لية كل الحقد دة ياشلبى ؟ واتوبونج كسفك اكبر كسفة بسبب حقدك دة

[ღ Gի๐sτ ღ]

بسم الله الرحمن الرحيم

لماذا كل الحقد دة يا شلبى علي الاهلى ؟ طبعا السى بتاعك معروف بان الحلقة بتاعتك يوميا هجوم علي الاهلى وتكون دادى وتدادى فى مدربى الفريق المنافس كانهم مورينهو وينافسو من اجل فوز مصر بكاس العالم وليس فوز فريق بالدورى

المهم
لن اتكلم علي كل مايفعله مدحت وكل الناس عارفة هو بيعمل كدة لية بس هاتكلم بس علي اللى عملة امس مدحت شلبى

امبارح اللى اتفرج علي الحلقة كان نصف الحلقة عمال يتكلم علي زيادة القايمة 30 لاعب , وقاعد يتكلم مينفعش
اصل كدة الاهلى هاياخد الدورى والبطولات كلها , كدة الاهلى هايكوش علي كل لعيبة مصر , الاهلى هايجيب معتصم سالم وعبد الله السعيد و و , الخ وهاياخد كل اللعيبة ويحطهم فى الجراج بتاعه ويخزنهم من اجل ان الفرق التانية متاخدش اللعيبة الحلوة


طيب سؤالى

انت مستاء من فكرة ال 30 لاعب , فلية تعطي مثال بالسوء علي نادي معين وهو الاهلى ؟
فمن الممكن تقول الاندية اللى معاها فلوس هاتبقى تجيب لعيبة احسن والخ , انما انت واخد الحلقة كلها الاهلى الاهلى
كان الاهلى هو الفريق الوحيد فى مصر اللى بيجيب لعيبة ؟

فسؤالى يتوجه الى مدحت

هل الاهلى قايمتة هاتبقى 30 والباقى هايبقى 25 ؟ ولا كل الفرق مثل بعض

هل اللعيبة اللى الاهلى بيجيبهم ونجوم دول , هل هو بيروح يخطفهم من بيوتهم ولا بيكون بموافقة اللاعب ونادية ؟

وحط تحت نادية 100 خط لان نادية نفسة اللى انت بتقول هايبقى سىء هو النادى نفسو اللى موافق يدى اللاعب للاهلى


ثانيا

حتى لو هانجيب احسن 30 لعيب فى مصر , ايوة نجيب احسن 30 لاعب فى مصر , مزعلاك في اية دى يعنى

اية اللى مضايقك اننا نجيب احسن 30 لاعب ولا اسوء 30 لاعب ؟

احنا معانا فلوس وعاوزين نجيب لعيبة واللعيبة موافقة وانديتهم موافقة يبقى اللى مزعلك فى الحكاية كلها ؟


الاهلى هايعمل اللعيبة جراج ويخزنهم , طيب وانت مالك نخزنهم ولا منخزنهمش ؟

اة احنا هانخزن اللعيبة , احنا حرين وبمزاجنا , لاعبتنا وملكنا بنعمل فيهم اللى احنا عاوزينة

عوزينهم يلعبو بيلعبو زي الفل , عاوزينهم احطياطى بيقعدو احطياطى , وبمزاجنا لان المدرب بتاعنا هو اللى يختار
اية اللى مزعلك فى دي يعنى

وبعدين لما لعب يقعد عندنا احطياطى ولما اللاعب يطلب الرحيل , الاهلى بيسيبة مجانا وبيخرج يشكر ادارة الاهلى علي حسن التعاون

احسن من النادى اللى انت بتخاف من المدرب بتاعه , دلوقتى كل لاعب يخرج منه يسب ويلعن في النادى 100 مرة وينصح لاعبى بلادة بعدم الانضمام الية زي اللعيبة الغانية والعراقية وغيرهم اللى نصحو لاعبو بلادهم بعدم الانضمام الية
زي القطرى اللى اعلنها صراحة , نار الاهلى ولا جنة نادي ..,.,. وطبعا لن اكتب اسم النادى حتى لا يتحجج اي واحد
زي اللاعب اللى اعلنها لو قعدت مع المدرب دة الطيارة هاتنفجر بينا :d

واخيرا , كسفة اوتوبونج الكبيرة


سالت اوتوبونج , مين احسن لاعب فى مصر , قاللك ابوتريكة

قلتلة لا لا لا لا , دلوقتى دلوقتى مين احسن لاعب فى مصر دلوقتى ؟ طبعا الجمهور كلو عرف قصدك اية وعرف قصدك ان انت عاوز اوتوبونج يقولك ان احسن لاعب دلوقتى شي


ولكن كان رد اوتوبونج هو الكسفة الكبير لشلبى عندما قاللة مرة تانية

ابوتريكة احسن لاعب فى مصر ,

وبردو شلبى مازال يواصل حقدة وعاوز اوتوبونج يغير راية من ان ابوتريكة ويقول ان شى احسن لاعب ,

فمدحت قاللة , شفت ابوتريكة فى مباراة الاتحاد ؟



فاالحمد الله اوتوبونج ريحك من الحقد والغل دة كلو يامدحت واخرة مازهق منك قاللك

ابوتريكة حاجة كبيرة فى افريقيا كلها وليس فى مصر بس , فابوتريكة لاعب اسطورة كبيرة

فسالة شلبى تحب تلعب جمب مين من اللاعبين وتستمع وتحب تلعب بجوارة ؟

اعلنها اوتوبونج وريحك :d نفسى وامنيتى انى العب بجوار ابوتريكة




نهاية وكلمة حق
لا يختلف احد علي مهارة الشى وانة حاليا من احسن اللعيبة فى مصر وانا اؤكد انة من احسن اللعيبة فى مصر دلوقتى


بس لية كل الحقد دة يا شلبى ؟ دايما عاوز الناس كلها تمشى علي راية فقط

عاوز اوتوبونج يختار اللاعب علي راي مدحت , عاوز لجنة المسابقات تقدم القمة علي مزاجك , عاوز القايمة 25 علي مزاجك , عاوز المحافظ يرفع الحجز عن الاسماعيلى بمزاجك , عاوز الشركات تفتح خط التبرعات للزمالك بمزاجك , عاوز حسن صقر يخللى الفلوس تروح لكل حاجة فى نادى الزمالك بمزاجك ,

كل حاجة تكون لك راي فيها ياشلبى , تقعد تتكلم فيها ايام وايام لحد مالناس تعملها علي مزاجك

فدة ليس برنامج رياضى محايد ويقدم وجبة الرياضة , بل هو برنامج لشخص اسمة مدحت شلبى يقعد يتكلم في الرأي بتاعه فقط , وعاوز كل حاجة تمشى علي مزاجة

[SiLver Spectra]

جوست رايدر
حاسك متعصب كروي,,هو عامة حر يعبر عن رايه دي في النهاية كرة قدم
يعني هو بيقولك الاهلي هيكوش على اللعيبة لأنه معروف انه أغنى نادي
أغلب المصريين اهلوية
فالراجل أنا شايف في كلامه مش قصده يحقد بغض النظر عن نيته ايه..احنا مش هنحاسب النوايا
بس كلامه صحيح
و برضو عشان نكون منصفين ادارة الاهلي ذكية و هي الي خلت مكانته تكون عالية بغض النظر عن نتايجه في اي دوري

أنا بشجج الكورة الكويسه,,و مع تحسن مستوى الزمالك
لأن لازم يكون في على الاقل الكلاسيكو بتوع الدولة اقوية
و دا بينعكس ايجابيا على مستوى المنتخب بصفة عامة

اما عن مدحت شلبي بصفة عامة
فأنا الراجل دا بكره
بيلحس للناس كلها و بيفتقد للدقة الاعلامية
يعني بحسه عامل زي اي واحد قاعد على القهوة و بيعبر عن رايه الشخصي
مش راجل اعلامي عنده دقة اعلامية في تناول الموضوعات
و لو تفتكر السنة الي فاتت ايام ماتش مصر و الجزائر هتعرف اد ايه هو راجل بيمتاز بضعف التحري و الدقة..يقولك الفوز ب2 صفر و بعدين يقولك المباراه الفاصله لو هتتلعب هتتلعب في البانيا و هي مركز المثلث المرسوم من الجزائر للقاهرة !!
بجد حاجه تكسف
خش دور في اليو تيوب و اضحك عليه
و بعدين حادث الطوبة يقولك دي تمثيلية
بصراحه انا بحب تحري الدقة في تناول الاعلام و بشكل محايد
عامة الاعلام الرياضي في مصر أغلبه تعبان
بحس ان دماغي مفسية لما بتفرج عليه

شكرا الموضوع يا جوست

[بنت الجنوب]

انا بحس ان مش مدحت شلبى بس الضد الاهلى
لا دى القناة كلها
بتحاول تحارب الاهلى باى طريقة معرفش ليه
ربنا يهدى الجميع ويبعدو عنا شوية

الف شكر على الخبر

[واد حبيب]

يا جماعه كل واحد بيعبر عن رايه

عادي سيبو اللي يتكلم يتكلم

هو الكلام بيلبس


شكرا علي الخبر

الحبيب

[ღ Gի๐sτ ღ]

اقتباسالمشاركة الأصلية كتبت بواسطة واد حبيبيا جماعه كل واحد بيعبر عن رايه

عادي سيبو اللي يتكلم يتكلم

هو الكلام بيلبس


شكرا علي الخبر

الحبيب

اللى يتكلم يتكلم , بس لا يجيب سيرة الاهلى

لان القناة دى هى اللى عاملة كل المشاكل فى الاهلى بسبب هجومها باخبار كاذبةعلي الاهلى ولو تتفرجى علي القناة هاتعرفى قد اية كلها هجوم وافتعال مشاكل داخل الاهلى ليس لها لزمة




كفاية اما يقولك هاتحصل مدبحة فى الاهلى وو الخ واللى قاللهم كدة هو واحد من لجنة الكورة بالاهلى وكلنا عارفين ان دة كلو كدب واصلا غير دة كلو لجنة الكورة لن تصرح ليهم في حاجة




والكلام دة هو اللى بيعمل الفتنة

لانة بيدخلها فى عقول بعض الزملكاوية بان اتحاد الكورة عامل كدة مخصوص للاهلى ويخلي الزملكاوية يتعصبو علي اتحاد الكورة ,, الخ

واعتقد ان انتى عارفة دى كويس وكلنا عارفين كدة , لان الزمالك هاجم اتحاد الكورة بتاع عصام عبد المنعم وقتها بحجة ان عبد المنعم اهلاوى , رغم ان الزمالك وقتها هو اول فريق اللى طلب يكون القايمة 30 لاعب


-=-------------------



وبالنسبة لكلامك ياسكبترا , انا معاك , بس تعبير عن الراي حاجة , واما يوجه الكلام حاجة

يعنى مثلا قضية ان الزمالك والاهلى فى راس السنة , قعد اسبوع كل يوم
ياكابتن عامر لازم تقدم المباراة وتخليها كذا والخ وبيطلب بنفسة تقديم المباراة رغم ان دة ليس من حقة وانت عارف كدة

وعندك حق انة يعتبر قاعد عالقهوة ويقول وجهة نظرة وليس بيقول اخبار بالدقة

وغير حوار البانيا

كفاية انة قاللك قبل كاس العالم بشهرين , ان الفيفا هايخلى مصر وايرلندا يلعبو فى كاس العالم

ومصر تلعب فى مجموعه انجلترا والجزاير وايرلندا تلعب مع مجموعه فرنسا ودة بسبب الظلم والخ لو تفتكر


وكل حاجة يقولك انفراد من عندنا واصلا كل اخبارة جايبها من عالنت
وخبر ان مصر تلعب فى كاس العالم كان ضحك علي الشعب ويقول اللى قال كدة قناة مغربية ودة لانة عارف ان الناس لن تتفجر علي القناة المغربية

بس الحقيقة ان اللى كان قايل كدة , عضو بمنتدى كورة