احلام ليالى جميله

[جى فى السريع]

أحلام ليالي جميله

لما يهل الليل وتطلع القمره وتحوم النجوم ف كل مكان
ولما تنام العيون وينشر الصمت جناحاته ويقفل البيبان

وامسك القلم واخطط وارسم وكل شئ بيبان
وأكتب قصيده عن حكمه زمن .... ولا عن حب صامت ..ولا عن حياة انسان
وأقول للورق كل أسراري وحكايات كانت من قديم الزمان

عشقت الليل والقمره والسهر ..... وكرهت النهار لما خيوطه تبان
كرهته لأنه ..بينهي كل أحلامي وبيكدب كل المعاني في أيامي
وبيخلي الحلم ف ثواني أحزان

كرهته لأنه بيكشف الواقع ..بشعاع نور من شمسه ساطع وبيسدد البيبان
بيسدد بيبان الامل ...
الل كانت ف ليلي مرسومه .....بيخليها صوت منبوح تحت التراب مردومه
وبتبقى مجرد صرخه مكتومه بترن في الجدران

وف زحمه الأفكار ....بتطلع فكرة من الأعماق
بتسمع صداها وبتدبح التوهان

أحيانا تكون عن الحب لما يتمكن
ويسكن في قلوبنا ويتسلطن

وبيقضى ع الهم وسنينه ..
.. ويكبر جوانا مدام صاينينو
وبيحفظ كل العهود
ويرسم على الوجوه صوره وحلم جميل
ويبقى ف العيون باين ومشهود
وينشر في الجو ابتساماته
وينمي احاسيسنا من حكاياته
ويكمل فرحه قلوب جوه البيوت

وأحيانا بتبقى الفكره مش لذيذه وبتعكنن
وبتبني من الكئابه واليأس والزهق عمارات
وبتدخلني جواها في متاهات
وبتبقى مش خايله
بتبقى مستحيله مع انها واقع لينا وللهموم شايله

بسرعه ييجي صاحب الحلم الجميل ويحذفها
دي فكره مش لطيفه ولازم نوقفها
ونلعن الل مثل فيها دور البطل ونلعن مؤلفها

هذا هو الحب

[شريف بونو]

رااااااااائعة جدا