قسم خاص بالمناهج التعليمية

[rehoba]

السلام عليكم ورحمة الله

اخوانى واخواتى الاعضاء بعد التحية للجميع

موضوعى باين من عنوانه ارجو من القائمين على الادارة عمل قسم تعليمى خاص بالمناهج التعليمية

وياريت يكون صوت وصوره شرح وافى محاربا للدروس الخصوصية ومساعدة للطلبة ويكون شامل المراحل التعليمية جميعا لو ممكن

اسئلة امتحانات وويشمل كل المراحل التعليمية من المرحلة الابتدائية الى الثانوية ويكون ببرامج البوربينت

لو امكن ارجو من الادارة الاهتمام بطلبى للو مسموح به لان الموضوع دا مهم جدااا لكل الاعضاء على ما اعتقد

ولكم منى جزيل الشكر

فى انتظار ارائكم مؤيدين ور معارضين يا ريت نناقش الموضوع

شكراااااااااا

[♥..pure]

فكره حلوة

بضم صوتى لصوتك

ياريت الادارة توافق

[SiLver Spectra]

ريهابو
منورة المنتدى
بالنسبة لاقتراحك
فأنا عشان افتح قسم زي كدا لازم يكون عندي ناس قائمين على الاشياء دي
بمعنى يكون في ناس متابعين للدروس و للامتحانات لمرحلة معينه او لكلية معينة
لكن لو مافيش حد و فتحت القسم
مين هيضيف امتحانات و باوربوينت في حين المنتدى في الاصل ترفيهي!!
معروف الشخص الي بيعمل باوربوينت بيكون هدفه ربحي عن طريق الدروس الخصوصية

الفكرة في مسؤولية القسم و وجود ناس ذات كفاءة لحمل القسم

[rehoba]

ميرسى يا طارق على اهتمامك

بس احنا ممكن نتعاون كلنا فى تنزيل المناهج دى الــي يقدر ينزل حاجة ينزلها ونعمل تصويت نشوف مين مستعد ويقدر
يقوم بالمهمة دى ويسند اليه الموضوع دا واكيد فى اعضاء هنا ممتازين
فى الجرافيك والتصميمات ممكن يساعدو مش هيتأخر متتصورش الموضع مهم اد ايه بالنسبة لنا كلنا
كمان المنتديات التعليمية لازم نكون مشتركين فيها عشان نقدر نحصل على اى شىء
ودى حاجة مش سهله انت بس انوى وربنا يسهلها وانت افكارك حلوة هتعرف تشغلها