اعيش طوال عمري في الغربه واموت كمان في الغربه ...؟

[ماتركس]

السلام عليكم ورحمه الله وبركاته

جمعه مباركه عليكم جميعا ويارب تكونو كلكم بخير وبصحه وسلامه وسعاده يارب

انا النهارده جايبلكم موضووع صغير بس بعوون الله كلكم تستفيدوو

انا جايب الموضووع ده بمعني صح للشباب اللي هيمووتو علشان كل واحد يسافر

كل ما الواحد يتكلم معا اي حد يقوالك يا عم ده انتا مستريح يا عم ده انتا مسافر الامارات

هوه في حد لاقي انه يسافر الامارات والكلام بتاع الشباب اليومين دووال

اللي خلاني اكتب الموضوع ده اليوم الواحد صبح الصبح علي خبر ميصرش خالص

علي خبر واحد صحبنا اتوفي عندنا هناء

هوه راجل كبير في السن مسافر علشان لقمه العيش علشان يصرف علي اولاده

شوفتو لقمه العيش بتعمل فينا ايه نفضل طوال عمرنا متغربين عن اهلنا وعن اصحابنا وعن ابونا وامنا

وعلي اخواتنا ومتغربين علشان ايه علشان الفلوس

والله الواحد زعلان علي شبابنا وقبل ما الواحد زعلان علي شبابنا الواحد زعلان علي نفسه

زعلان علي عمره اللي ضاع بعيد عن امه وضاع بعيد عن ابوه وضاع بعيد عن اخواته

وياتري مش عارفين ياتري الواحد هيروح يشوف اهله ويروح سالم ليه

والا الواحد هيروح في كفن ويروح ميت من غير ما يشوفهم

يعني الواحد فضل طوال عمره متغرب وكمان رجع ليهم في كفن

يعني الراجل المسكين ده اللي اتوفي النهارده الصبح عندنا هناء

عاش طوال عمره متغرب عن اولاده وبعدين ياريت روح سالم ليهم

استغفر الله العظيم لاحول والاقوه الابالله

والله يا جماعه لو الواحد هياكل عيش حاف ويعيش في مصر وسط اهله وناس

احسن من ملايين الدنيا كلها في الغربه

بس تصدقوو والله انو الواحد اسرع قرار اخده في حياتي هوه السفر

يا جماعه ايه رايكم في الشباب اللي كله عايز يسافر بدل ما الواحد يسافر يشتغل في بلده

يا تري ايه رايكم في موقف زي ده طبعا الاعمار بيد الله ونعم بالله

بس ايه رايكم في انو الواحد زي ده الراجل اللي اتوفي اليوم فضل متغرب طول عمره

وبعدين روحوه ميت

كلمه لكل شاب عايز يتغرب فكر ومتتسرعش

الغربه مش سهله الغربه مش فلوس

الواحد لو يشتغل الشغل اللي بيشتغله هناء في الامارات اشتغله في مصر والله الواحد كان بقي مليونير

بس مفيش تفكير

طبعا ممكن تقوالو ما انتا متغرب اهوه ايه مقعدك عندك متروح

هرد واقوال والله مش بايدي لو بايديا كنت روحت دلوقتي قبل بكرا

بس المشكله الواحد ماضي عقد وعليه شروط جزئيه

منتظر ردووكم الجميله

وانتظر اقلامكم الامعه

اخوكم احمد الشريف

ارجو منك ان تدعو للمتوفي أن ربنا يرحمه برحمته يارب

ويدخله فسيح جناته يارب العالمين

في سلام الله

[عندليب سيناء]

صباح الفل عليك ياعم ماتركس والله موضوعك حلو بس انتا نسيت حاجة هو ايه اللى خلاه يسافر عشان لقمة العيش يعنى بمعنى اصح انو مش لاقيها هنا لعدة اسباب طبعا اول حاجة ان الجنيه المصرى مالهوش قيمه دلوقتى المعيشة غاليه لازم اسافر عشان اقدر اعيش على خصوصا لو سافرت اخد مرتب بالدولار اهاجر عشان لقمة العيش احسن مااخدها من هنا وتبقى مالهاش قيمة والله انا نفسى اسافر . شكرا ياماتركس تقبل مرورى

[دمعه حائره]

جمعه مباركه عليك احمد والبقاء لله
الاعمار بيد الله
كل حاجه فى الدنيا وليها تمن
وتمن الغربه كبير جداكفايه انه ماشافش
ولاده بيكبروا قدام عينه ولا عاش
مع زوجته زى باقى الناس
بس كفايه انه وفرلهم حياه كريمه
وحقق لهم طلباتهم
اللى يمكن لو عاش معاهم ماكنتش اتوفرت
والرزق مش بالمكان وهوا نصيبه السفر ورزقه هناك
بس السفر والغربه لازم يكون لهم وقت وينتهى
مش يقضى حياته كلها هناك
بمعنى انه يحدد من اولها هايتغرب قد ايه
بس الناس بتكسل وبتخاف ترجع
ماتلاقيش شغل هنا فى مصر
والشاب لو كان وجد شغله فى بلده
كان ايه هايخليه يتغرب ويبعد عن اهله
وحكاية زميلك دى عبره وعظه
لازم تخرج منها بنصيحه انك
ماتخليش الغربه تسرق منك عمرك
ولازم تحدد ميعاد ترجع فيه
وتعيش حياتك وسط اهلك
موضوع خطير وكان لازم نناقشه
شكرا ليك وتحياتى
ترجع بالسلامه ان شاء الله

[زهرة النسرين]

السلام عليكم ورحمة الله وبركاته


احمد


البقاء لله ربنا يتغمده برحمته


وجمعه مباركة للكل



طبعا لما لقيت العنوان من غير ماافكر دخلت وقريته



انا مصرية عايشة في الغربة طول عمري


خرجت من مصر وانا عمري سنة ونص



وكل يوم بقول امتى هرجع بلدي


مهما كنا في بلد جميل شكلا



مش هنلاقي اجمل من بلدنا الام



وجع الغربة قاسي جدا......



وبجد كل شاب عايز يخرج من بلده يفكر مليووووووووون مرة



الغربة وان كتر فيها قرشك كبر فيها همك


ومن غير ماتحس هتلاقيها بتقسيك لانك مضطر



تعالج كل مشاكلك لوحدك ولو فقدت غالي وانت بعيد


عنه مضطر تمسح دمعك بنفسك ,,,,,,



ربنا يرجعنا جميعا لبلدنا



الامارات جميله وفيها اسرتي واصحابي وجيراني


بس مصر فيها عزتي وكرامتي وكياني



ربنا يرجعنا ليها قريب ............



تسلم احمد على الموضوع ...........



وتقبل مروري

[حر اليدين]

وعليكم السلام ورحمة الله وبركاته

أحسن الله عزاك وتغمد المرحوم بإذن الله بواسع رحمته..آآمين

يا لها من حياة يائسة بائسة

تجمعنا وتفرقنا .. يرحل اناس وياتي غيرهم

وتبقى ذكرياتهم المزروعة في افكارنا وأصواتهم

المحزنة في ذاكرتنا

اليوم نسعد بتواجد من نحب

وغدا نتألم لرحيل من نحب

هكذا هي الحياة

فرح وحزن

وهم وفرج

وقرب وبعد

وشروق وغروب

ليل ونهار

نتغير مع مجرياتها ونتأقلم بألوانها

هكذا هي الحياة

يوم لك وعشرة عليك

نضحك لحظات ونحزن أياما وأياما

حتى جرحها لها عدة اشكال

جرح طفيف تمحوه الايام وجرح يبقى الى آخر الزمان

ننزف منه أجمل الالحان ونردد على ايقاعه آه و آه ثم آآآه

يا لها من حياة وما اصعبها من أيام

عندما تفقد من تحب بل من علمك كيف تحب

ستكون العاقبة ادهى وأمر

[حـ,ـكـ,ـآيـ,ـهـ,ـ ۅطـ,ـنـ,ـ]

السلام عليكم ورحمه الله وبركاته



جمعه مباركه عليك يا اخي الكريم



وربنا يرحم امواتنا



وبعدين كل شيئ بقضاء الله وقدره



ليه بتقول على نفسك الكلام الوحش ربي يرجعك لاهلك



سالم غانم



وبعدين هي لقمه العيش كما قال الله تعالى



(اسعى يا عبدي)



هذه هي سنه الحياه وهذه معاناتها



ربنا يرجع كل غريب لوطنه ولاهله




طرح موفق

[Řǻet βanota]

جمعه مباركه عليك يا ماتركس
وعلى الجميع ان شاء الله
غربة ايه بس الى بتتكلموا عليها
وسفر ايه مفيش احلى
من حضن الوطن الدافى
الغربه والوحده وحشه اوى
بس المشكله فى الناس الى بتتكلم
وبتصور لاصدقاءها ان البلاد الى
برا ديه مفيش زيها فكل واحد بيحس ان
بلاده ديه وحشه اوى
بس بيقولوا البلد ديه احسن من غيرها
ولا غربه ولا غيرها بلادنا اولى بينا
دمت متميز وراقى
تحياتى

[لحظة عتآب]

اولا الله يرحم المتوفي ويدخله فسيح جناته
وثانيا انا عمري ما بحب الغربة او السفر
لأنها في قمة الالم واي واحد مبيحسش بقيمة بلده
الا بعد ما يسيبها ويعيش علي ذكراها ويتمني يرجع ليها
طيب ليه من الاول ما كنت فكرت قبل ما تاخد القرار ده
وبعدين لما كل شباب البلد يهجوا ويسافروا برا
مين اللي هيشتغل في البلد لما كل الشباب يسافر
مين اللي هيخلي البلد دي تتقدم
وفي كمان اللي مش بيسافروا وبس لا بيهاجروا كمان
يعني ما يجيش البلد من اصله
البلد دي هي الام لو في واحد في الدني دي استغني عن امه
شوفوا هنقول ايه عليه
والله لو جيت رحت لأي طالب في الجامعه
يقولك انا نفسي اخلص واسافر برا
طيب ليه انت ايه ضمنك انك مش هتروح هناك تغسل صحون
خليك في بلادك احسن جنب اهلك وعشيرتك
ما تعذبهمش
فعلا فكرة السفر فكرة تسرع ولو الواحد فكر صح مش هيفكر انه يسافر ابدا
وطبعا ربنا يرجعك لأهلك تاني يا احمد يالسلامة
ومتقولش علي نفسك كدا


ودادي

[حياتي ذكريات]

السلام عليكم

على فكرة الموضوع ده بيجي على البال لأي حد مغترب
لما يشوف حد من نفس بلده اتوفى بعيد عن اهله
تقريبا من سنة اتوفى واحد مصري عارفينه معانا بعيد عن اهله
لما رحنا نعزيه اخوه وقرايبه كانو موجودين وكانو صعبانين عليهم
انه يتوفى ومامته مش قادره تشوفه لانهم دفنوه هنا
حتى والدي ساعتها اتأثر بالموقف وقال بدون شعور احنا نرجع
لبلدنا خلاص مش عايزين نفضل لحد ما نموت هنا !!
بس هو اتغرب وسافر ليه مش عشان يخلي يبني نفسه ويعيش
في مستوى كويس
بس اللي بستعجب منه لما الاقي واحد كبير في السن كون نفسه
وجوز عياله وبناته وكلهم عايشين في مصر وهو عايش لوحده ومغترب
فيها ايه لما ينزل في بلده ويعد وسط عياله
مش حلو ابدا ان الواحد يفضل طول عمره بعيد عن اهله
بجد انا قابلت ناس كتير هنا قاعدين 15 و20 سنة كاملين بدون ما
يزورو اهاليهم وحارمينهم من شوفتهم وعيالهم حتى ما يعرفوش
اي حد من قرايبهم !!
الواحد مفروض لو سافر يعمل اللي عليه ويكون نفسه ويرجع لبلده
اما الموت فما حدش عارف هيموت فين وامتى وازاي !!

شكرا ليك على الموضوع
خالص تقديري وودي

[فــــــــــرح]

صحيح الغربه قاسيه يا احمد
ووحده وبعد عن اعز الناس الوالدين ..
لكن حلاوتها في ألمها ورجوعنا منها رافعين الراس
بشهادات وبطموحات اتحققت مهما حس الواحد
ان الغربه بتخنقه اما يحرجع لبلده حيحن للحظات جميله
عشها في الغربه ..
وعلاقات وصداقات وعادات اكتسبها من اهل البلد
خصوصا لو اتغرب الواحد لبلد عربي شقيق
متعتبرش غربه لان فيها اسلامه وفيها شرقيته
الغربه مش وحشه بحته ولا امان بحت ...

الغربه خبره وحياة جديده انا عن نفسي بحلم بيها
عشان احس بقيمة ارضي واهلي وناسي اكتر
وعشان اعرف غيري واكتسب منهم ...




طرح رائع ويمتعني جداااااااا التواجد
في صفحاتك احمد...

ورحم الله الفقيد واسكنه فسيح جناته