معروف لحسن شحاته : لابد أن يعود شيكابالا للمنتخب.. وللبدري : أشكر الله على أنك لم تواجه مازيمبي

[ღ Gի๐sτ ღ]

وجه محمود معروف الكاتب الصحفي في الجمهورية العديد من الرسائل من خلال عموده الأسبوعي"تلكس" حول القضايا المختلفة التي ظهرت على السطح خلال الساعات الماضية.

ووجه معروف أول رسائله إلى المنتخبين المصري والقطري طالب الأول بضرورة تحقيق الفوز من أجل اسعاد المصريين وطالب الثاني بضرورة نسيان مباراة المتنخب المصري والتركيز على تنظيم مونديال قطر 2022.

كما أنه وجه رسالة إلى حسن شحاتة المدير الفني للمنتخب المصري أكد فيها بأن إختياره كأحسن مدرب في القارة الإفريقية يحمله مسئوليات كبيرة أهمها من وجه نظر معروف هي الصعود لأمم إفريقيا المقبلة بالإضافة إلى إعادة شيكابالا لاعب الزمالك إلى المنتخب.

ولم ينسى معروف أن يشن هجوماً على البرتغالي مانويل جوزيه المدير الفني الحالي لفريق اتحاد جدة وذلك بعدما فشل في الوصول بالأهلي إلى نهائي كأس العالم للأندية في المناسبات التي شارك فيها مؤكداً له أن مازيمبي الكونغولي نجح في الصعود لهذه المباراة.

كما أنه وجه رسالة الى حسام البدري المدير الفني السابق لفريق الأهلي أكد من خلالها معروف أن من حسن حظ البدري أنه لم يواجه مازيمبي قبل أن يرحل عن الأهلي مشدداً على أنه لو كان لعب أمام مازيمبي كان سيدخل التاريخ لكن من الأبواب الخلفية.


يعنى مش عارف اقول اية , دايما معروف يطلع اما فى التلفاز او فى الصحافة يشن هجوم علي الاهلى بطريقة غريبة

اية لو كان البدرى هايلاعب مازيمبى كان دخل التاريخ من الخلف وحظك انك ملعبتوش والكلام دة

ياعم دة ربنا سبحانه وتعالى هو لوحدة عالم اية اللى هايحصل تيجى انت تتكلم كانك عارف اللى هايحصل اوى
مش كان ممكن يفوز الاهلى ولا دة مستحيل ولا اية اللى فيها يعنى ؟

بعدين دة ربنا قايل حرام كلمة لو وقايل قولو قدر الله وماشاء فعل

وتيجى انت بردو تقول لو ؟


-------
ومن ناحية شيكابالا , فهو اكثر من مرة يعملها مع المنتخب ويتهرب , وطالما هو مش عاوز يلعب فى المنتخب , المنتخب هو كمان مش محتاجة


وبعدين في حاجة
انت بتتكلم علي شيكابالا , كأنة صنع المستحيل مع المنتخب وخرج

شيكابالا لن يعمل حاجة للمنتخب , واحنا الحمد لله منتخبنا كدة زي الفل
واخدين كل البطولات وعاملين كل الانجازات , من غير شيكابالا

يبقى عاوز من شحاتة اية تاني ؟. شحاتة عارف هو بيعمل اية , وليس مهم ياخد دة ولا دة المهم الفوز
وهو عامل معانا احسن شغل فى تاريخ مصر

وبرددو بتتلككلو , امال لو كان خسر البطولات كنت عملت اية


لما يخسر المنتخب بطولة , وقتها ابقى اتكلم وقول انه يروح المنتخب , انما المنتخب زي الفل من غيرة يبقى ليس ليها لزمة يدخل ويعمل صداع فى الجهاز الفنى زي ماعمل الصداع فى الفترة الاخيرة رغم اننا كنا حلوين من غيرة

------------
ومن ناحية جوزية ياخي احنا عاجبنا جوزية كدة , مالك انت

لقيت حد من الاهلي طلع قاللك كنا عاوزين جوزية يدخلنا المباراة الاخيرة ؟

بعدين احنا عملنا انجاز بردو , احسن من مانقعد فى بيوتنا ونتفرج

وكمان احنا اة خسرنا , بس خسرنا باداء مقنع , خاصة مباراة انترناسونال اللى خسرنها كانت احلى مباراة الاهلى عملها فى تاريخة بكاس العالم رغم اننا خسرنا

بس الكل اتفرج علي المباراة , كور فى العرضة , وانفرادات ضايعه , وهجمات بالجملة وامتلاك المباراة كاملة من اول الدقيقة 15 لحد النهاية

بس خسرنا بهدفين الاول من غلطة حسن مصطفى , والثانية بتهاون الحضرى وعدم قولة انة مصاب

لان الحضرى دخل فية جول ميدخلش في حارس , بس السبب الاصابة ولو كان قال انة مصاب كان ريحنا من هدف ليس لة قيمة
عالاقل كنا نخسر بهدف مستحق


بس عملنا اللى علينا , الدور والباقى عليكو انتو يامعروف

[واد حبيب]

شكرا علي الخبر

وفي انتظار جديدك

الحبيب

[بنت الجنوب]

اسفه جوست رايدر
تعبت نفسك على الفاضى
حد برده يعمل موضوع عن محمود معروف
هو مين اصلا بيصدقة
الله يعينه ويهديه


الف شكر

[ღ Gի๐sτ ღ]

هههههههه
عندك حق يابنت الجنوب بس اهو يلا اما نتفرج عليهم هما هايعملو اية فى كاس العالم دة لو دخلوة اصلا

تسلمى علي المرور يابنت الجنوب
وتسلم ياحبيب عالمرور وبالتوفيق للاهلى

[game010]

شكرا على الخبر

انا مع كلام محمود معروف جدا المنتخب بحاجه شديد الى جهووود لاعب زى شيكا

واما بالنسبه لموضوع مازيمبى ده كان توقع مش اكثر ولا اقل

زى منتا مثلاً تقول انا اتوقع ان مصر تكسب كذا

وكمان انا من وجهة نظرى التوضعه ان كويس جدا ان الاهلى ملعبش نهائى افريقيا امام مازيمبى

واسف على الاطاله

منور الاقسام الرياضيه

[ღ Gի๐sτ ღ]

تسلم علي المرورو

وشيكابالا مستواة يؤهلة للعب مع المنتخب , بس فى مواصفات لاتوجد عندة