عصير الدوم وعصير الخروب

[كرمله الطيوبه]

عصير الدوم وعصير الخروب بمناسبه رمضان


النهارده هقدم ليكو عصير الدوم والخروب
ممكن فى كتير مننا ميعرفش يعملهم
انا عملتهم مش عارفه اقولكم ايه على جمالهم
ياريت تعملوهم وعلى ضمنتى

هو ده الدوم الصحيح

و ده الخروب الصحيح

ودا الدوم المجروش خشن
(مش مطحون زي البودرا)

و الخروب المجروش سايب
(برضه مش مطحون بودرا)

دا شكل عصيرالدوم وهوا عصير

نيجى على الطريقه

كوب كبير دوم مجروش
كوب كبير سكر
و احطهم في حلة علي نار هادية
و اقلب باستمرار علشان السكر يسيح في الدوم و يصبح دوم مسكر
افضل اقلب لحد ما السكر يسيييح خااالص
بس ناخد بالنا السكر مايعملش لون علشان لو عمل لون هيطلعله ريحة شياط في العصير
و ده مش حلو
اقلب باستمرار
و لما السكر يكون تقريبا اختفي
اروح حاطة عليه 9 كوبايات ماية
مش8 لانه بيكون تقيل اوي
و اسيبه علي النار لحد ما يبدأ يغلي
واول ما يبدأ يغلي اطفيه مباشرة
اهم حاجة في الموضوع اني اعاير كل حاجة بكباية واحدة
يعني نفس الكباية اعاير بيها الدوم و السكر و الماية

دا شكل عصيرالخروب وهوا عصير

زي الدوم بالضبط
بس بنزود كوب ماية
بحيث يصبح 10 كوبايات
الدوم مناسب للضغط العالي و المنخفض
بيظبطه يعني

اما عصير الخروب
ففوائد في تقوية المعدة وإدرار البول وتجديد النشاط‏,‏
و سكر المانوز والجليكوز في الخروب يساعد في امتصاص السموم والافرازات الضارة الموجودة في الأمعاء
و يهدئ من الحركة الزائدة لعضلات الأمعاء ويعالج القولون العصبي ويقلل من فقد السوائل الذي يصاحب حالات الاسهال‏

يارب يكون عجبكوا الشكل
لكن الطعم امممممممممممممم
مش قادره اقولكم ايه على جماله
يلا جربوه وقولولى

كل سنه وانتم طيبين

["الحربية من السعودية"]

يسلموووووووووووووووووو

[كرمله الطيوبه]

تسلمى على المرور والرد يا قمر