عندك هدف ولا ايه ؟؟

[فيروزه]

بسم الله الرحمن الرحيم
السلام عليكم ورحمه الله وبركاتـــهـ
ازيكم ياجماعه عاملين ايه ؟؟

موضوعي انهارده ياجماعه مش جديد
بس مهم اوووي وحابه اكلمكم فيه
هو الهدف والوصول للهدف دا
يعني انا اعرف نااس مثلا معندهاش هدف في الحيااه خااالص
يعني مثلا
لو جيت تسالها انت عايزه تبقا ايه او توصل ل ايه؟؟
والله ما يعرفش يجاوبك

وفي ناس من نوع تاني خااالص الناس الي عندها هدف وعايزه توصله
وتحققه باي طريقه
سواء كانت الطريقه وحشه او حلوه اهو عايز يوصل وخلاص
سواء في مجال( الشغل ،الحب ،الماال ،المنصب ،الشهره .....وحاجات تانيه كتير طبعا )

انا عايزه اعرف راي الجميع في موضوع الهدف والوصول للهدف دا
وايه رايك في الناااس الي معندهاش هدف في الحياه؟
وايه ريك في الناس الي عايزه توصل لهدفها باي طريقه
سواء كانت مشروعه او لا ؟

وايه الهدف الي نفسك تحققه وايه برايك هو صعب ؟

احب اسمع اراء الجميع واتكلمو براحتكم طبعاا
فيروز :cv24:

[MAX.2010]

انا هرد ببعض الحكم الي انا بعتبرها جزء اساسي من حياتي ولازم اتبعها

بالنسبة للهدف فانا شايف انه(من الأفضل أن تعيش من اجل هدف أو شيءما ،، بدلا من أن تموت من أجل لاشيء.)

وفي مرة جدي قالي إن الطريق الصعودي للنجاح شاق و عسير فلا تتوقع أن تحققه في زمن قصير.

وده مثل برضو جدي قالهولي (المتسلق الجيد يركز على هدفه ولا ينظر إلى الأسفل، حيث المخاطر التي تشتت الذهن .)
اما بالنسبة للناس الي عايزة توصل لهدفها باي طريقة فدول اقولهم(هناك طريقتان ليكون لديك أعلى مبنى .. إما أن تدمر كل المباني العالية من حولك، أو أن تبني أعلى من غيرك .. نصيحة .. إختر دائماً أن تبني أعلى من غيرك.)
المثل ده انا بعتبره اساس حياتي ( لا يتم تحقيق أي شيء عظيم في هذه الحياة من دون حماس.)
وهدفي من وانا في ابتدائي اني ابقا مهنس والحمد لله اديني بحاول الاول دخلت مدرسة ثانوي صناعي خمس سنوات عشان اجيب مجموع ياهلني اني ادخل هندسة لاني بصراحة استصعبت الثانوي واديني اهه في اخر سنة في الدبلوم وانشاء الله هحقق هدفي وهدخل هندسة.
واخيرا عشان مطولش
تقدم للامام و لو بساق مكسوره

[هدوله دلوعة ابوها]

وايه رايك في الناااس الي معندهاش هدف في الحياه؟ حرام يعيشو بصراحه ... لأأن حياتهم فااااااضيه هتكون .. وربنا هيحاسبهم ع الوقت الي بيضيعوه فاضي كده

وايه ريك في الناس الي عايزه توصل لهدفها باي طريقه
سواء كانت مشروعه او لا ؟ لا طبعا لازم تكون طرق مشروعه وصحيحه لكن غير كده مينفعش ... لكن اللي مصمم يوصل لهدفه ده انا بحترمه جداااااااا وبيكبر في عيون كل الناس

وايه الهدف الي نفسك تحققه وايه برايك هو صعب ؟ ان ربنا يجمعني باللي بحبه في بيت واحد في الحلال ، واني اكون صحفية اومذيعه مشهورة وبتدافع عن المظلومين والغلابه .. نفسي اكون " نصيرة الغلابة " .

توبيك جميل اووووي فعلا

[حياتي ذكريات]

السلام عليكم

ما بحبش الانسان اللي عايش حياته زي ما بتيجي كده
لازم كل واحد يفهم نفسه ويعرف هو عايز ايه وليه ؟
كانت زمان ليا معلمة بحبها جدا في اعدادي كانت تعد تقولي لازم يكون
ليكي هدف تحطيه قدامك وتمشي مش تبقي عايشة سبهللة كده وخلاص
كانت حماسية جدا وكانت سبب انها تخلي حياتي ليها معنى
فرق كبير لما تكوني عايشة كده ومش حاطه في بالك حاجه مهمة
وانك تعيشي عشان توصلي لحلم تحققيه مهما كان الحلم لو بسيط جدا
بس اللي عايز يوصل لحلم بطريقة غير مشروعه ده ما يعتبرش حلم !!
تفتكري ممكن يلاقي السعاده في نجاحه لو كانت مبنية على فعل خاطئ ؟
اللي عايز يوصل لهدفه يوصله بمجهوده الشخصي وبعمل واجتهاد
مش بطريقة غير شرعية

تسلمي يا فيروزة على موضوعك الجميل
شكرا ليكي
دمتي بخير

[دمعه حائره]

اكيد لازم كل شخص يكون عنده هدف
والا هايكون شخص ضايع مالوش مستقبل
وشرط لتحقيق هذا الهدف الاراده والاجتهاد
مهما كان نوع الهدف بشرط يكون هدف
صح مش هدف يضر به الاخرين
والانسان الناجح هوا اللى بيحط هدفه امام
عينيه ويعمل على تحقيقه
موضوع جميل اشكرك عليه

[اجمل هجورة]

مش يتفع نعيش من غير هدف فى حياتنا ولازم نرتب حيتنا على كده

بس فى الاخر نصيبنا بناخده

شكــــــــــــــــرا على الموضوع المميز

[قلـــــــــــــــــم]

وايه رايك في الناااس الي معندهاش هدف في الحياه؟



من يعيش بدون هدف لا قيمة له بالحياة ..........

وايه ريك في الناس الي عايزه توصل لهدفها باي طريقه
سواء كانت مشروعه او لا ؟

النجاح والحصول على الهدف المراد تحقيقة جميل جدا وله مذاق خاص


ويتحسن بالطريقة المشروعة


ولكن اغلب الاحيان ............... تكن الغير مشروعة اسهل ولكن ليس في كل الحالات

وايه الهدف الي نفسك تحققه وايه برايك هو صعب ؟

انول ولو قسط بسيط

ويدون اسمي بجوار اسم الاسطورة الهندسية فرانك لويد رايت

لكن معتقدش اني هنول شرف الحلم في حياتي




اشكرك على الموضوع العطر المشرق
اليك تحيتي

[انا كتكوته]

تسلمى فيروزه على التوبيك
فعلا للزم الانسان يكون عايش لهدف معين حتى لو الهدف ده صعب قوى
بس اهم شئ يكون ليه هدف معيت فى حياته
وايه رايك في الناااس الي معندهاش هدف في الحياه؟ انا مش عارفه هو عايش ازاى من غير هدف انا من راى انه هو مش عايشوايه ريك في الناس الي عايزه توصل لهدفها باي طريقه
سواء كانت مشروعه او لا ؟
كل انسان من الممكن ان يعمل المستحيل لكى يوصل الى هدفه بس مش معنى كده انى امشى فى طريق ميرضيش ربنا لزم اشوف اللى انا عايزه ده حلال ام حرام عشان لو حرام ابعد عنه بسرعه قبل الشيطان ميكبر النوضوغ فى دماغى
وايه الهدف الي نفسك تحققه وايه برايك هو صعب ؟
انا نفسى ادخل كليه كويسه انفسى ادخل اصول دين او علم نفس وهو مش صعب
تقبلى مرورى

[ماتركس]

فيروزه المتميزه دايما

بجد يا فيروزه موضوعك جميل

لازم الواحد مننا علشان يقدر يعيش لازم يحط هدف

علشان يقدر يوصله وبعد ما يوصله يحط هدف تاني وتالت علشان الواحد يحقق اللي يتمناه

لكن منقدرش نسيب حياتنا كده سبهلله بدون اهداف يبقي احنا عايشين ليه

لازم نحط اهداف علشان نعيش ليها ونقدر نحققها سواء كان حلم

مفيش حاجه مش هتتحقق طوال ما الهدف حقيقه والواحد بيسعي خلاص ربنا

هيحقق كل اللي بنتمناه

بجد موضوع يستاهل خمس نجوم يا فيروزه بالتوفيق اليك

[فيروزه]

اقتباسالمشاركة الأصلية كتبت بواسطة MAX.2010انا هرد ببعض الحكم الي انا بعتبرها جزء اساسي من حياتي ولازم اتبعها

بالنسبة للهدف فانا شايف انه(من الأفضل أن تعيش من اجل هدف أو شيءما ،، بدلا من أن تموت من أجل لاشيء.)

وفي مرة جدي قالي إن الطريق الصعودي للنجاح شاق و عسير فلا تتوقع أن تحققه في زمن قصير.

وده مثل برضو جدي قالهولي (المتسلق الجيد يركز على هدفه ولا ينظر إلى الأسفل، حيث المخاطر التي تشتت الذهن .)
اما بالنسبة للناس الي عايزة توصل لهدفها باي طريقة فدول اقولهم(هناك طريقتان ليكون لديك أعلى مبنى .. إما أن تدمر كل المباني العالية من حولك، أو أن تبني أعلى من غيرك .. نصيحة .. إختر دائماً أن تبني أعلى من غيرك.)
المثل ده انا بعتبره اساس حياتي ( لا يتم تحقيق أي شيء عظيم في هذه الحياة من دون حماس.)
وهدفي من وانا في ابتدائي اني ابقا مهنس والحمد لله اديني بحاول الاول دخلت مدرسة ثانوي صناعي خمس سنوات عشان اجيب مجموع ياهلني اني ادخل هندسة لاني بصراحة استصعبت الثانوي واديني اهه في اخر سنة في الدبلوم وانشاء الله هحقق هدفي وهدخل هندسة.
واخيرا عشان مطولش
تقدم للامام و لو بساق مكسوره

	اولا ميرسي علي مرورك وع الحكم الجميله اووووي وبجد انت قولت كل حاجه تسلم ع المرور