمشاركة الأصلية كتبت بواسطة قرب كمانبطل كذب ماتقولش بقلمى اكتب منقول

هى الكلمات حلوة فعلا وعاجبانى بجد اللى كاتبها فنان

وشكرا على النقل

ومش عايز تجريح فيا اللى عايز يعرف منقول او لا يكتب اول سطر فى الكلمات وهيشوف فى جوجل منتديات كتيرة كااتباه الاول .. مش هذكر اسماء عشان ممنوع



تسسلم بس انا مش بحب الكذب ابداااااااا

اولا الله يسمحك
ثانيا مش محتاج اني احلف اني انا اللي كاتب الحجات دي
وهقولك علي حاجه كويسه
الاداره مبتنزلش اي موضوع هنا في القسم الا لما تتاكد منه
وبيتهيألي رأي الاداره عندي اهم مليون مره من راي حضرتك
وميرسي علي زوق حضرتك
والناس كلها هنا عارفين اني اللي بكتبه بيبقي بقلمي
ونورت برضه