أعياد الميلاد حرام؟؟؟

[الفتاه المغامره 2]

ازيكم عاملين ايه؟يارب تكونو بخير
في موضوع لفت نظري حبيت نناقشه مع بعض
من كام يوم حد من قرايبنا عاوز يعمل عيد ميلاد ابنه
ف لقيت اخته بتقوله
ما تعزمش ابن عمو فلان ولا مراته عشان مش ها يجوا

ف الولد سألها .. ليه؟

- عشان اعياد الميلاد حرام..

طيب هوا حرام ليه؟

انا عارفا ان الاعياد في الاسلام عيدين الفطر و الاضحى
ولكن هل عشان سمينا "يوم الميلاد" عيد يبقى دخل الحرمانية؟
وبعدين هوا ليس له قدسية ولا حاجا!
يعني لو سنة عدى يبقى قشطة عملناه يبقى جميل

العجيب بقى
اني فوجئت من بعض الناس اللي بيقولوا عليه حرام
بيعملوه بس في يوم تاني غير التاريخ الاصلي للولادة
قال عشان يتفادى الحرمانية؟


معنى كده ان أى حاجة تفرح أو تبسط الأطفال (أو حتى الكبار) حرام.

يعنى لو ما كانتش عيشتنا كلها نكد نبقى كفار.

و اللى يفرح فى الدنيا حيروح النار.

حد فاهم حاجا؟؟

[~♥ Queen sozan♥~]

السلام عليكم ورحمة الله وبركاته

هو فى بعض الجماعات رافضة عيد الميلاد دة وليهم اسبابهم
وهو فعلا مينفعش نقول عيد ميلاد لان معندناش غير عدين
الفطر والاضحى
فا ممكن بدل ما تقولى عيد

قولى بحتفل با يوم ميلادى
ودة انتى حرة فية ومن حقق تحتفلى با اليوم لى ربنا
خلقك فية على الارض
من حق اى انسان يحتفل با يوم ميلادو

وانا عن نفسى الحمدلله بحتفل بية كل سنة ولكن با اسلوب مختلاف
يعنى كل سنة على حسب ما عملت

ومينفعش نحرم اى شئ فى حياتنا من غير اسباب
الدين يسر وليس عصر

تحياتى ليكى

همس الجراح

[be with me]

مش عارفة اية حرمة يعنى
مافيها شىء لو احتفلت انا واهلى واتجمعنا سوا
بيوم ميلادى
يعنى نتلم على سعادة
احسن مانتلم على حزن
تحيتى

[Reem on line]

هو ياجماعة المعروف انة اعياد الميلاد واي عيد اخر
غير عيد الفطر والاضحى يعتبر بدعة
لكن احنا ممكن لو عايزين نفرح بدال العيد ميلاد وراس السنة
وكدة ممكن نبدلة بحفلة نلم فيها صحباتنا واللى بنحبهم ونحتفل
مثلا بنجاح او فوز او اي حاجة مادام احنا مسلمين
ودي وجهة نظري
دمتم بخير وعافية

[وفيت حتى انتهيت]

بابا بيقول بدعه ومش بيوافق انى اعمله بس اصحابى بيصمموا انهم يحتفلوا معايا بيه

[DR.SMA]

انا مش عارفه بس مش شايفه انه حرام
اصل احنا مش بنحتفل بيه على انه عيد
زي عيد الفطر وعيد الاضحى يعني
لكن هو ذكرى حلوة بنتجمع فيها ونكون مبسوطين
ومفتكرش ان دي حرمانيه
انا دايما بعمله الا لو في ظروف وقتها يعني
شكرا
سمــــــــــــا

[ساحر الأحزان]

الاحتفال بالشىء

شىء جميل

ولكن ليس فى كل الاوقات

طيب بدل ما نحتفل بعيد الميلاد


نعمل حفلة جميلة

والكل يفرح

ولكن اعياد الميلاد

قد تكون بعدعة

اتت علينا من الخارج

وكل يوم يمر علينا بخير

فهو عيد

تحياتى على موضوعك