لجنة المسابقات لن تحقق في هتاف شيكابالا

[ღ Gի๐sτ ღ]

استبعد عامر حسين رئيس لجنة المسابقات التحقيق في واقعة الهتاف الخارج الذي يتهم محمود عبد الرازق "شيكابالا" نجم الزمالك بترديده بعد فوز فريقه على المصري البورسعيدي بهدف.
وكانت عدسات الكاميرا قد التقطت توجه شيكابالا نحو مدرجات الزمالك بعد فوز الفريق على المصري، وسجلت تغني اللاعب الأسمر بهتافات تحمل بعض الخروج عن نص اللياقة.
لكن عامر حسين قال لـFilGoal.com: "شاهدت شريط المباراة الذي تم بثه عبر التلفزيون الأرضي، وحتى نهاية اللقاء لم ينقل أي خروج عن النص من شيكابالا أو غيره".
وتابع "تقرير الحكم كذلك يخلو من أي خروج للاعب عن النص، وبالتالي لا واقعة من الأساس لنحقق فيها أو نجتمع من أجل دراستها".
ويعيش الزمالك فترة استقرار بعدما ارتقى لقمة جدول الدوري الممتاز عقب إسقاط الإسماعيلي والمصري على التوالي.



بس انا اللى اعرفو انو طالما كدة ؟ يبقى لية حققت مع متعب وهو بردو مفيش حاجة جات عالتلفاز ؟

بعدين مش من حقك انت اللى تختار تحقق او متحققش على مزاجك وحسب رؤيتك
المفروض اللجنة كلها هى اللى تقول

وبعدين لجنة الانضباط لازم تحقق ولجنة المسابقات لازم تحقق لان مش رايك انت بس هو اللى هايمشى

لان فى اعضاء لجنة ممكن رايهم يكون مخالف

[game010]

شكرا على التقرير الى بعد الخبر

نورت التوبيك

منور الاقسام الرياضيه .......

[Đ ẵ я ṥ ђ]

هو قال الاهلي في الفيديو ولا هو الي علي راسه بطحه :d

[بنت الجنوب]

بالتاكيد اللجنه مش حتوقع اى عقوبه
كان مفروض يجى التقويم من ناديه

عظيم يا اهلى
كل يوم يزداد حبى واحترامى لك
فعلا نادى المبادئ والقيم
عندما قام احد لاعبى الطائرة (ايمن رشدى ) بشتم جمهور الزمالك قامت الادارة بتحذيرة وعندما كرر ذلك قامت بشطبه رغم اهميته الكبيرة فى الفريق
فعلا كبير
والكبير حيفضل طول عمره كبير
اما الاقزام فيمتنعون

يسلمو على التوبيك

[ღ Gի๐sτ ღ]

اقتباسالمشاركة الأصلية كتبت بواسطة Đ ẵ я ṥ ђهو قال الاهلي في الفيديو ولا هو الي علي راسه بطحه :d

ياعم مقالش علي جمهور الاهلى

قال على جمهور الزمالك

يقول علي اللى يقولوة

اى شتيمة تطلع منة سواء على دة او دة يتم عقابة

[M@HMOUD]

لو عاوز لجنه المسابقات تحقق فى ده كانت حققت مع حسام عاشور او احمد السيد زى ما حققت مع عمرو زكى وانا معاك فى كده بس علشان محصلش حاجه مع عاشور علشان كده مش هايحصل حاجه مع شيكا

[حياتي ذكريات]

هو ما ينفعش يتحقق معاه
لان الكاميرا اللي صورته مش كاميرا تلفزيونات
وما اتعرضش على اي من القنوات
هو تصرفه سيء بس ما يقدروش يوقعو عليه اي عقوبات

شكرا على الخبر

[ღ Gի๐sτ ღ]

اقتباسالمشاركة الأصلية كتبت بواسطة M>I>D>Oلو عاوز لجنه المسابقات تحقق فى ده كانت حققت مع حسام عاشور او احمد السيد زى ما حققت مع عمرو زكى وانا معاك فى كده بس علشان محصلش حاجه مع عاشور علشان كده مش هايحصل حاجه مع شيكا
عاشور واحمد السيد قالو اية ؟
وكمان غير كدة بتبقى حسب الشكوى للى تروح

بس كدة كدة مش هاتفرق من لجنة المسابقات لان حقهم ميحققوش مع شيكا بس اللى يخنق ان مكنش حقهم يحققو مع متعب ورغم ذلك حققو معاه

[ღ Gի๐sτ ღ]

اقتباسالمشاركة الأصلية كتبت بواسطة حياتي ذكرياتهو ما ينفعش يتحقق معاه
لان الكاميرا اللي صورته مش كاميرا تلفزيونات
وما اتعرضش على اي من القنوات
هو تصرفه سيء بس ما يقدروش يوقعو عليه اي عقوبات

شكرا على الخبر


بصراحة لجنة المسابقات تخنق وبتكيل الكيل بمكيالين

الحل الوحيد لجنة لانضباط وهى اللى بتعتمد عالفيديوهات

وهاتحقق مع شيكا لو جالهم شكوى من اى مواطن حتى لو كان مشجع عادى لانة شيكا بيهين المشجعين عامة

وغير كدة الفيديو حقيقى لان مش معقول موقع الزمالك يرفع فيديو تلفيق للاعب زي شيكابالا وهو من عندهم ولا انا غلطان ؟
حتى غير كدة الناس الخبرة هايعرفو ان كان حقيقى ولا مش حقيقى

مشكور لردك

[M@HMOUD]

اقتباسالمشاركة الأصلية كتبت بواسطة Ghost.Riderاقتباسالمشاركة الأصلية كتبت بواسطة M>I>D>Oلو عاوز لجنه المسابقات تحقق فى ده كانت حققت مع حسام عاشور او احمد السيد زى ما حققت مع عمرو زكى وانا معاك فى كده بس علشان محصلش حاجه مع عاشور علشان كده مش هايحصل حاجه مع شيكا
عاشور واحمد السيد قالو اية ؟
وكمان غير كدة بتبقى حسب الشكوى للى تروح

بس كدة كدة مش هاتفرق من لجنة المسابقات لان حقهم ميحققوش مع شيكا بس اللى يخنق ان مكنش حقهم يحققو مع متعب ورغم ذلك حققو معاه


الاتين شتموا فى الماتشات
ولجنه حققت مع متعب علشان الصفحى قدم بلاغ ضدوا
وانا معاك ان شيكا غلط بس تعمل ايه للجنه مش عارفه تدير الامور صح