سرى جدا الى البحر

[game010]

بقوله يا بحر
ليه الموج فى عِز الهُوج ما بيخلِّصش
و المِلح سَد وِدانك لجل ما تخلِّصش
يا بحر كام ألف بِت زغزَغت رِجليها
و رَفعت عنها الحِجاب
و لَزقت فُستانها بالعاني على ضَهرها
و جَرحت رِجل الواد اللّي جِري في ضَهرها
و عَملت مِلحَك دَوا
و اللّي جِراحُه هوى مالهوش طبيب غيرَك


طب ليه بِتِبْخَل عليّا
مع إِنْ حبيبتى صبيّة
زَغزَغت رِجليها و رَفعت عَنها الحِجاب
و لزقت فستانها بالعاني على ضهرها
و دَبَحتِني في مَهرها و دفعتِلَك راضي
خلّيتلي حبي قضيّة وعملتلي قاضي
وكَويت بِملحَك جَرحي كِيف الدَّبْح
مِن مِيتَى يا بحر الِجراح بتطيب بِحّبة مَلح
و أنا أَصلي واخد ع الـوَجَع ..
و أمَّا الجِـراح بِتْصيـب جَـدَع ..
بيصِير وجَعْهَا بــــ مِيت وَجَع
تعرف يا بحر الـ مِيت وَجَع !
وَجَع اللي حَبّيتها وسابِتني
وَجَّع اللى بعنِيها سَبِتني ..
وَجَع اللي عَمَلِت مِنّي رَمل في قَعر جُوفَك رسَّبتني ..
و تُسعُمِيت مِليُون وَجَع للذكرَيات ..
أصْل المحبّة يا بحر مِش فَترة وتعَدّي
دي عُمر شايِل صوت هِزاري و غُلب جَدّي ..
فِكر طايِح يوم يِجيب و شهور يِوَدِّي ..
و تُسعُمِيت مِليُون وَجَع ..
عَدَد المحَارة و الوَدَع
عَدَد الكلام مِن بين شَفَايِفها الجُمَال
عَدَد الشَّماسي والكَراسي والبَنات ..
عَدَد الرِّمال عَدَد المَطر يا أبو قَلب أقسى مِن الحَجَر ..
كُل اللي فَاكرينَك بتجَمَّع للحَبَايِب شَملُهم ...
عَالَم بَقَرْ
ما أنا جِبتَهَالَك .. مِشْ جِبتَهَالَك ؟! ..
شَهِّد الشّمس اللي لِسّة سَمارها فوق ضَهري تقُولَّك
إِنّي يا بحر ائتَمَنتَك جِبتَهَالَك
ولاّ ليه شَهِّد رِمَالَك
عَلِّي صوتَك سَمَّع الرّمل اللي مَدبوح مِن قَساوتَك
و اندَهُه و إِن كان يِجاوِب اسألُه
فين قُصور الواد دَاهُه
هيقُولولَك ما إنت يا بحر اللي هَدِّيتها
وسَوِّيتها بِباقي الشَّط
هيقُولولَك هُوَّ هُوَّ المُوج يا بحر
زَي ما جَمَّع حَبايِب زَي ما كَسَّر قُصور
بَس النُّوبَة دي يا بحر مُوجَك القَاسي كَسَرني
هُوَّ أنا ناقِص كُسور
لَو تِعَرّينى يا بَحر تِلْقَى جُوّايا بَنات مَالْها عَدَد
ولا اتكَسَرتِش
زَي ما تقُول جِسمي نَحَس مِن الحَريم وبَقيت وَتَـد ..
بس النّوبَة دي ما انتَصَرتِش
بَعتِرفلَك يا هَوَى البحر إِنّي مَغلوب النٌّوبَة دي
بَس خَلّيك واعي دايمًا وافتِكِر مين اللي بادي
ومِن اللّيلادي لا إِنتَ صاحبي ولا أعرِفَك
إِيّاك تِشُوفني بِبِنتْ حِلوَة وتُطلُب إِنّي أعَرفَّك
صَبرَك عَلَيّا
و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك
كِيِفْ الذَلِيل
مِن اللّيلادي سَماك يا بَحر هتِبقَى لِيل
مِن اللّيلادِى هـ أطفِّي شَمسَك و أطمِس الدُّنيا ونَهَارها
"ّحبيبتى " مـاتِت
بَس فاضِل لِسّة نارْها
و العَزَا عالِق ما بِيني و بِينَك إنتَ
والله مَا هَقبَل عَزاك
قَبل ماخُد بإيدي
تَـارهَـا !

[koky97]

كلمات فى غاية الرووووووووووووووعة

تسلم ايدك

تحياتى لك

[۩۩ elMagic ۩۩]

كلماااااااااات جميله جدا
تسلم يا غااااااااااالى
لك منى ارق تحيه

[هزوره المصريه]

"ّحبيبتى " مـاتِتبَس فاضِل لِسّة نارْهاو العَزَا عالِق ما بِيني و بِينَك إنتَوالله مَا هَقبَل عَزاكقَبل ماخُد بإيديتَـارهَـا !
كلمات ولاأروع ماأجمل احساسها
ومااجمل تعبيراتها وصدقها
تحياتى لك دمت ودام تألق قلمك
النزيف بكل جديد وجميلا
تحياتى لك

[واد حبيب]

كلمات في قمة الجمال والروعه

تسلم يدك وقلمك علي كلامك الجميل

ودي وتقديري لقلمك المبدع

تقبل مني كل احترام وتقدير

الحبيب

[حـ,ـكـ,ـآيـ,ـهـ,ـ ۅطـ,ـنـ,ـ]

ما أجمل هذه المشاعر

لـ حرفك رونق يأسر القاريء

ولـ بوحك متنفس ٌ آخر لنا نعيشه ُ بكل تفاصيله

دمت بهذه الروعة أخي الكريم

كل التقدير ~

[game010]

اقتباس
المشاركة الأصلية كتبت بواسطة koky97





كلمات فى غاية الرووووووووووووووعة

تسلم ايدك

تحياتى لك

شكرا على المرور الجميل ده

نورت التوبيك

[game010]

اقتباس
المشاركة الأصلية كتبت بواسطة احمد (البرنس





كلماااااااااات جميله جدا
تسلم يا غااااااااااالى
لك منى ارق تحيه

شكرا على المرور الجميل ده

نورت التوبيك

[game010]

اقتباس
المشاركة الأصلية كتبت بواسطة هزوره المصريه





"ّحبيبتى " مـاتِتبَس فاضِل لِسّة نارْهاو العَزَا عالِق ما بِيني و بِينَك إنتَوالله مَا هَقبَل عَزاكقَبل ماخُد بإيديتَـارهَـا !
كلمات ولاأروع ماأجمل احساسها
ومااجمل تعبيراتها وصدقها
تحياتى لك دمت ودام تألق قلمك
النزيف بكل جديد وجميلا
تحياتى لك

شكرا على المرور الجميل ده

نورت التوبيك

[game010]

اقتباس
المشاركة الأصلية كتبت بواسطة واد حبيب





كلمات في قمة الجمال والروعه

تسلم يدك وقلمك علي كلامك الجميل

ودي وتقديري لقلمك المبدع

تقبل مني كل احترام وتقدير

الحبيب


شكرا على المرور الجميل ده

نورت التوبيك