فينك يا بابا؟؟؟؟

[يوكي]

بابا وحشني جدا
كان كل حاجه في حياتي
كان صديقي واخويا وحبيبي
بجد نفسي اشوفه
نفسي ياخدني في حضنه زي ماكان دايما بيعمل
انا زعلانه اوي اوي
هو اتوفى من 10 سنين بس كانه امبارح
كنت نفسي يشوفني ويفرح بيا وانا داخله الكليه اللي كان نفسه ادخلها
كنت نفسي يشوفني وانا بتخرج وانا في الكوشه مع عريسي
كنت نفسي يشوف ابني
ادعولي ربنا يصبرني على فراق اغلى الحبايب
فقدتك يا اعز الناس فقدت الحب والطيبه
وانا من لي في هالدنيا سواك ان طالت الغيبه
رحلت ومين بقى وياي يحس بفرحتي وبكاي
يا رب اقابله في الجنه
انا اسفه لو نكدت عليكم بس بجد انا مخنوقه جدا وكنت عايزه افضفض

[همسات دافئة]

الله يرحمه حببتي


وتأكدي انه معك في كل لحظة في حياتك


فاسعديه دائما بتفوقك وكوني سعيدة في الحياة


شكرا حببتي


واعتبرينا كلنا هنا أخواتك



اشكرك


ودمتي بخير

[مرموره]

ولا يهمك يا
يوكى
ومتقوليش كده
احنا هنا كلنا اخواتك
ومزعليش ياقمر
يعنى احنا كلنا هنروح فين
الحمدلله على كل شىء
ادعيله وان شاء الله نتقابل فى الجنه جميعا
يارب

وكلنا لازم نقراله الفاتحه
وربنا يرحمنا جميعا يارب
والبقاء لله وحده

[smsma666]

فى البدايه السلام عليكم
يوكى اوعى تقولى انك هتزعجينا لا ابدا على العكس تمام
وبابكى اكيد هيكون شايفك وسعيد بيكى وسعيد بكل اللى عملتيه ووصلت ليه وبلوغك المرحله الجامعيه ودخولك الكليه اللى كان نفسه انك تدخليه ده شئ يفرحك واتمنى ان تدعى له بالرحمه والمغفره وان تتقابلى معه فى جنةالخلد ان شاء الله
تحياتى

[هدى الله]

السلام عليكم ورحمته الله وبركاته
اختى فى الله/يوكى
اولا هذا المنتدى يا اختى بيتنا الثانى ونحن اخواتك فى الله فلا داعى لاى اعتذار او اسف فيجب علينا تحمل بعض فى الحزن قبل الفرح ففرحك فرحنا وحزنك حزننا

وصدقينى اختى الغالبة ان والدك الان ان شاء الرحمن فى مكان افضل يتنعم فى جنه الله سبحانه وتعالى
فادعى له اختى برحمه وان يدخله الرحمن الجنه بعوفه وليس بعدله
واعلمى ان مهما طال من الزمن لن تنسيه فهو والدك ولكن تذكريه بكل خير وتذكرى حبه واهتمامه لكى ولاسرتك واصنعى كل ما كان يحبه
وتذكرى اختى فى الله
عن أبي هريرة أن رسول الله قال: ) إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعوا له ).

فكونى ولده الصالح الذى يدعو له واكثرى من الصدقات له جعلها الله له ولكى فى ميزان حسناتكما

واخير
اللهم يرزقك بالصبر والسلوان على فراقه

[مريومتى]

بوكى قلبتى عليا المواجع

بس بابا ربنا يخليهولي هوه اللي فضلي ف الدنيا بعد موت ماما الله يرحمها

الله يرحم اموات المسلمين ويسكنهم فسيح جناته

ويجمعنا معاهم باذن الرحمن ف الجنه ونكون كلنا ف شفاعه الحبيب صلي الله عليه وسلم

[رونى 2008]

أختى الفاضلة/ يوكى
أنا حاسة بإحساسك ده كويس ومقدرة أد ايه فراق الاب صعب لانى مثلك
بس يجب علينا أن نرضى بقضاء الله وقدره وندعو لهم بالرحمة وأن يجعل مسواهم
الجنة ان شاء الله
وهو دلوقتى حاسس بيكى فى كل شئ تحقيقيه فأقرأى له الفاتحة وقومى بعمل صدقات
جارية له وادعى ان ربنا يخلى أمهاتنا ويمنحن الصحة والعافية أمين
واعتبرينا كلنا أخواتك مثلى تماما
لان هذا المنتدى هو بيتنا الثانى
وأخر دعواى الله يرحمهم ويجمعنا بهم فى جناته ويصبرنا على فراقهم
أمين يارب العالمين

[يوكي]

اقتباس المشاركة الأصلية كتبت بواسطة همسات دافئة الله يرحمه حببتي وتأكدي انه معك في كل لحظة في حياتك فاسعديه دائما بتفوقك وكوني سعيدة في الحياة شكرا حببتي واعتبرينا كلنا هنا أخواتك اشكرك ودمتي بخير

ميرسي جدا على ردك الرقيق اللي ريحني اوي
واحنا فعلا كلنا اخوات

[يوكي]

اقتباس المشاركة الأصلية كتبت بواسطة مرموره ولا يهمك يا يوكى ومتقوليش كده احنا هنا كلنا اخواتك ومزعليش ياقمر يعنى احنا كلنا هنروح فين الحمدلله على كل شىء ادعيله وان شاء الله نتقابل فى الجنه جميعا يارب وكلنا لازم نقراله الفاتحه وربنا يرحمنا جميعا يارب والبقاء لله وحده

ميرسي مرموره اوي على قلبك الطيب
والله ريحتي قلبي
ربنا يديم المحبه والصداقه لكل المنتدى

[يوكي]

اقتباس المشاركة الأصلية كتبت بواسطة smsma666 فى البدايه السلام عليكم يوكى اوعى تقولى انك هتزعجينا لا ابدا على العكس تمام وبابكى اكيد هيكون شايفك وسعيد بيكى وسعيد بكل اللى عملتيه ووصلت ليه وبلوغك المرحله الجامعيه ودخولك الكليه اللى كان نفسه انك تدخليه ده شئ يفرحك واتمنى ان تدعى له بالرحمه والمغفره وان تتقابلى معه فى جنةالخلد ان شاء الله تحياتى

ميرسي اوي سمسمه على مشاغرك الرقيقه
وبجد انتوا ريحتيني جدا
ربنا يديم بينا المحبه والصداقه