..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : ☆ شهـــاب ☆ - مشاركات : 1 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


قصه ((اللقا نصيب ))حلقات متجدده (( بقلمى ))

قصص - روايات - حكايات ...منقولة


إضافة رد
 
LinkBack أدوات الموضوع انواع عرض الموضوع
قديم منذ /12-19-2010, 11:07 PM   #1

 

 رقم العضوية : 25954
 تاريخ التسجيل : Jul 2009
 المكان : alex
 المشاركات : 25
 النقاط : fatoma3 will become famous soon enough
 درجة التقييم : 50
 قوة التقييم : 0

fatoma3 غير متواجد حالياً

أوسمة العضو
افتراضي قصه ((اللقا نصيب ))حلقات متجدده (( بقلمى ))

السلام عليكم ورحمه الله وبركاته
اول تجربه ليا فى كتابه قصه واتمنى ارائكم بكل صراحه
هو تم عرضها من قبل فى احد المنتديات ولكن اود ان ارى ردود اعضاء اخرين
هى اسمها ((اللقا نصيب )) اتمنى انها تعجبكم واتمنى انى اشوف ارائكم
ومتخافوش انا مبزعلش علشان لو كنت شايفه انى ممكن ازعل مكنتش نزلتها

الفصل الأول

الشخصيات الأساسيه
ماجده (الام) : ربه منزل حصلت على شهاده متوسطه
عباس (الاب): مهندس يعمل فى احدى الشركات
الابناء
يوسف : يبلغ من العمر 22 عام متخرج من كليه التجاره
رباب : 17 عام فى سنه الأولى من كليه اداب قسم انجلش
منه : 15 عام فى الصف الثانى الثانوى
ريهام : 13 عام فى 3 أعدادى
المكان : محافظه الاسكندريه
الحلقه الأولى

على صوت اذان الفجر تستيقظ الأم ماجده لصلاه الفجر وتستعد لأيقاظ جميع من فى البيت فاليوم هو اول يوم للدراسه
ماجده : الله اكبر الله اكبر لا اله الا الله يارب تقوينى وتنجحلى عيالى وتسعدهم وتسترهم يا ستار
وتنهدت ثم تذكرت زوجها الذى ما زال غارقا فى نومه فأقبلت عليه حتى تفيقه من نومه
قوم يا ابو يوسف ابو يوسف قوم علشان تلحق الصلاه فى الجامع يلا انت نومك بقه تقيل كده ليه

عباس : ايوه ايوه انا صحيت أهو ربنا يخليكى لينا يا ام يوسف ويكرمك لولاكى مكنتش قومت صليت ولا كنت حسيت
ماجده : ويخليك لينا يا ابو يوسف يالا قوم ده انا لسه هروح أصحى البنات وأصحى يوسف كمان علشان ينزل يصلى معاك انا مش عارفه ماله اليومين دول حاله مش عاجبنى ربنا ينورله طريقه والنهارده اول يوم فى المدارس

وقام عباس علشان يروح يتوضى لا حظ نور أوضه يوسف مولع فأستغرب ان يوسف صاحى ودخل يتوضى فى تلك الأثناء ذهبت الأم لأيقاظ بناتها لانها عارفه دلعهم وانهم مش هيصحوا بالساهل

ماجده : أستعنا على الشقا بالله يالا يا بنانيت قوموا علشان الصلاه يلا يا ريرى يا اخر العنقود يلا يا منه يلا يا رباب يا حبيبتى النهارده اول يوم فى الجامعه قومى بقه يا حبيبتى

لكن منفعتش اى محاوله من محاولات الأم ولقت ريهام بتحط المخده على دماغها وبتقولها كمان شويه يا ماما ومنه اتقلبت على الجمب التانى ومتكلمتش أما رباب ففتحت عين وقافله عين وبصتلها ونامت تانى
راحت ماجده علشان تصحى يوسف لقيت نور الأوضه مولع ويوسف صاحى

ماجده : الحمد الله يا حبيبى انت صاحى ايه النشاط ده كله انت صحيت أمتى
يوسف : صباح الخير يا ماما انا منمتش اصلا (ورد عليها وهو قايم من السرير وبياخد فوطه )

حست ماجده ان ابنها مش طبيعى وانه زعلان من حاجه مسحت على راسه وقالتله

ماجده : طيب يا حبيبى ربنا يسترها معاك ويوفقك ويفرجها عليك وعلى كل الشباب اللى زيك يارب

باس ايديها وقالها

يوسف : ايوة يا امى ادعيلى أحسن انا محتاج دعواتك الحلوة دى مفيش غيرها هيقف جمبى

وأثناء الحوار كان خرج ابو يوسف من الحمام وشاف يوسف وام يوسف
عباس : صباح الخير يا بنى أدخل يلا أتوضى علشان نلحق ننزل
يوسف صباح الخير يا بابا (وباس ايديه) حاضر انا حدخل اتوضى اوعى تعملها وتنزل من غيرى

وبعد ما دخل يوسف الحمام علشان يتوضى ودخل عباس يجهز نفسه لانه بعد الصلاه هيرجع يفطر ويروح شغله
ودار حوار ما بين الام والاب عن حال يوسف
ماجده : مش عارفه يوسف مالو يا عباس قلبى موغوشنى عليه حاسه ان فيه حاجه ومش عايز يتكلم

عباس: انا برضو حاسس بكده امبارح لما نزلنا كلنا مع بعض مكنش هو يوسف اللى متعودين عليه ولقيت نور أوضو منورر هو كان صاحى ولا ايه

ماجده : اه دخلت لقيته نايم على السرير بس صاحى بحسبه صحى لوحده لقيته بيقولى انا منمتش اصلا حاول تتكلم معاه

وانتهى الحوار على صوت يوسف وهو بينده على باباه علشان ينزلوا
ونزل يوسف والاب للذهاب للجامع اللى فى اخر الشارع واستعدت الام لخوض معركه اخرى لأيقاظ البنات

ماجده : يلا يا بنات بقه ما تتعبونيش معاكم يلا يا رباب ده اول يوم فى الكليه قومى يا حبيبتى صلى وادعى ربنا يوفقك يلا
رباب : (وهى بتتاوب) خلاص يا ماما انا صحيت اهو هقوم روحى انتى بس صحى منه وريهام هما وراهم مدرسه والباص هيجى ياخدهم

ماجده : اه علشان تنامى تانى يا لئيمه قومى انتى صحيهم انا هروح أتوضى وأهو تخدى ثوابهم وتعملى حاجه تنفعك
رباب : ماشى يا ست ماما انتى بتصدرينى ليهم ياعنى ولا ايه
ماجده : يلا قومى وبطلى لماضه مش نقصاكى على الصبح كفايه اخوكى اللى مش عارفاله حاجه

وخرجت الام من الأوضه وقامت رباب علشان تصحى اخواتها وطارت رمت نفسها على سرير ريهام اللى جمب سرير منه فصاحت ريهامم وهى بترمى المخده فى وش رباب

ريهام : ايه يا بنتى انتى شايفه نفسك خفيفه فى حد يعمل كده رايحه الكليه ولسه عيله وسعى وسعى

رباب : (وهى بتضحك وبتحدف المخده على وش ريهام ) ماشى انتى يا كبيره يا عاقله انا عيله عايزة حاجه أبقى صحى أختك اللى جمبك

ريهام : قومى يا ختى انتى كمان ده انتى وراكى ايام ملهاش الوان يا بتاعت الثانويه العامه

منه : ماشى يا بتاعت الاعداديه مش ناقصه تفكرينى وبعدين انا صاحيه من ساعت هبل اختك رباب ربنا يهديكم انتم الاتنين

وقاموا البنات علشان يتوضوا ويصلوا طبعا بعد خناقات على مين هيدخل يتوضى الاول وبعد ما خلصوا صلاه
والام تلقى نظره على بناتها اللى كل واحده اخدت مكان وقعدت تدعى لربنا مسمعتش هما بيدعوا يقولو ايه غير منه اللى قالت بصوت عالى يارب تنجحنى واجيب مجموع عالى ياااااااارب فضحكت الام وأممت على دعاء بنتها فهو ايضا ما تتمناه

واثناء رجوع يوسف مع والده من الجامع وبعد ما سلموا على الجيران فلم يستطيع الاب ان يختلى بأبنه ليعرف ما به
فأذا وجد الفرصه امام المنزل فقال ليوسف

عباس : ايه يا يوسف مكشر ليه كده يابنى فيك حاجه ولا ايه
يوسف : لا يا بابا مفيش بس الواحد اليومين دول بيفكر كتير وكل ما يجيبها من هنا تجيلى من هنا
عباس :طب ما تقولى يا بنى مالك يمكن اقدر اساعدك فى حاجه
يوسف : يابابا انت فيك اللى مكفيك كفايه الملايكه اللى فوق دول انا المفروض اكون شايل همهم معاك بس انا كمان همى لسه عليك
عباس : ليه يابنى بتقول كده ده انت ابنى برضو ولازم افضل معاك حتى لما يبقى عندك عيال
لم يرد عليه يوسف فحس عباس ان يوسف مش عايز يحكيله فى ايه ومرضاش يضغط عليه علشان لما يحب يحكى بمزاجهه
ووصلو عند باب البيت وريهام هى اللى كانت فى استقبالهم قبل دق الجرس
يوسف : ام ودنات طبعا بتفتح الباب هو فى غيرها
بصتله ريهام بغيظ وتوجهت لأبيها بابا حبيبى وحشتنى دعتلى بقه وافتكرتنى ولا لأ
عباس : وانتى كمان يا حبيبه بابا طبعا يا حبيبتى هو انا اقدر انساكى برضو
وتوجهت بالكلام الى يوسف
ريهام : مش هتبطل بقه تقولى يا ودنات دى ولا ايه انا كبرت خلاص وفى أعداديه
يوسف : أعداديه طيب يا بتاعت الاعداديه لما تبطلى ترمى ودناتك دى مع كل الناس هبطل اقولهالك
وحسيت ريهام ان يوسف غريب فلم يشاكسها كما يفعل معها واتوجهت الى المطبخ لتساعد ماماتها واخوتتها فى تحضير الفطار فنظروا اليها فلاقوها شكلها غريب فسألوها مالك يا ريهام

ريهام : مش عارفه يوسف ماله دمه تقيل ليه بهزر معاه مهزرش معايا زى ما بيعمل وسبنى ودخل أوضه حتى مجاش المطبخ علشان يصبح عليكم ويعاكسكم زى ما بيعمل
فقاطعتها الام وقالتلها خلاص يا ريهام سيبيه فى حاله وروحى انتى ومنه يلا البسوا وتعالوا علشان تفطروا احسن الباص يجى ويمشى وانزل انا اوصلكم بنفسى

ريهام ومنه فى صوت واحد لالالالالالالالا توصلينا ايه يا ماما انتى عايز اصحابنا يضحكوا علينا
وجروا علشان يلبسوا ويجهزوا وفضلت رباب مع مامتها تجهز الاكل

ماجده : متعرفيش يا رباب اخوكى ماله هو متخانق مع انجى ولا حاجه ماله كده مش مظبوط ليا

رباب فى تردد : ايه ...... مش عااارفه يا ماما هوو انتىى بتقوولى كده ليه
ماجده وهى تنظر لابنتها : ومالك بتقطعى كده ليه بتفصلى شحن ماشى يا ست رباب انا هعرف بيكى ولا من غيرك
رباب: ما انا عارفه يا ماما انك واصله بس انا يا حبيبتى مقدرش أفتن على اخويا عايزة تعرفى روحى اسأليه

وانتهى الحوار على صوت ابويوسف يستعجل ام يوسف فى تحضير الفطار وتم تجهيز المائده وخرجت منه وريهام من أوضتهم وهما جاهزين ولا بسين لبس المدرسه ففرح الاب لرؤيتهم

عباس : ماشاء الله عليكم يا حبايبى ربنا يحميكم قمرات حتى فى لبس المدرسه
ريهام : اه قمرات أوى يا بابا اصل لبس المدرسه ده جنان بجد يعنى مفيش كلام
فضحك الجميع ماعدا يوسف الذى مازال شاردا يفكر بما سيفعله اليوم هل سيحصل على الوظيفه ام لا هل هيقدر يكلم انجى اللى محبش حد غيرها ويصارحها بقراره اللى برضو هيتوقف على انه هيشتغل ولا لأ
هيكمل معاها وهيقدر يسعدها ولا هيبعد عنها ويهدم ثقتها فيه فأذا بيد أبيه تمتد على ضهره لتفوقه
عباس : يوسف يوسف يلا يا بنى علشان تفطر يلا ووجه كلامه الى رباب ايه يا حبيبتى النهارده اول يوم فى الجامعه طبعا ده عالم جديد عليكى مش هوصيكى بقه عايز بنتى اللى انا واثق فيها عايز بنتى بألف راجل متصحبيش حد او تتعرفى على اى حد من غير ما تتأكدى انها بنى أدمه كويسه

رباب : ان شاء الله بس يا بابا انا حاسه انى مش هعرف اتعامل مع حد خالص فى الكليه انا الحمد الله معايا اتنين من اصحابى بتوع زمان مياده ومنى ما انت عارفهم يابابا

عباس : بوصى يا حبيبتى انا عارف يعنى ايه جامعه ويعنى ايه كليه بس اهم حاجه يا حبيبتى ان يكون فى حدود مفيش حاجه تتعدى الحدود دى واى حاجه تحصل عندك ماجده تيجى تحكيلها لو مش عايزة تحكيلى

ماجده وهى تنغز عباس : خلاص يا ابو يوسف ايه الارهاب اللى انت عمله على الفطار ده كله ساب اكله وقاعد يسمعلك يلا يا بنات افطروا علشان متتأخروش ونظرت ليوسف الذى اندهشت لعدم تدخله فى الكلام مع ابيه وتوجيه النصائح لأخته وقالت له ايه يا يوسف مش بتاكل ليه

يوسف : انا باكل يا ماما باكل اهو
ولم يدرى احد ما الذى يدور فى بال يوسف وذهب الجميع ولم يتبقى بالمنزل سوى رباب التى كانت تستعد ان تدخل حجرتها علشان تجهز نفسها للكليه ودخل كمان يوسف حجرته ومازال شاردا يفكر ولم يقطع تفكيره الا بصوت مسدج تصل الى موبيله من انجى (( صباح الخير يا حب عمرى انت مش بترد على تليفوناتى ليه انا قلقت عليك اوووى انا رايحه الكليه النهارده ولازم اشوفك هستناك فى المكان اللى بنقعد فيه دايما ))

فما قالته انجى بالرساله زاد من حيره يوسف وقلقه وانفعاله ...........

ربنا يستر بقا ارجوكم تقولولى رأيكم ولو حتى اعجبتم بأسلوبى انا عارفه ان القصه لم تضح ملامحها حتى الأن ولكن ستظهر فى الحلقات القادمه








  رد مع اقتباس
قديم منذ /12-20-2010, 01:19 AM   #2

مشرف الإبداعات الأدبية سابقاً

 

 رقم العضوية : 5583
 تاريخ التسجيل : Aug 2008
 الجنس : ~ رجل
 المكان : مصرأم الدنيا
 المشاركات : 9,447
 الحكمة المفضلة : عظَمة عقلك تخلق لك الحساد .. وعظَمة قلبك تخلق لك الأصدقاء
 النقاط : البرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond reputeالبرنس رامى has a reputation beyond repute
 درجة التقييم : 58174
 قوة التقييم : 30

البرنس رامى غير متواجد حالياً

أوسمة العضو
افتراضي

الأخت فطومه

بأمانة أنتى استاذه فى سردك وفى القصة الرائعه

أعجبتنى جدااا واشكرك على كتاباتك طبعا

ونحن فى انتظار البقية ونتابع معاكى القصه ونحن كلنا شوق

لكى احتراماتى وشكرا لكى ونورتى بنات مصر اختى







  رد مع اقتباس
قديم منذ /12-20-2010, 06:47 AM   #3

 

 رقم العضوية : 25954
 تاريخ التسجيل : Jul 2009
 المكان : alex
 المشاركات : 25
 النقاط : fatoma3 will become famous soon enough
 درجة التقييم : 50
 قوة التقييم : 0

fatoma3 غير متواجد حالياً

أوسمة العضو
افتراضي

اشكرك يا رامى على تشجيعك ليا
واتمنى انها فعلا تكون عجبتك واسفه انى نزلت الموضوع فى مكان تانى خالص
ومشكور على نقلك ليه اتمنى انها تنال اعجاب باقى الأعضاء







  رد مع اقتباس
قديم منذ /12-20-2010, 07:14 AM   #4

عضو جديد

 

 رقم العضوية : 61636
 تاريخ التسجيل : Dec 2010
 المكان : السعوديه
 المشاركات : 106
 النقاط : الركس will become famous soon enough
 درجة التقييم : 50
 قوة التقييم : 0

الركس غير متواجد حالياً

أوسمة العضو
افتراضي

اشكرك على هذا الموضوع الرائع







  رد مع اقتباس
قديم منذ /12-20-2010, 09:10 AM   #5

 

 رقم العضوية : 25954
 تاريخ التسجيل : Jul 2009
 المكان : alex
 المشاركات : 25
 النقاط : fatoma3 will become famous soon enough
 درجة التقييم : 50
 قوة التقييم : 0

fatoma3 غير متواجد حالياً

أوسمة العضو
افتراضي

الحلقه الثانيه

لم يستطيع يوسف بعد قراءه الرساله ان يتمالك نفسه فبكى بكاء مكتوم ولكن رباب كانت ذاهبه له قبل نزولها الى الجامعه حتى تعرف هل سيأتى الى الجامعه أم لا فسمعت بكاءه
رباب :يو.......... يوسف مالك فى ايه بتعيط كده ليه
قاطعها يوسف
يوسف : هششششششش وطى صوتك انا مش عايز ماما تيجى تشوفنى كده
رباب : طيب بس قولى مالك فى ايه كل ده علشان حكايه الشغل يا يوسف ولا فى حاجه تانيه
يوسف : انا هسيب انجى يا رباب هسيبها انا مقدرش اربطها جمبى بالمنظر ده انا مش عارف مستقبلى هيبقى عامل ازاى حرام عليه اربطها جمبى اكتر من كده
رباب : انت بتقول ايه انت اتجننت عايز تسيب انجى انجى يا يوسف حلم عمرك وبعدين هتسيبها ازاى وهى كمان بتموت فيك هتوجع قلبك وقلبها ليه
يوسف : قلبها هيتوجع شويه وبعدين خلاص هتعرف انى عملت لمصلحتها وانى فعلا بحبها ومش عايز ابهدلها معايا
رباب : يا يوسف اهدى كده بس يا بنى انت لسه فى اول خطوه ليك وبعدين انجى لسه فى الكليه
يوسف : اه فى الكليه وفى اخر سنه يعنى هتخلص والحجه اللى كانت بترفض بيها كل العرسان اللى اتقدمولها هتروح خلاص
رباب: طيب يا يوسف هتكون انت ان شاء الله اشتغلت وحطيت رجلك فى حاجه كويسه وتتقدملها
يوسف : اه انتى بتحلمى يا رباب انتى متعرفيش الشباب قد ايه مش لاقين شغل وقاعدين ومعاهم شهادات احسن منى
رباب : مفيش حد احسن من حد اللى عنده هدف وحلم عايز يحققه هيعافر مع الزمن علشان يحقق ولو جزء منه وبعدين يا يوسف انت ناسى انت عملت ايه علشان انت وانجى تبقوا مع بعض مفكرتش فى كل ده ليه قبل ما تحبوا بعض جى تفكر فيه دلوقتى بعد ما خلاص انتو الاتنين متعرفوش تعيشوا من غير بعض
وبعدين مش انت اللى مش موافق ان بابا يتوسط لحد انه يشغلك وانت عارف ان الوسطه هى اللى ماشيه

يوسف : وسطه وسطه ايه بس يا رباب حرام عليكى انا مش نافصك انا مش عايز اشتغل بالكوسه اه كله شغال بالكوسه بس انا لأ مش عايز انا عايز لما اشتغل تبقى ثقتى فى نفسى موجوده علشان احقق كل اللى انا عايزه
رباب : خلاص يبقى متظلمش نفسك وتظلم انجى معاك بتفكيرك المثالى ده يا بنى مفيش حد بيفكر كده دلوقتى ووبعدين ما انت جربت مره واتنين وتلاته وروحت شركات كتير ومفيش ولا شركه اتصلت بيك ورينى بقه هتعمل ايه
يوسف: خلاص يا رباب وحيات والدك ما انا ناقصك كفايه الللى فيا روحى بقه علشان متتأخريش
رباب : حاضر يا يوسف بس هستناك النهارده علشان تعرفنى على انجى انت حكتلى عنها كتير وكلمتها فى التليفون عايزة اشوفها بقه
يوسف : مش عارف يا رباب هروح ولا لأ لسه
ولم يؤثر كلام رباب على يوسف خاااالص ولكن مازال عند قراره بأن يترك انجى ويبعد عنها نهائيا ويتركها لمستفبلها حتى لا يصير عقبه فى طريقها وتركته رباب ودخلت لأمها حجرتها لكى تستأذنها للنزول
رباب : يا ست الكل انا نازله ادعيلى يا امى قبل ما انزل
ماجده : ايه ده انتى لسه منزلتش انا افتكرتك نزلتى من ساعه ما قفلتى باب الاوضه ربنا معاكى يا حبيبتى ويوقفلك ولاد الحلال
رباب : يارب يا ماما يارب اصل انا كنت عند يوسف (وهى بتشيل عينيها من قودام مامتها) بتكلم معاه قبل ما انزل
ماجده : بوصيلى هنا هو قالك ماله ايه اللى مضايقه يا رباب فى ايه انتى الوحيده اللى بيتكلم معاكى اكيد قالكك ماله
رباب : ((وهى تنظر فى ساعه يديها )) ياااااااااااااااااااا ده انا اتأخرت اووى يا ماما زمان منى ومياده واقفين من بدرى لازم امشى دلوقتى هاتى بوسه بقه
ماجده : طيب يا رباب بتهربى ماشى يا حبيبتى خلى بالك من نفسك واول ما توصلى اتصلى بيا طمنينى عليكى

وغادرت رباب المنزل تاركه ماجده فى حيره وقلق على ابنها الذى سمعته يتحدث بصوت مرتفع فى تليفونه
يوسف : ايوة يا كريم عامل ايه ماشى يا عم انت بتتكلم بجد طيب انا كده كده كنت ناوى النهارده اقدم فى كذا واحده هقدم فيهم ووبعدين أعدى عليك اروح انا وانت نقدم هناك ماشى يا كريم ربنا يخليك ليا يا باشا
بعد هذه المكالمه التليفونيه مع صديقه الذى اتصل بيه لكى يخبره عن عمل بأحدى الشركات الممتازة بدأ يوسف فى تجهيز نفسه وارتداء ملابسه لانه سيقوم بعده مقابلات اليوم وبعد انتهاءه دخل الى أمه
يوسف : يا أمى انا نازل أدعيلى يا امى ربنا يوفقنى النهارده
ماجده : ربنا يوفقك يا حبيبى ويكتبلك فى كل خطوه سلامه ويحبب فيك خلقه ويحفظك يارب
يوسف : (( وهو بيبوس ايديها )) يارب يا امى ربنا يخليكى ليا وميحرمنيش منك

وأنطلق يوسف ليواجه مصيره اليوم واليوم ككل يوم يذهب فيه لتقديم اوراقه فى الشركات لكن ما هو جديد فى هذا اليوم هو قراره فى ان يترك انجى وهو فى طريقه الى الشركه وجد اثنين بيحبه بعض وتذكر اول لقاء له بأنجى فهو كان بالفرقه الثانيه وانجى بالفرقه الاولى وانه حبها بدون ان يتكلم معها وان اول لقاء بينهما يشبه لقاءات الاحباب فى الافلام وانه حبها من اول نظره وازاى حاول انه يتكلم معاها وانها كسفته فى اول مره اتكلموا فيها ومرضتش تقف معاه وتكلمه وان زميلته شيماء هى اللى أتصاحبت على انجى وجابت رقمها وانه اخد رقمها من شيماء وازاى حاول يتصل بيها وقفلت الخط فى وشه واثناء تذكره لهذه الذكريات وجد الموبيل يرن انها انجى فلم يعرف هل يرد عليها ام يترك الموبيل يرن ويبقى يقولها كنت عمله سيلنت ولكنه قرر ان لا يرد عليها
وعندما انتهى يوسف من تقديمه فى عده شركات اتصل بكريم لكى يعرف اين هو

يوسف : ايوة يا كريم ازيك يا معلم عامل ايه انت فين دلوقتى ...... طيب كويس انا قربت خلاص اجيلك ......
ماشى يا كيمو حالا هكون عندك

وعندما وصل يوسف الى الشركه التى تواعد عندها كريم ووجده

يوسف : كيمو حبيبى والله واحشنى يا كريم عامل ايه اخبارك ايه بقالنا كتير متقبلناش

كريم : جو حبيب قلبى عامل ايه انت واحشنى اكتر والله انا تمام اهو يا معلم انت عامل ايه

يوسف : انا كويس الحمد الله بجد والله يا كريم مش عارف اقولك ايه انت صاحب بجد

كريم : ايه يا بنى انت زى اخويا وحالى من حالك وبعدين ان مكنتش اتصل بيك انت واقولك على موضوع الشغل ده هتصل بمين يعنى

يوسف: ربنا يخليك يا كيمو بس يارب يا كيمو يبقى على خير المرادى وحد يعبرنا بقه ويتصلوا بينا

كريم : تعالى نطلع بقه انا بصراحه يا يوسف انا مش عارف انت ازاى لغيت دلوقتى مشتغلتش يا بنى هو مش باباك كان جايبلك شغل مروحتش فيه ليه
يوسف : لا يا كريم علشان خاطرى الموضوع ده مش بحب اتكلم فيه انت ناسى انا كنت بقولك ايه زمان
كريم : لا يا يوسف متهرجش انت كنت بتتكلم بجد انك مش هتشتغل اى شغل باباك يجبهولك خصوصا لو كانت وسطه انت بتستعبط يا بنى انا كنت فاكرك بتهزر يا بنى مفيش حد بيفكر زيك كده دلوقتى
يوسف : انت هتعمل زى اختى رباب مش مصدقه انى بفكر كده
كريم : ايوة طبعا عندها حق هى بقت فين دلوقتى انا اخر مره شوفتها مش فاكر كانت فى سنه كام بس صغيره
يوسف : لا رباب النهارده اول يوم ليها فى الجامعه دخلت كليه اداب قسم انجلش
كريم : ياااااااااااا اصل انا اخر مره شوفتها كنا تقريبا فى سنه تانيه الناس بتكبر يا يوسف

واثناء هذا الحوار سمع يوسف بأسمه ينادى عليه لكى يدخل يقدم اوراقه ويعمل الانترفيو ثم خرج يوسف من أوضه الانترفيو وتوجه الى كريم الذى كان يليه فى الانترفيو ودخل كريم وانتهى هو ايضا من تقديم اوراقه

كريم : مش عارف يا يوسف حاسس ان المرادى ربنا ان شاء الله هيكرمنا ان شاء الله
يوسف : يارب يا كريم وانا شويه حاسس بكده برضو بس مش بحب اتفائل زياده عن اللزوم هما قالولى ان شاء الله هنتصل بيك وانا الكلمه مش بتفائل بيها
كريم : وهو يضحك لا يا يوسف ان شاء الله المرادى خير قولى صحيح عامل ايه مع انجى
يوسف : انجى ... اه كويسين الحمد الله ... وانت يا كيمو اخبار نرمين ايه
كريم : (ووجه يبان عليه الضيق عندما ذكر يوسف اسمها ) نرمين أتخطبت خلاص لأبن خالتها فاكره
يوسف : أتخطبت ... انت بتتكلم بجد ايه يابنى ده ده احنا كنا بنحسدكم على حبكم أظاهر كده ان مفعول الحسد اشتغل ولا ايه ايوة ابن خالتها اللى كان أتعين معيد فى اخر سنه معلش يا كيمو كل شىء قسمه ونصيب وحصل ازاى بقه كل ده
كريم : مفيش يا بنى انا مستقبلى على كف عفريت ومش عارف هعمل ايه مرضتش ابهدلها معايا وخيرتها قولتلها انا مقدرش اجى اتقدملك دلوقتى وانا محلتيش حاجه غير الشقه اصبرى عليا شويه لغيت ما اكون حاجه تقول كده زى ما صدقت انى قولتلها الجملتين دول وسبتنى حتى من غير ما ترد عليا ومن ساعتها مشوفتهاش شيماء صاحبتنا فاكرها هى اللى قالتلى

يوسف : (فى عقله ) يااااااااا يا كريم زى ما يكون ربنا بعتك ليا علشان أوقف اللى انا هعمله النهارده ثم قال بصوت مرتفع شيماء يااااااااا هى لسه البت دى عايشه عامله ايه ( وكأنه بيغير الموضوع علشان ميفكرش كريم ويقلب عليه المواجع)

كريم : كويسه الحمد الله اخر مره كلمتنى كانت بتقولى ان فتحتها اتفريت وان خطوبتها قريب هى كانت بتقولى انها بتطلبك بس موبيلك كان غير متاح شكلها كده بتطلبك على رقمك القديم
يوسف : اه يمكن هبقى اخد رقمها منك واتصل بيها اباركلها البت شيماء دى كانت جدعه اوى معانا يا كريم بقولك ايه هتيجى معايا انا رايح الكليه النهارده رباب اختى مستنيانى وانجى كمان هتبقى هناك
كريم : بجد والله يا سلام ده انا بقالى كتير مدخلتش الكليه من ساعه ما فرقناها بس تصدق كانت احلى ايام ماشى يا يوسف هجى معاك

وأتجه يوسف وكريم الى الجامعه لكى يقابل اخته ولكى يتكلم مع انجى وعندما وصل يوسف الى الجامعه اتصل برباب أيوه ... الحمد الله ..... كويس يا بنتى .... انتى فين انا هنا فى الكليه ....... طيب خلاص هستناكى عند الكافيه بتاع اداب ..... خلاص ماشى ثم قال لكريم قودامها 5 دقايق وتيجى استنانى انت هنا فى الكافيه وانا هجيلك حالا
وترك يوسف كريم بمفرده لانه يريد ان يبقى لوحده لمده دقيقتين يركز بما سيقوله لأنجى ولكنه تذكر كريم ونرمين فهتز تفكيره بما سبفعله ووصل الى المكان الذى سيقابل فيه انجى ولقى رجليه خطوة بتقدم وخطوة بترجع ولكنه قرر ان يرجع الى كريم ويمشى فورا ولكنه وجد صوت انجى ينادى عليه فتجمدت رجله فى مكانه
فوجد انجى امامه وتنظر له نظره غريبه وبتقوله انت رايح فين يا يوسف ............








  رد مع اقتباس
قديم منذ /12-20-2010, 01:26 PM   #6

 

 رقم العضوية : 25954
 تاريخ التسجيل : Jul 2009
 المكان : alex
 المشاركات : 25
 النقاط : fatoma3 will become famous soon enough
 درجة التقييم : 50
 قوة التقييم : 0

fatoma3 غير متواجد حالياً

أوسمة العضو
افتراضي

ايه ده هى القصه وحشه اوى كده ولا ايه







  رد مع اقتباس
قديم منذ /12-21-2010, 10:41 AM   #7

 

 رقم العضوية : 25954
 تاريخ التسجيل : Jul 2009
 المكان : alex
 المشاركات : 25
 النقاط : fatoma3 will become famous soon enough
 درجة التقييم : 50
 قوة التقييم : 0

fatoma3 غير متواجد حالياً

أوسمة العضو
افتراضي

الحلقه الثالثه
أنجى : انت كنت ماشى ولا ايه يا يوسف ومكنتش بترد عليا ليه أمبارح والنهارده مالك يا يوسف انت بتعمل معايا كده ليه فيه ايه ( قالت هذا الكلام بعتب شديد ليوسف )
الذى اصبح وجهه شاحبا ومبقاش عارف يرد عليها وحط راسه فى الارض وفالها مفيش حاجه يا انجى
أنجى : لا فيه يا يوسف انت اول مره تكلمنى من غير ما تبص فى عينيا انا عارفاك اكتر من نفسى يا يوسف
مش هتعرف تضحك عليا يا يوسف من فضلك تقولى مالك
ورفع يوسف رأسه فلقى عين انجى مليانه دموع وذهل من شكلها فقرر انه يأجل الكلام لغيت ما انجى تهدى
يوسف : مفيش حاجه يا انجى وبعدين انتى اللى فى ايه مالك هتعيطى قوام كده ليه
انجى : علشان اول مره اشوفك كده اول مره تتجاهلنى كده يا يوسف
يوسف : بقولك ايه كريم جه معايا وسايبه عند الكافيه بتاع اداب وبعدين رباب اختى هتجيلى هناك عايزة تشوفك تلاقيكى بالمنظر ده وانا اللى حكالها انك زى القمر تلاقيكى شبه عائشه الكيلانى كده
انجى: فأبتسمت انجى وكأن لم يحصل شيئا بجد هشوف رباب النهارده اخيرا وكريم مين كريم صاحبك اللى كاان بيحب نرمين صح
يوسف : اه بس متجيبيش سيره نرمين علشان اتخطبت لواحد تانى وكريم لسه حكيلى النهارده متفكرهوش تانى
انجى : ايه ده انت بتتكلم بجد ازاى كده متتصورش يا يوسف ان بزعل قد ايه لما الاقى اتنين كانوا بيحبوا بعض يسيبوا بعض

فتنبه يوسف لكلام انجى وقال فى نفسه تزعلى على حد تانى اومال لو انتى يا انجى هتعملى ايه

وفى اثناء وقوف انجى مع يوسف كان كريم جالس فى الكافيه ينتظره فوجد فتاة جميله لديها ابتسامه رقيقه تتحدث مع اصدقائها بكل رقه ووجها مألوف وكأنه شافها قبل كده فهذه هى المرة الأولى التى يتشد فيها الى فتاه بعد نرمين وتأخر يوسف عليه ولكنه لم يشعر بالوقت فكل هذا الوقت كان مستمتع بالنظر لتلك الفتاه ولكنه وجدها تسلم على يوسف ويعرفها على انجى فعلم فى ذلك الحين انها اخت يوسف رباب فتوجه كريم فى اتجاهم

يوسف : كريم معلش انا سبتك ياما معلش انا اسف انت عارف بقه انجى وكده يعنى
كريم :ولا يهمك يا يوسف وهو ينظر الى رباب بالعكس انا محستش بالوقت
أنجى : ازيك يا كريم عامل ايه فينك انا بقالى كتير مشوفتكش
كريم : ازيك انت يا انجى انا تمام الحمد الله هو يوسف اللى مش بيسأل على حد لو كان بيسأل كنتى شوفتينى علطول
يوسف : كريم دى اختى رباب انا نسيت اعرفكم ببعض ووجه كلامه الى رباب ده كريم يا رباب صاحبى اكيد مش فكراه
رباب : لا والله مش اوى بس انا عارفه طبعا انه صاحبك ازيك يا كريم عامل ايه وهى )) بتمد ايديها(( لتسلم عليه
كريم : ))وهو بيمد ايده ((الحمد الله ازيك انتى يارباب ليكى حق ما تفتكرنيش فعلا بقالك كتير مشوفتنيش ولا انا شوفتك
يوسف : انتى خلصتى يا رباب ولا لسه عندك محاضرات
رباب : اه يا يوسف عندى محاضره بعد ربع ساعه ولازم امشى دلوقتى علشان الحق مكان وبعدين اصحابى مستنينى بجد يا انجى انا مبسوطه اوى انى شوفتك طبعا دى اول مره اشوفك بس مش اخر مره هشوفك تانى
انجى : اكيد يا رباب هشوفك تانى هبقى اكلمك على التليفون لما اكون موجوده اوك يا قمر وهى بتسلم عليها
ثم توجهت رباب تجاه كريم فرصه سعيده يا كريم ابقى خلينا نشوفك تانى مع السلامه
كريم : ان شاء الله يا رباب هتشوفينى كتير خلاص انا مش هسيب يوسف تانى

وتوجهت رباب الى اصحابها وقلبها بيدق بسرعه من نظرة عين كريم اليها وهو بيكلمها وهى اول مره بيدق قلبها بهذه الطريقه

مياده : رباب ايه يا بنتى مالك وشك احمر كده ليه وبعدين مين الشاب الأمور الحليوة ده اللى كان واقف مع اخوكى
رباب : ده ......... ده اسمه كريم صاحب يوسف
مياده : مالك طيب يا بنتى متلخبطه كده ليه هما قالولك حاجه ولا ايه شكلك غريب
رباب : مش عارفه يا مياده كريم كان بيبصلى كده بطريقه غريبه وانا مش عارفه قلبى قعد يدق جامد اوووى
مياده : يدق الله الله يا ست رباب احنا وقعنا ولا ايه من اول نظره كده
رباب: أوقع ايه يا بنتى بس انتى هتهزرى يلا علشان نلحق المحاضره وبطلى كلام بقه
مياده : ماشى يا ست رباب محاضره ايه بس اللى بدورى عليها حد يسيب القمر ده ويروح للمحاضرات ده انتى غريبه بجد

وذهبت رباب وهى تسحب صديقتها الى المحاضره وتبقى يوسف وكريم وانجى فشعر كريم ان تواجده ليس له معنى فستأذن من يوسف ليغادر
كريم : يوسف انا همشى بقه منمتش من امبارح وعايز اطمن الحاجه عليا احسن تعدلى كتير النهارده وكانت قلقانه
يوسف : اه والله يا كريم انت فكرتنى بأمى هى كمان كانت قلقانه عليه اوى انا شويه كده وهمشى هتكلم مع انجى واروح

ومشى كريم ولم يتبقى غير يوسف وانجى وحس يوسف انه بمأزق لانه مش عارف يتكلم مع انجى وهو شايفها بتبص عليه اوى ومش بتشيل عينيها من عليه وحس ان الحوار هيتفتح تانى ومفيش مجال للهروب
يوسف : ايه يا انجى مالك فيه ايه بتبوصلى كده ليه اول مره تشوفينى ولا ايه
انجى : ايوة يا يوسف اول مره اشوفك انت النهارده مش يوسف اللى انا عارفاه مش دى العين اللى انا حبتها
انت اللى مالك يا يوسف فى ايه انا حاسه انك كنت عايز تقولى حاجه اتكلم يا يوسف
يوسف : ايه يا انجى انتى هتحققى معايا ولا ايه كل ده علشان كنت ماشى عادى يعنى مشوفتكيش فكنت راجع لكريم ايه اللى فيها يعنى
انجى : مش مصدقاك برضو يا يوسف بس هعديها يا يوسف بس لو فضلت كده انا هستنتج وانت عارف استنتجاتى بقه
يوسف : ههههههههههههههههه لا لا لا لا لا لا علشان خاطرى بلاش الاستنتاجات بتاعتك دى ربنا يخليكى أحسن تعمليلى فيلم هندى من بتوعك
انجى : طيب يا خفيف احكيلى بقه فيلم كريم ونرمين وازاى سابوا بعض عندى فضول اعرف ده احنا كنا بنضرب بيهم المثل
يوسف : مفيش يا ستى هو كريم حس انه مش عايز يبهدلها معاه فعرض عليها وضعه انه مش هيقدر يتقدملها دلوقتى ويخطبها يتستناه يا تشوف حالها وهو بيقول انها ما صدقت انه قال الكلام ده ومتكلمتش معاه تانى وشيماء فكراها هى اللى قلتله انها اتخطبت لأبن خالتها اللى كان معيد هنا
أنجى : ايه هو ده بصراحه كده نرمين هى اللى مستفزة فيها ايه يا عنى لو صبرت شويه بعنى هو مش هيشتغل ماهو هيشتغل ان شاء الله بسهوله كده تفرت فيه عادى علشان تعرف يا حبيبى انك معاك جوهره وانى صابره معاك ولا يمكن اسيبك وهفضل معاك طول العمر ومش هتخلى عنك ابدا مهما حصل حتى لو انت اللى قالتلى زى كريم كده
يوسف : الصراحه يا انجى انا مش عارف اقولك ايه صد قينى انا بعمل كل اللى اقدر عليه علشان اشتغل وأجيب اهلى على بيتكم وأطلب ايديكى وتكونى ليا العمر كله ومتكونيش لحد تانى بس يا انجى لو الظروف عسلجت معايا ومعرفتش اشتغل هتعملى ايه
أنجى : انت بتقول ايه يا يوسف علشان لما اقول ان فيه حاجه يبقى فيه حاجه يا يوسف بوص يا يوسف الظروف دى اكيد لها نهايه وانا هكون معاك ومش هسيبك ابدا زى ما قولتلك علشان انا مقدرش اعيش من غيرك واكيد انت كمان مش هتقدر تعيش من غيرى ولا انت عندك رأى تانى
يوسف : رأى تانى ايه بس يا انجى انتى روحى وانتى عارفه كده كويس انا خايف من بكره يا انجى فى حاجات اقوى منى ومنك
انجى : لا يا يوسف مفيش حاجه اقوى من حبنا يا يوسف خلى الكلام ده حلقه فى ودانك ولو انت قررت يا يوسف انك تسيبنى هيبقى انت اللى بتتخلى عن حبنا وبتتخلى عنى
يوسف : خلاص يا انجى غيرى الموضوع بقه علشان ما اتعبش اكتر من كده وادعى لربنا يخلينا لبعض واكون من فسمتك ونصيبك انتى عندك محاضرات تانيه ولا ايه
انجى : خلاص يا قلبى لانى انا كمان مش حابه انى اتكلم فىالموضوع ده اه يا حبيبى انا عندى محاضره واحده بس هخلصها واروح
يوسف: خلاص يا حبيبتى تخلصى المحاضره وتروحى علطول هستنى تليفون اول ما توصلى البيت تطمنينى عليكى
انجى: اوك يا قلبى يوسف انا بحبك اوووووووووووى
يوسف (نظر لها يوسف وقد شعر بأن العالم توقف فى هذه اللحظه ) : وانا كمان يا حبيبتى .... متنسيش تطمنينى عليكى لما توصلى

وبعد هذا الحوار قرر يوسف بأن لا يستعجل فى قراره فبعد حديثه مع انجى تيقن انه من الصعب ان يترك انجى الى شخص اخر وان انجى هى اخر واحده ممكن يحبها ومش ممكن قلبه بتفتح لحد غير انجى وانه لا يريد ان يسبب لها جرح فى حياتها وان يكون سببا فى ان تبكى انجى لفراقه

وعاد الجميع الى المنزل وقد جلست الام مع رباب لتعلم كيف كان يومها بالجامعه
ماجده : ايه يا رباب عملتى ايه النهارده فى الجامعه يومك كان عامل ازاى ويوسف جالك النهارده
رباب : اه يا ماما انا تعبت النهارده الدكاتره بيتكلمو بسرعه اوى ومش بلحق اكتب وراهم بس اكيد بعد كده هتعود
اه يا ماما يوسف جالى النهارده هو وانجى تعرفى يا ماما انجى جميله اوى ولايقه على يوسف اوى وكمان كان معاه واحد صاحبه
ماجده : اه ده اكيد كريم ماهو كلمه قبل ماينزل فى التليفون سمعتهم تقريبا كده قاله على شركه عايزه ناس تشتغل فيها علشان كده يوسف راجع احسن من الصبح كمان شاف ست انجى ما هو الوش البلاستيك ده بيبقى علينا بس
وقد سمعتهم ريهام
ريهام : اه يا ماما تصدقى يوسف ده مش بيعوج وشه غير علينا
ماجده : يا نهارك ابيض يا قرده يا بت بطلى ودانك دى اللى بترميها معانا (وهى بتشدها من ودنها)
ريهام : أى أى أى ايه ماماتى مالك انا سمعتكم بالصدفه وبعدين انا جعانه وعايزة اتغدى ولا انتى مش ناويه تغدينا ولا ايه
ماجده : لأطبعا الاكل جاهز هو انا اقدر معملش الغدا يلا نادى منه ويوسف وبابا ويلا تعالوا علشان نجهز السفره

وفى اليوم التالى رن تليفون يوسف والظاهر على الشاشه رقم غريب فرد يوسف على التليفون

يوسف : السلام عليكم
المتصل : وعليكم السلام ورحمه الله وبركاته . استاذ يوسف عباس
يوسف : ايوة انا معاك
المتصل : احنا شركه دريم للأستيراد والتصدير عايز ابلغك انه تم قبولك بالشركه ومستنيانك النهارده الساعه 11
يوسف : ان شاء الله هكون موجود فى الميعاد
وبعد ما اغلق يوسف الموبيل حس وكأنه فى حلم فأمسك بالموبيل ليتأكد ان هناك من اتصل بيه ليخبره بأنه تم قبوله بالشركه
ولكنه وجد هاتفه يرن مره اخرى انه كريم
يوسف : الو .... الحمد الله يا كريم ..... ايوة اتصلوا بيه .... هما اتصلو بيك ..... الحمد الله والله انا مش مصدق نفسى ..... الساعه دلوقتى 9 هجهز نفسى بسرعه واكون عندك دول عايزنا الساعه 11 ..... خلاص يا كريم ماشى

ولم يخبر احد حتى يتأكد بأنه فعلا حصل على الوظيفه وقابل كريم وذهبوا الى الشركه وحصل كل منهم على الوظيفه وركب كريم ويوسف الميكروباص ليذهبوا الى الجامعه لأخبار انجى ووجدها كريم فرصه حتى يرى رباب مره اخرى فكان يوسف يتصل بأنجى لأخبارها بأنه قادم لها ومعه كريم

يوسف : الو ...... ايوة يا حبيبتى ....... اه اصلى فرحان شويه ...... لما اجيلك هتعرفى
ثم بعد ذلك سمعت انجى صراخ بشكل هيستيرى خلى بالك يا أسطى حااااااااااااااااااااااااااسب







  رد مع اقتباس
إضافة رد

الكلمات الدلالية (Tags)
متجدده, اللقا, بقلمي, حلقات, وصية, قصه

« توبة أمير الغناء الجزائري | تقييم ذآتـي للعمل [ قصة ممتعه ] ~ »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
افتراضي (قصـه حب ) سعـدية الصعيـديه .. وميـدو الاستـآيل ( حلقات متجدده) برنسس ملك نكت - طرائف - وناسة - فرفشة 24 09-15-2011 12:15 AM
( جميع حلقات ) ( ارجوك لا تغضب ؟ ) مع (اعضاء كتير) ( حلقات بها مفاجأت ) morshooo أرشيف برامج اليوميات 253 09-13-2011 04:45 PM
الصوت (قصه متجدده بقلمى الخاص) تامر على الطويل قصص - روايات - حكايات ...منقولة 21 08-18-2011 05:08 AM
نسيت الماضى وفتحت صفحة جديدة امام عينيك(بقلمى) be with me قسم الخواطر - وهمس القوافى حصرى بقلم الأعضاء 14 04-04-2011 05:39 PM
يَ آلله : عسى ساعات اللقا بك قريبه sms-mms غزاوية وافتخر منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي 1 02-17-2011 05:44 AM

مجلة الحلوة / مذهلة

الساعة الآن 12:51 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩