خطر كبير على مصر اذا استضافت قطر كاس العالم

[ღ Gի๐sτ ღ]

مش هاتكلم كتير واحكى القصص اللى تثبت بان قطر بتكرة مصر وانها دايما ضد مصر

مش هاتكلم عن المساوىء اللى هانشوفها من قطر لو فازت باستضافة كاس العالم ولا الذل بتاع البث الفضائى اللى هايحصللنا وهايحصل لكل العرب ايضا لو فازت قطر باستضافة كاس العالم

بس ملخص فى كلمتين بس

فى 2010 لما طلبنا استضافة كاس العالم . قطر لن تعطينا صوتها ؟ فاذا لماذا نعطيها صوتنا

والخطر اللى انا بقول عليه

كلنا نعلم ان استضافة كاس العالم بالتداول فى القارات يعنى

افريقيا . امريكا الجنوبية . اوروبا . اسيا . افريقيا . امريكا الجنوبية . اوروبا . اسيا .. الخ وهكذا

ومن المفارقات ان قطر فى اسيا تتقدم لاستضافة كاس العالم 2022

واستضافة كاس العالم 2026 باذن الله سيكون فى قارة افريقيا وبالطبع كلنا مش هانسكت علي نكسة الصفر بتاع 2010 وهاندخل فى 2026 بقوة تاريخية يمكن تكون اقوى من قطر لان المرادى هاندخل بغل واخدنا خبرة كبيرة واستفدنا كل حاجة وهانعرف نظبط امورنا وهانعرف نتعامل ومن ناحية الفلوس الحكومة وقتها هاتصرف كل مالديها وهانعمل اكبر جهد وهانعرف نجيب فلوس ودة غير ان ماجد سامى رجل الاعمال الكبير صاحب نادى ليرس البلجيكى ناوي يفتح شركة بالاشتراك مع رجال اعمال شباب طموحين وهايضخو راس مال جامد جدا لمصر حتى ناخد البطولة

وحتى ممكن من غير مانساعد لان هما قالو انهم يقدرو يجيبو الفلوس اللى مصر عاوزاها ويقدرو يبنو ملاعب علي اعلى مستوى فى العالم وتظبيط البنية التحتية مهما يكون بس بطلب واحد وهو مساندة الحكومة فقط وطبعا طالما هما جاهزين الحكومة مش هاتتاخر

بس ياعينى بقى لو قطر استضافت كاس العالم 2022

يبقى مصر لن تستضيف كاس العالم 2026

لان 4 المستحيلات ان الفيفا تدى الاستضافة لدولتين عربيتين فى بطولة كاس العالم مرتين ورا بعض

كلامى واضح وباين وكلنا عارفين كدة واللى يفهم كورة عارف ان الفيفا هاتعمل كدة فعلا


ممكن ييجى واحد يقول مصر مش هاتتقدم واننا حتى لو اتقدمنا هانفشل والكلام دة

لا

مصر هاتتقدم لانها بتيجى مرة واحدة كل 16 سنة والله اعلم ان كنا نكسب ام لا :d

وبردو هاندخل بقوة لاننا اتعلمنا كتير ورجال الاعمال كلهم مستنين يدفعو كل مالديهم من فلوس

او عالاقل استضافة بملف مشترك بين مصر والمغرب لان سمعنا كلام كتير جدا ان مصر والمغرب هايدخلو مع بعض بس حتى الان الكلام غير رسمى

وبعيدا عن كل دة

البلد اللى هاتكون جامد فى الاستضافة فى 2022 من وجهة نظرى هى اليابان وليس قطر

ويارب قطر تخسر

حتى لا نزل ولا نتهان ولا حد يتكبر علينا زي مابيتكبرو علينا

وكل اللى بيفهم كورة هايعرف قد اية الحقد اللى جاي من قطر ناحيتنا

والعقلاء ميردوش لانهم مش حاسين بحاجة

بس مثال بسيط علي دة كلو زي ماقلت

قطر نفسها لن تعطينا الصوت فى 2010 رغم اننا دولة عربية ومسلمة زيها

[simpaolo]

طب ايه رايك نفتح صفحة جديدة

و خصوصاً انه على المستوى السياسى بدأنا من يومين تلاتة نفتح صفحة جديدة

و نسيب الكرة فى ملعبهم و نتصرف بعد كدة كرد فعل مش نشحن نفوس المشجعين من بدرى كدة

و ربنا يهدى النفوس

[بنت الجنوب]

معرفش ممكن يكون كلامك صح
بس المش صح انن نقابل السيئه بالسيئه
خلينا نقابل السيئة بالحسنه

الف شكر على الموضوع

[P R ! M O]

ههههههههههههههههه
لسة بدرى اووووووووووى على الكلام دة
انته بتتكلم في 2026
مين يعيش

[.*. أسير الماضي .*.]

شوووووووووووف كل كلامك يمكن صح والمعلومة يلي حبيت أظفيها

أنو قطر مو تكرهكم وحدكم حتى الجزائر بتكرها وهذا حصل معنا كتيير مواقف معنا


لكن لندع خلفتناااااااااا مع الكووورة ونفتح صفحة جديدة

يمكن تكوون خييييييييير عليناااااااااا كما قالت الاخت بنت الجنوب صح انن نقابل السيئه بالسيئه
خلينا نقابل السيئة بالحسنه

كلمها منطقي جداااااااااا وهذه شيمة العربي المسلم نقابل السيئة بالحسنة

وأهو مين راح يعيش 2026 يمكن بيجي جيل جديد يغير كل شيء والله أعلم

تشكراتي لك ولكل من رد على موضوعك المفيد جدااا

تقبل شكري

[ღ Gի๐sτ ღ]

اقتباسالمشاركة الأصلية كتبت بواسطة nemo temoههههههههههههههههه
لسة بدرى اووووووووووى على الكلام دة
انته بتتكلم في 2026
مين يعيش



ماهو مع الاحترام لردك
دة اللى بيرجعنا لورا ويخلينا نندم فى الاخر

من سنوات طويلة قبل مانتقدم ل 2010 الكل كان بيقول زيك يا . مين هايقعد لحد 2010 و نفس ردك

وفى الاخر لحد ماجة 2010 دلوقتى والكل اجمع

ياااا لو كان البطولة فى مصر . يا لو كنا احنا اللى اخدنا البطولة فى بلدنا والخ

وبص علي جنوب افريقيا استفادت اية . اقل حاجة مكسب لا يقل عن 6 مليار دولار . دة غير الملاعب و البنية التحتية اللى هاتقعد معاهم طول العمر و ان العالم كلو عرف يقدرها دلوقتى

احنا لو نفكر من دلوقتى نعرف نجيب 2026 انما لو سبنااها علي الله ومين هايقعد ل 2026 هانقعد كدة لحد ماتيجى 2026 ونندم ونتحصر فى الاخر

لازم كل حاجة تكون بالتخطيط خاصة فى الكورة

مثال اليابان دلوقتى بيخططو لمنتخب يابان عالمى
وحددو انهم يفوزو بكاس العالم 2050 اي نعم متاخرة بس اهو مع مرور الوقت الناس بتعرف قد اية كان التخطيط مفيد

وقطر لو اخدت البطولة لن يكون من فراغ . هايكون من تخطيطهم من البداية من الجزيرة لان الجزيرة هى السبب فى دة كلو

وكل واحد ولة وجهة نظر

[Big Brother]

انا مع رأي simpaolo الصراحه ونعم العقل
واعتقد مالوش لزمه الكلام في الموضوع دا خلينا احنا الكبااار
وبلاش نكون احنا كمان من اللي بيسمعوا كلام الناس اللي عااايزانا
نتفرق اكتر ما احنا متفرقين خلينا احنا العاقلين
وما نبصش تحت رجلينا
ونقابل احنا السيئه بالحسنه يمكن لما نعمل كدا ربنا يهديم هما كمان

[shr0o0k]

هو من المؤكد ان قطر هتصتضيف كاس العالم
ت
2022 بس ربنا يستر

ومصر فوق الجميع

تحيا جمهوريه مصر العربيه

[هزوره المصريه]

2026
ههههههههههههه
يامين يعيش داانا شاكه ان القيامه هتقوم قريب والله اعلم

على العموم تسلممممممممم يديكى

[ღ Gի๐sτ ღ]

اقتباسالمشاركة الأصلية كتبت بواسطة shr0o0kهو من المؤكد ان قطر هتصتضيف كاس العالم
ت
2022 بس ربنا يستر

ومصر فوق الجميع

تحيا جمهوريه مصر العربيه


لا لا لا انتى كدة فهمتينى غلط

انا لن اقول نتفرق

قطر اخواننا

بس قصدى حاجة تاني

احنا اخوة حاجة . والتعامل حاجة تانية

بعدين لن يكون قصدى علي قطر نفسها

قصدى علي المسؤلين بقطر

ومن ناحية ربنا يهديهم كفاية اللى حصل منهم

اتفقو مع الزمالك يدفعو 100 الف دولار

والنهاردة ريس اتحاد قطر خرج يصرح ويقول انا لن ادفع حاجة للزمالك واحنا اكبر من اننا نتفاوض مع نادى الزمالك

ودة حاجة تانية تاكيد على كلامى بانهم مغرورين

لما توصل يقولك احنا اكبر من التفاوص مع الزمالك . يبقى غرور اكتر من كدة اية

انا عارف مسؤلين قطر واللى هايعملوة فينا
وبعدين ليس اننا نختار دولة غير قطر اننا نكرة قطر

بس لو اخترنا قطر هايكون جاي بالضرر علينا

لان كدة لن نتفرج علي كاس العالم

اما لو البطولة فى دولة اخرى ممكن ناخد كاس العالم عالتلفاز المصرى عادى