"قبلات" عماد متعب ويارا نعوم تثير غضب الجمهور

[ست الملك]

"قبلات" عماد متعب ويارا نعوم تثير غضب الجمهور






قبلة عماد متعب لخطيبته يارا


على الرغم من مرور فترة على خطوبة لاعب النادي الاهلي عماد متعب والممثلة الشابة يارا نعوم إلا أنهما تعرضا لهجوم عنيف فور الكشف عن صور خطبتهما، حيث انتقد عدد كبير من الاشخاص قبلات عماد متعب ليارا.




وقد استاء عدد كبير من الجمهور من تلك القبلات وشن ضدهما جروبات عبر الفيس بوك لمهاجمة وانتقاد عماد متعب مؤكدين أن مثل هذه التصرفات لا تليق بأخلاق لاعب الكرة ، كما غضب جمهور ومشجعي النادي الأهلي من صورة متعب وهو جالس على الارض مقبلا يدها .



ولم تعد هذه هي المرة الأولي التي يتعرض فيها متعب ويارا للهجوم من قبل الجمهور فمنذ انتشار اخبار عن ارتباطهما والانتقادات تلاحقهما وطالب عدد كبير من جمهور النادي الاهلي بالابتعاد عن يارا وحتى بعد اعلان ارتباطهما بشكل رسمي.




متعب يقبل يد يارا

وكان قد أحتفل متعب ويارا ناعوم بالخطبة مؤخرا في فيلا أحد أصدقاءه المقربين ، وقام محمد منير بإحياء الحفل وغني مجموعة من أجمل أغانيه ، كما شارك فريق واما الغنائي أيضاً . كان عماد متعب وخطيبته يارا تكتما على موعد إقامة الحفل ولم يفصحا عنه إلا قبل يوم واحد، كما حرص على شراء الشبكة الألماس بمفردهما بعيداً حتى عن عائلة أي منهما ولم يكشفا عنها إلا قبل الحفلة بيوم واحد فقط .



يذكر أن يارا نعوم خاضت من قبل تجربة التمثيل حيث شاركت في فيلم "حين ميسرة" مع المخرج خالد يوسف، وتستعد خلال الفترة القادمة لبطولة فيلم"صوت وصورة" .

[simpaolo]

بصراحة .. انا شايفة ده حرية شخصية

و يا ريت ماحدش يتدخل و يا ريت الصحافة تبطل تسلط كاميرتها على المشاهير علشان يقدروا يعيشوا حياتهم على طبيعتها

يعنى هو مفيش اى خطاب او متزوجين بيعملوا كدة؟؟؟!!!

على الاقل دول مخطوبين الدور و الباقى على اللى مجرد اصحاب و بيعملوا كدة

[اتيتو]

simpaolo اكيد عندك حق ان دي حرية شخصية بس احنا في مجتمع مسلم شرقي مش معني انه خاطبها يحصل قبلات واحضان بالشكل ده ثم هو قلب الدنيا يوم ماتصور معاها في الاستاد وقال اللي هيقرب من يارا هضربه بالجزمة السؤال رغم انها كانت صور عادية جدا انما توصل لقبلات واحضان والصور يوزعها اكيد لانها واضح انها صور خاصة يبقي هنا السؤال ليه مقدرش يحافظ علي خصوصيته ولا اللي بيخطب لازم يعمل اعلان بالقبلات والاحضان !

[بنت الجنوب]

مع الاسف مقدرش اقول انها حرية شخصية
احنا فى دولة اسلامية ومفروض يراعو كده
حتى لو كانت خطيبتة مش من حقة يعمل كده
فما بالك يتصور كمان
على العموم ربنا يهدى الجميع

الف شكر على الخبر

[واد حبيب]

والله انا شايف انها مهذله له هوه

ان يركع ويقبل يده واحده مهما كان هيه

ومهما كان جمالها

ولو حريه شخصيه زي ما الاخوه بيقوله

ليه امام الكميرات وامام الناس

ولا مش قادر يصبر لما يجوز

خلاص عماد متعب مش هيعرف يلعب كره تاني

كان زمان يا متعب الحراس

شكرا علي الخبر


الحبيب

[ღ Gի๐sτ ღ]

حرية شخصية ولية حسابة فى الاخرة

ماهو اغلب الناس دلوقتى بتعمل كدة وحسابهم فى الاخرة , جايين علي متعب

هايقولك متصور

ماهو فى واحد بردو من الفرق المنافسة بردو متصور مع صحبتة هو وصحابة , وبردو حريتة الشخصية ولية حسابة فى الاخر

احنا مالنا احنا بقى بيهم يدخلو الجنة يدخلو النار مع بعضهم بقى

احنا هانهتم باتنين راحتهم كدة
مع نفسهم

[ست الملك]

بشكركم ياجماعة جميعا على تعليقاتكم وانا بتفق مع الجميع كل شخص حر فى تصرفه
بس اللى عايز يعمل شئ بلاش يعرضه امام الناس وبالشكل اللى يخليه مصدر للانتقاض من الجميع
اكيد مافيش شخص بيتفق عليه اثنين .

انا اهلاوية وبتمنى لمتعب ربنا يوفقه فى حياتة بس بلاش يكون زى غير من لاعيبة توجهت انظارهم للفنانات السينما وضاع مستقبلهم وفنهم الكروى وكلنا نعلم من هم

[هزوره المصريه]

والله هى حريه شخصيه
ويركع ولا يعمل اللى هو عاوزه
اكيد محدش يقدر يقوله حاجه هو عاوز كده
وهو اللى اختار خطيبته يبقى يشرب بقى رزالة الصحافه
مع احترامى لمتعب ومع انى اهلاويه صميمه الا انه قراره ده
اللى هو خطوبته من واحده زى دى فى وجهة نظرى ونظر المجتمع
الاسلامى فاسقه انت هى هتكون سبب ضياعه من الاخر
كان لازم يختار واحد بنت ناس ومحترمه ويحترم نفسه

[ღ Gի๐sτ ღ]

يعنى هما جايين علي واحد باس ايد خطيبتة وحضنها

وسايبين التلفاز كلو خربان من اولة لاخرة ؟

ماهو التلفاز بيتعرض عالملايين وليس الناس

اما متعب كان فى حفل خطوبتة وكان فيها ناس قليلين فى حفلة عائلية فقط عالاقل

ومرة تانية

دى حريتهم الشخصية واحنا ملناش دعوة بيها

لو المسألة كدة يبقى نتكلم علي 80 مليون مصرى لان مفيش حد في الدنيا ملوش غلطات

ونبدء ببتوع المخدرات نتكلم علي بتاع 20 مليون منهم فى البداية وندخل علي بتوع الكورة بعد كدة ثم علي الفنانين .. الخ

حاجة غريبة :d

هانشغل بالنا باتنين مخطوبين مع بعضهم ولا كانو الاول ولا الاخر

[مجدى الششتاوى]

يا جماعه ليه دايما نييجى فى الهايفه ونتتصدر هيه مشاكلنا كلها اتحلت وما فاضلش الا مشكلة القبلات