خلع شحاتة السماعة تمهيداً للجائزة فتوج رايفيتش بلقب أفضل مدير فني

[ღ Gի๐sτ ღ]

تنافس المصري حسن شحاتة مع الصربي ميلوفان رايفيتش علي لقب أفضل مدير فني داخل القارة الأفريقية قبل أن يحسمها الأخير لصالحه.

ونقلت عدسات التليفزيون تأهب المديرين الفنيين لسماع أسم المدير الفني الفائز ، وشوهد شحاتة وهو يقوم بخلع سماعة الأذن استعدادً لاعتلائه المنصة في حال فوزه باللقب ، قبل أن يُعلن مقدم الحفل فوز المدير الفني الصربي.

وتنافس الثلاثي المكون من السنغالي لامين نداي فاي المدير الفني لمازيمبي والصربي ميلوفان رايفاتش المدير الفني السابق لمنتخب غانا و المصري حسن شحاتة المدير الفني لمنتخب مصر ، علي لقب أفضل مدير فني داخل القارة السمراء قبل أن يحسمها الصربي لصالحه.

وأُقيم حفل الإتحاد الأفريقي لكرة القدم بالقاهرة لتوزيع جوائز الأفضل داخل القارة وسط اهتمام عالمي وأفريقي كبيرين ، وصبت الكثير من الترشيحات في صالح المدير الفني المصري لنيل شرف أفضل مدير فني داخل القارة بعد تحقيقه لقب بطولة الأمم الأفريقية للمرة الثالثة علي التوالي.

[وهج الايمان]

مرسي للخبر

[M@HMOUD]

المفروض يعنى ان حسن شحاته هو اللى يخدها مش حد تانى؟

[شــمــووخ]

هاردلك لحسن شحاته
وبصراحه رايفيتش يستحق لانه صنع فريق قوي من مجموعه من اللاعبين الصغار.
من وجهة نظري النجوم الكبار في منتخب مصر هم اللي ساعدو المدرب .
يسلمـــــو

[ღ Gի๐sτ ღ]

اقتباسالمشاركة الأصلية كتبت بواسطة M>I>D>Oالمفروض يعنى ان حسن شحاته هو اللى يخدها مش حد تانى؟


وجهة نظرى انا لو بالحق ,

لايستحقها

حسن شحاتة كان بيلعب بالنجوم الكبار واللعيبة كانت بتساعدة , ولما اللعيبة دلوقتى مستواها نزل

مبقاش عارف يعمل ولاتكتيك ولاخطط ولا اي حاجة يغير بيها الاداء وبقى المنتخب فى النازل

+
انجازاتة اية ؟ كاس امم افريقيا 2010 فقط والخسارة من النيجر والتعادل مع سيراليون ومتزيل المجموعه

-----------------------------------------

غانا

مدرب جاب لعيبة كلهم شباب لا احد يعرفهم مع عدد من لاعبى الخبرة وصنع فريق المستقبل باداء عالمي مع اي فريق والكبير قبل الصغير

انجازات

نهائى كاس امم افريقيا , واداء المدرب بعيدا عن النتيجة بفوز مصر , غانا كانت الاحسن سواء فى المباراة امام مصر او فى البطولة عامة

الوصول لدور ال 8 بكاس العالم وكانو علي الوصول للدور قبل النهائى بس خرجو بسبب ان اسامواة ضيع ضربة الجزاء فى اخر دقيقة بكرة كانت جول اصلا بس خرجها سواريز بيدة

وفى النهاية خرج بركلات الترجيح واداء عالمى

قارن انت بين واحد نهاي افريقى ودور 8 بكاس عالم واداء عالمى فى كل حتة وكل مكان

والتانى خد النهائى فقط بفضل الله ثم قوة اللاعبين , ولما اللعيبة مستواهم بقى فى النازل المدرب لن يفعل حاجة

ودة اللى بيبين الفارق

في مدرب يكسب لان اللعيبة مساعاداة ودة من وجهة نظرى اللى كان لحسن شحاتة

ومدرب تانى ياخد فريق لسة كلو جديد ولايوجد فية نجوم , وصنع منة فريق تاريخى ودة اللى حصل مع غانا من مدربهم

والانجاز عامة انجاز غانا احسن طبعا

دليل علي كدة

انتو هنا فى مصر لما الجوهرى وصل كاس العالم خليتو احسن مدرب فى تاريخ مصر

فما بالك اللى وصل بدور ال 8 واحسن انجاز فى تاريخ افريقيا يخلوة ااية ؟


تسلم علي المرور