مقابلتى مع الرئيس ؟؟؟

[abo adhem]

السلام عليكم ورحمة الله وبركاته


ابدأ بموضوعى اليوم لعله ينال اعجابكم انا اشتركت به فى مسابقه الموضوع يعكس شعورى بقضايا الامه

الموضوع بعنوان مقابله مع الرئيس

السلام عليكم يا سيادة الرئيس انا عندى شوية اسئله لحضرتك وارجوا ان تجاوبنى عليها

الرئيس تفضل اسئل

اييه اللى بيحصل ده ياسيادة الرئيس حرب على الارهاب وحرب على افغانستان وحرب على العراق وحرب على لبنان وحرب فى الصومال وحرب فى السودان واجتياحات فى فلسطين ووجود عسكرى امريكى فى الدول العربيه كل ده ليه يا سيادة الرئيس

الرئيس ياابنى انتوا مش فاهمين حاجه
طيب فهمنى ياريس
الحرب على الارهاب ده ظهربعد تفجيرات 11 سبتمبر علشان يقضوا على اسامه بن لادن
طيب ياريس ماهما هجموا عليه ولم يقضوا عليه حتى الان
ياابنى متقاطعنيش
اسف ياريس تفضل
اصله هو هرب قبل ما يمسكوه
طيب تفتكر ياريس ان ممكن يكونوا سايبينه لغرض تانى
الريس ممكن كل شىءجائز
افادكم الله( وفى سرى متغاظ)
طيب وحرب العراق ياريس
ياابنى حرب العراق دى حكايه ملخبطه مره قالوا سلاح كيماوى ومره ارهاب والاخر طلع معندهمش حاجه واتارى الرئيس بتاعهم دكتاتور علشان كده همه دخلوا يخلصواالشعب منه
طيب ياريس لما دخلوا ناس كتير بتموت والبلد خربت والريس بتعهم لا دكتاتور ولا حاجه
الريس ياابنى انت ها تفهم احسن منهم
لا طبعا ( وسكت وعملت نفسى عبيط)
طيب ياريس حرب لبنان تقول اييه عليها بقى
الريس شوف ياابنى حرب لبنان دى بدأت لما اتخطف عسكريين اسرائيلين منعلى الحدود
ايوه ياريس انا عارف لاكن كل الدمار ده علشان اثنين
طبعا ياابنى انت فاكر اييه النفر عندهم غالى علشان هما قليلين
طيب ياريس اهو مات منهم كتير فى الحرب ايه لزمته الحرب بقى
يابنى انت ها تفهم اكتر منهم
لا طبعا( سكت وانا محروق دمى)
طيب ياريس ايه رأيك فى الوجود العسكرى الامريكى فى الدول العربيه
الريس شوف ياابنى العراق لما هجمت على ****************** طلبوا مساعدات وحمايه من الدول الصديقه وامريكا صديقه لكل الدول جريت بسرعه وحمت البلد وحمت السعوديه كمان
طيب ياريس اهيه العراق بقت مش تشكل خطر عليهم اييه اللى مخليهم لحد دلوقتى
ياابنى انت هاتفهم احسن منهم
لا ياريس( بدأت اجز على اسنانى) طيب ياريس الصومال والسودان
الريس لا دى مسائل بسيطه جدا ان شاء الله تتحل قريبا احنا مش ساكتين
طيب ياريس والاجتياحات فى الاراضى المحتله اييه رأيك فيها
الريس ياابنى ده كل يوم اجتيحات ويرجعوا تانى يجتاحوا ويرجعوا تانى
لاكن احنا مش بنسكت بنشجب وندين ونستنكر ونحتج
عظيم ياريس وده كفايه ولا تسيبوا الناس تروح تجاهد
ياابنى تجاهد اييه بس انتوا مش فهمين حاجه
طيب فهمنا ياريس
وقتك انتهى ياابنى ان شاءالله فرصه تانيه اجوبك على كل اللى انت عاوز تعرفه
شكرا لك ياريس على وقتك الثمين
خرجت وانا متغاظ وعامل نفسى مش فاهم حاجه انا فاهم بس بستعبط
آ ل مش فهمين حاجه آ ل ده احنا فاهمين كل حاجه بس مش عرفين نتحرك مكبلين ومربوطين ومكممين ومعصوبين الاعين
اللهم فك كربنا واعز الاسلام والمسلمين وانصرنا على القوم الكافرين اللهم لا تأخذنا بما فعله السفهاء منا
اقول قولى هذا واستغفر الله لى ولكم والسلام عليكم ورحمة الله وبركاته
بقلمى
اخوكم ابوادهم

[الفراشه]

هههههههههههههههه
مشكور يا ابو ادهم
الريس ماشي بقاعده خير الكلام ما قل ولم يدل

[فتى المدينة المنورة]

كلامك واسئلتك في الصميم

لاكن الاجوبه ؟


الله يصلح الحال وانا اخوك

[Mission completed...done]

ههههههههه تسلم ايدك مع انى مليش فى السياسه خاااااااالص ياعنى لو قولتلى مين اللى بيحكم امريكا مش هاعرف ههههههههههههههههههههه انا بهزر اكيد بوش بس انا فعلا مليش فى السياسه بس الموضوع شدنى اووووى تسلم ايدك ........
تقبل مرورى واحترامى
اخوك الصغير
AhMeD

[كريم الشاعر]

تقمصك للشخصيات فى الحوار نال إعجابى

لكن كان لى تحفظ بسيط

ألا وهو .. تقصمك لشخصية رئيسنا فقط

لو تقدر أخى إنك تدعم الحوار بمجموعة رؤساء الدول العربيه

يعنى أقدر أقول إنك فتحت لى باب لفكره ..

طبعا إنت فقط إللى تقدر تتقنها لكونك أكثر خبره

الفكره وهى :

حوار يجمعك برؤساء الدول وليكن فى جامعة الدول العربيه

أتمنى أن يكون قد راقك ردى

تقديريـ،،،،،،،،،،،،،،،،،،،،،،،،،،،،

[نزف الذكريات]

كلام جميل أوى أوى

بس لى سؤال ؟؟؟

ده أنهى ريس بظبط ؟؟

ياترى !! اللى متعلقه صوره فى الوزارة والادارة والطوقات وحتى على باب العمارة

ولا ياترى !! اللى ابنه مشارك على محطه البنزين اللى على الدائرى

ولا !! الكبير كبير وصاحب القوة العسكرية وميتم الارامل وفاطم قلوب آمهاتنا

ولا !! عم صفوت بتاع الفرن اللى جانبنا واللى بيتحكم فى الخلق علشان رغيف العيش

ولا !! الدكتور الجزار ،، لسمح الله ده مش جزار ولا حاجة ،،، ده مجرد اسمه بس

ولا !! مين ولا مين ولا مين ،،، ياريت أقدر أتكلم وياريت حد يجاوبنى


أخى الحبيب / ابو ادهم



أخوك / نزف الذكريات

[abo adhem]

الغاليه فراشه والغالى احمد والغالى فتى المدينه شكرا جزيلا للمشاركه وحسن ردكم
ابو ادهم

[abo adhem]

الغالى كريم الشاعر والغالى الجديد معنا نزف الزكريات اهلا بك معنا ياغالى منور المنتدى وسعدت بوجودك معنا ومشاركتك الجميله
انا هنا يا اخوانى لم احدد اى رئيس بين طيات كلماتى تجدوا الاجابه
هذا يا اخوانى حال كل حكام الدول العربيه كلهم يشجبوا ويستكروا ويدينوا يعنى الكل واحد
طالما وصلنا الى هذا المستوى من الاسخفاف بعقولنا ولم يظهر على الساحه حاكم واحد يعلوا كلمت الحق ويرفع راية الاسلام
اذن الكل مثل بعض واترك مساحه للاعضاء للمشاركه
اعزكم الله وبارك فيكم
ابو ادهم:1:

[خلود]

يسلموا ابو ادهم على المقابلة الرائعة

تقبل مروري و احترامي

[اميره القمر]

اللهم فك كربنا واعز الاسلام والمسلمين وانصرنا على القوم الكافرين اللهم لا تأخذنا بما فعله السفهاء منا
الله ما آمين
يسلموووووووووو ابو ادهم ووووووووووووو
موضوع غايه فى الروعه
سلمت يداك
تقبل شكرى وتقديرى
دمت بود