كبر دماغك ياعم

[الفراشه]

دا بقي جزاه اللي بيكبر دماغه هيبقي كده

وكمان مش هيعرف يقلع التيشيرت:242::hahaha:

فلان قاعد مع علان في القهوه و بعدين تليفون

علان رن وحدث الاتي

فلان : ما ترد يابني علي التليفون

علان : لا

فلان: ليه يا عم بس ؟؟

علان : اهو بقي حلاقه و السلام

فلان: ليه بس الغلاسه دي ؟

علان : بيني و بينك بحب اكبر دماغي

فلان: يا سلام ؟؟

علان : اه

فلان : طيب لما انت بتكبر دماغك الناس ما بتضايقش ؟؟

علان : يتضايقوا ليه بس ؟؟؟

دي حاجه عاديه يعني و محدش بتضايق علشانها

فلان : طيب لو انا دلوقتي خلعت من القهوه من غير ما ادفع الحساب ؟؟

و كبرت دماغي يبقي ازاي الحال امال ؟؟

علان : ده انا اتنرفز نرفزه و احتمال دمي يفور فوران

و اتضايق نفسيا كمان

كبر دماغك

,كلمه بنسمعها كتير قوي الايام دي ,

كلمه بتحمل في طياتها جمود و استفزاز للمشاعر

,كم مره اسمعها و انا ماشيه فى الشارع بقت لازقه فى لسانا

الكلمه دي بقي بتعبر عن اللامبالاه يعني واحد يبقي بيعمل حاجه غلط

و يجي حد ينصحه يرد بكل وقاحه و يقوله يا عم كبر

لو كل واحد كبر دماغه

يبقي مفيش مشاكل هتتحل . .

لا و كمان هتبقي المشاكل بتكبر بجد

يعني كبر و فعلا هو بيكبر المشكله

ياريت يا شباب نحاول نفكر شويه بدل تكبير الدماغ اللي جايبنا لورا ده

ودلوقتي ايه رائيك في كبر دماغك هل المصطلح دا سليم وفيه قيم ومبادئ عشان تستخدمه؟؟؟

طيب لو بتستخدمه بتستخدمه كام في الميه في حياتك ؟؟؟

بتستفاد منه اكتر ولا بيضرك اكتر وبصراااحه ؟؟؟؟

ياريت نجاوب ونتناقش ومنكبرش دماغنا للموضوع كله :Sport-114:

تحيااتي

[SiLver Spectra]

طبعا الأول بشكرك يا فراشة على طرحك المميز

و أنا شخصيا كتير بتضايقني الكلمة دي...لما أتكلم في موضوع أو قضية و الطرف التاني يقولي كبر دماغك يا عم!!!!

ودلوقتي ايه رأيك في كبر دماغك هل المصطلح دا سليم وفيه قيم ومبادئ عشان تستخدمه؟؟؟

تكبير الدماغ في حد ذاته مش عيب في مواقف معينه...بالعكس بيجي بفايده...لما يقولك دا راجل دماغه كبيره..بتبقى صفة حميدة

و لكن طبعا و للأسف الإفراط في تكبير الدماغ على أي حاجه...خليتها صفة سلبية في المجتمع
و أصبح المجتمع لا يبالي باي شيء

كسل في العمل...ما فيش إتقان...و أحيانا ما فيش ضمير

مافيش شعب بيستخدم المصطلح دا غيرنا تقريبا

طيب لو بتستخدمه بتستخدمه كام في الميه في حياتك ؟؟؟

أنا بصراحه بستخدمه ما أقدرش أنكر ....لكن مش كتير...أو خلينا نقول لفظا مش كتير...قليل ....لكن عمليا كتير أوي!!

بتستفاد منه اكتر ولا بيضرك اكتر وبصراااحه ؟؟؟؟

و الله ساعات بتفيد و ساعات كتير بتضر .......
يعين لما يحصل موقف و إنت تكبر و تعديه....بيكون تكبير الدماغ إيجابي..( طبعا في حدود معينه)

لكن في الشغل لما بتكبر أكيد التكبير بيكون سلبي عليك و على غيرك

و غير الشغل زي ما قولتي في الموضوع...في بعض المشاكل التكبير بيكبر المشكلة أكتر....لكن طبعا مش كل المشاكل...لأن أحيانا بيكون العكس

لذلك أنا ما أقدرش أحكم و أقول هي صفة كويسه و لا لأ

بس في الغالب إستخدامها المفرط سلبي على المجتمع



و شكراا يا فراشه على الموضوع الروعة

تحياتي

[miraa]

تسلم ايدك يا فراشه بجد موضوع مهم جدا
كلمه كتير بنسمعها وفعلا كلها لا مبالاه (كبر دماغك)
اى اسكت عن الحق ولا تجادل ولا تتناقش وهى دعوه للبلاده والصمت
للاسف كتير منا بيقولها على سبيل المواساه او التخفيف عن المعنى بالمشكله
بس للاسف ده مش حل ده هروب من المواجهه ومن ايجاد الحل المنطقى
مرسيي يا قمر على الموضوع ده
شوفتى ادينى مكبرتش دماغى ..... اصلى بصراحه غفت معرفش اقلع التيشرت ههههه

[اسوانلى]

موضوع اللامبالاة والسلبيه وغيرهم كتير من الاشياء المدمره لحياتنا
انا لما كتبت موضوع " لازم بكرة حيبقى احسن لو غيرنا شويه فى حياتنا " كنت اقصد كل السلبيات دى
وعلى فكرة انا احيانا باستخدم كلمه كبر دماغك , لكن ده لما بتكون فيه مشكله قصادى بين اتنين او اكتر فبقول لاى حد فيهم يا عم كبر دماغك دى ناس دماغها فاضيه " يعنى باستخدمها فى الحالات دى بس
وفى النهايه تحياتى ليكى على الموضوع المميز ده

[مريومتى]

ههههههههههههههه والله موضوع جامد

ولكن مفيش حد مبيكبرش دماغه انا عن نفسي

بكبر دماغي 90 % في مواقف مينفعش فيها الا تكبير الدماغ

وتكبير الدماغ احيانا بينفعنى واحيانا بيضرنى

بس ف الغالب بينفعنى

ثانكس يا قمر

[الفراشه]

اولا بشكرك يا طارق على مرورك ومشاركتك الرائعه

تاني شئ كلنا بنستخدم المصطلح دا في حياتنا وعلى حد علمي ان المصطلح دا لسه تقريبا طالع جديد يعني بقالوا يجي سنتين كدا
معرفش الحقيقه هو جه منين ولا ايه السبب في المقوله دي
لكن في الاخر كلنا بنستخدمه
بس انا معاك في حاجه واحده هى ان تكبير الدماغ مش حاجه كويسه زي ما قولت
مع احترامي لرائيك طبعا
لان حتى في المشاكل لما واحد بيكبر دماغه من مشكله اه هو ساعتها المشكله بتنفض وبتنحل
لكن بتترك اثر السلبيه ولا مبالاه في نفس الشخص دا
ليه منتناقش ونحل مشاكلنا بشكل متحضر يرضي كل الاطراف
بعيد عن تكبير الدماغ

دا كان تعليقي على جزئيه صغيره من ردك يا طارق
لكن باقي ردك عجبني جداااااااا


تسلم ايدك على المشاركه الروعه دي


تحيااتي

[الفراشه]

اقتباس المشاركة الأصلية كتبت بواسطة miraa تسلم ايدك يا فراشه بجد موضوع مهم جدا كلمه كتير بنسمعها وفعلا كلها لا مبالاه (كبر دماغك) اى اسكت عن الحق ولا تجادل ولا تتناقش وهى دعوه للبلاده والصمت للاسف كتير منا بيقولها على سبيل المواساه او التخفيف عن المعنى بالمشكله بس للاسف ده مش حل ده هروب من المواجهه ومن ايجاد الحل المنطقى مرسيي يا قمر على الموضوع ده شوفتى ادينى مكبرتش دماغى ..... اصلى بصراحه غفت معرفش اقلع التيشرت ههههه

هههههههههههههه
الله عليكي يا ميرا يا قمر
ودا فعلا هو اللي انا عايزه اقوله ان تكبير الدماغ زي ما بنقول حتى وان كانت ليها فايده فبتكون كا مسكن بسيط لكن بتظهر سلبياتها بعد كدا
وهى انها بتنشر في نفسنا وعقولنا الا مبالاه

وكويس يا جميله انك مكبرتيش دماغك هنجبلكم تيشرتات منين على قد دماغكم الكبيره دي
ههههههههههههههههههههه
تسلميلي يا قمر على المرور الجميل

تحيااتي

[الفراشه]

اقتباس المشاركة الأصلية كتبت بواسطة اسوانلى موضوع اللامبالاة والسلبيه وغيرهم كتير من الاشياء المدمره لحياتنا انا لما كتبت موضوع " لازم بكرة حيبقى احسن لو غيرنا شويه فى حياتنا " كنت اقصد كل السلبيات دى وعلى فكرة انا احيانا باستخدم كلمه كبر دماغك , لكن ده لما بتكون فيه مشكله قصادى بين اتنين او اكتر فبقول لاى حد فيهم يا عم كبر دماغك دى ناس دماغها فاضيه " يعنى باستخدمها فى الحالات دى بس وفى النهايه تحياتى ليكى على الموضوع المميز ده

اسوانلي فعلا لازم بكره هيبقى احسن لو غيرنا شويه في حياتنا
جميله اووووووووي لبعباره دي وياريت كلنا نعمل بيها
ما لسه بقول اهو ان كلمه كبر دماغك في حل المشاكل
بتكون زي المسكن بالظبط لكن بعد ما مفعوله يروح بتظهر السلبيات
وهى انها بتزرع اللا مبالاه في نفوسنا
وتكبيره دماغ في حاجه بتسحب تكبيره دماغ في حاجات كتيييييره اوووووووووي

اسوانلي تسلم ايدك ويسلم مرورك الجميل
وردك اللطيف اللي نور الموضوع



تحيااتي

[الفراشه]

اقتباس المشاركة الأصلية كتبت بواسطة مريومتى ههههههههههههههه والله موضوع جامد ولكن مفيش حد مبيكبرش دماغه انا عن نفسي بكبر دماغي 90 % في مواقف مينفعش فيها الا تكبير الدماغ وتكبير الدماغ احيانا بينفعنى واحيانا بيضرنى بس ف الغالب بينفعنى ثانكس يا قمر

مريومتي يا قمرايه ميرسي لمرورك يا جميله
بس مش شايفه ان نسبه تكبير الدماغ عندك كبيره شويتين
ماهي مش كل الامور ينفع ان احنا نكبر دماغنا
دا غير سلبياتها الكتير
عموما انا بشكرك على ردك يا الجميل

لكي مني كل الحب


تحيااتي

[شاعر الاحزان]

موضوع جميل تسلم ايدك

كلمة كبر دماك دى بتريح كتير


وفى نفس الوقت بتزود المشاكل



بتريح امتى لما بيكون واحد جنبك بيتكلم على الفاضى والمليان فتكبر دماغك وبستريحى من صداعو


اما مثلا راكب عربيه وفرامل بتعها ضعيف وتقول يا عم كبر دى بتزود المشا كل

وميرسى على التوبيك



وفى نكته حلوه جداااااا عجبانى


مره واحد كبر دماغو سد الشارع


ههههههههههههههه