كلمتي مش هتنزل الارض ابدا .......علشان خاضرك هتنزل المرة دي ....؟

[ماتركس]

السلام عليكم ورحمه الله وبركاته

صــــــــــــــــــباح الخير عليكم

وجمعه مباركه وسعيده عليكم يارب

انا النهارده جايب ليكم مووضوع صغير ويارب ينال اعجابكم

ونشوف اقلامكم الامعه التي من غيرها لايتحلي المووضوع

هوه موضووع بسيط عن المراه اللي متحكمه في زوجه

أنا مبتكلمش هنا عن المراة اللي أجبرتها الظروف الطلاق وفاة الزوج سفر الزوج

على أن تكون هيه المسئولة عن البيت وتتحمل مسئولية الأسرة كاملة

ومسئوله عن الاطفال والمصاريف وكل صغيره وكبيره في البيت

بس مهما كان المراه تتمني اني يكون زوجها موجود جنبها وهوه يشيل كل الهموم من علي كتفها

ولكن الزوجه بتصبر وتكافح علشان خاضر المعيشه وعلشان خاضر اولادها ودي سنه الحياه

وتفرح دايما لما تكبر اولادها ووتعلمهم وتوصلهم لبر الامان

بس انا اليوم جاي اتكلم عن المراه اللي بيبقي زوجها معها في البيت

وظروفهم كويسه ومفيش حاجه تجبرهم علي اي ظرف من الظروف انو يغيب عنها زوجها

ولكن لاحظت حاجه ماشيه اليومين دووال في الزمن ده

وهوه التقليل من قيمه الرجل في معني الرجوله

لما تلاقي المراه هيه اللي متحكمه في كل حاجه في البيت والراي رايها

والشوره مشورتها يعني هيه بمعني الصح هيه الراجل في البيت

طبعا في الحظه دي هيبقي قدامها زوجها المنكسر

اللي هوه مفهوش فايده وكلمته مش بتسمع والمراه مش عامله ليه اي حساب انه راجل البيت

طبعا كتير جداا بتبقي رجاله راضيه بلمووضوع ده

وبرضوه كتير جدا بنلاقي زوجات راضيه علي الموضووع ده

طيب ايه ذنب الاولاد واطفالهم

دلووقتي لما الابن الصغير لما يلاقي ابووه بيتشتم ويتهان من امه

والا الابن الصغير لما يروح يتحامه في ابوه

وتيجي امه ممكن تضربه هوه وابوه

ياتري ايه ضعف الشخصيه عند الرجل يا تري هيه طيبه منه زياده عن اللزوم

ياتري علشان الواحد ميبقاش زي الراجل ده منبقاش طيبين معا ازواجنا

ولازم نوريهم العين الحمراء علشان الزوجه متخدش قكرسي العرش مني

ياتري ممكن الموضوع ضعف الشخصيه عند الرجل ممكن يسبب مشاكل لااولادهم

ممكن الاولاد يتئثرو بالمووضوع ده

ويا تري ايه اللي بيخلي الزوجه تعمل كده وتقلل من شأن زوجها من قدام الناس

وايه رايكم في الراجل اللي يتعمل فيه كده ويسكت

وايه رايكم في الزوجه دي اللي بتعمل كده

اسئله كثيره تروادني في فكري

انا لااربطكم بنقاط النقاط لكي تسهل النقاش حول الموضووع فقط

موضووعي بسيط جداا حول ايه سبب ضعف الشخصيه عند الرجال

وايه المستنج منه

وايه الحل

اسيب ليكم النقاش مفتوح لكي نتناقش ونتثامر حول الموضوع ده

اخووكم في الله

احمد الشريف

مـــــــــــــاتركس

بقلمي

[بنت اخر روشنة]

صباح النور انا من رئي انا الراجل بقي في مجتمعنا ده معندوش شخصية لما الشاب يمشي في الشارع وبياكل لبانة ولا مسقط البنطلون يبقي الولد مشي مع اخته اوخطبته متبقاش عرف تفرق ما بنهم يبقي لزم مراته هتتحكم فيه
تسلم الايادي

[AHMED SEVEN]

شوفت يا ماتركس خاليت واحدة روشة تتكلم على الرجالة غلط ....واللى انتى بتتكلمى عليهم انا محطهمش فى بند (الر....) اصلا مينفعش
اولا موضوعك رائع ومميز جداا .. انا على فكرة ضحكت فى نص كلامك لما قولت .. (دلووقتي لما الابن الصغير لما يلاقي ابووه بيتشتم ويتهان من امه والا الابن الصغير لما يروح يتحامه في ابوه وتيجي امه ممكن تضربه هوه وابوه ) وفيه كده فعلا مش هقولك لا .. لاكن مش للدرجة العكس هو الموجود ان فيه رجالة مفترية كتير وبتضرب زوجتهم ....... واشمعى يوريها العين الحمرا ليه مش العين الزرقة مثلا ... عشان يعمل عفريت ويخوفها يعني هههه.....الراجل مش محتاج ولا يحمر عين ولا ويسلوق بيضة الراجل بشخصيته اهم شىء فى الرجل الشخصية ... الراجل ضعيف الشخصية هيتمرمط فى الزمن ده ... البنات والستات دلوقتى ماشاء الله مش سايبين شغلة غير لما تلاقيهم شغالينها .... الراجل اللى مراته تضربه والله ده راجل يستاهل الضرب بالجزمة سورى للفظ ده بس هو ماينفعش يتقال عليه غير كده ولا حتى هتهاون معاه ده مكانش اتجوز احسن ..وهى علشان جوزها غلبان تضربه وقال ابنها يجى يتحامى في ابوه تضربهم هما الاتنين ههههه ....... انا هتجيلى جلطة وانا قاعد .......... ماتركس ماتشمتش فينا العدوين .... وموضوع كلمتى مش هتنزل الارض ابدا وشغل عبد الفتاح القصرى ده ...زى ما كان فيه كده زمان فيه كده دلوقت ..........

شكرا ماتركس على الموضوع الرائع تسلم الايادى دمت بود

[هزوره المصريه]

أخى العزيز أحمد
صباح الخير والتفاؤل والله موضوعك مهم جدا
وموجود بس بتختلف من رجل لأخر أن عن نفسى عمرى
ماأحترم رجل مراته بتضربه دى أهانه لأسم رجل أوكى
أما هما مش كلهم كده بتا حسب البيئة والتربيه فى رجل أتربى من
أهله على التهزيق وأنهم يقولوا دا طيب
وعلى نياته هو ده لما يتجوز واحد فعلا هتبهدله
متنساش قول أن كيدهن عظيما لاء وايه معاها
راجل سورى فى اللفظ اهبل أما رجل أتربى على
كبرياء كرامته ده بيكون مختلف تمام بيقدر يحافظ
على أسره سعيده لأنه بيكون مميزا بالعقل من الاول
فابيقدر يحكم مراته وبيته وهو ده الرجل المثالى بالنسبة لأى بنت أوست عموما
فى نوع ثالث من الرجاله المتوحش طول ماهو
قاعد نازل تلطيش فى مراته الغلبانه ليه بقى
برده بيبقى أخذ على كده من صغره وخلقه على أده
وعصبى جودا وده بكــى مراته لو طالت تقتله مش هتتأخر
فاالمشكله حلها أن كل أسره تربى أولادها على مبادئ
الرجوله علشان المجتمع ينصلح حاله
ومش نلقى واحد مدشدش نقوله من ايه يقول
وقعت على السلم وهو فى الاصل أكل حتة علقه من مراته
لما متكسر ههههههههه
شكرا يااحمد على موضوعك الراائع لكـ من وافر تحياتى

[دمعه حائره]

البعد عن ربنا واتباع سنة رسوله
والاقتداء بزوجات الرسول
هوا سبب المصايب دى
الرجال قوامون على النساء
والراجل هوا اللى بيفرط فى شخصيته
ماحدش بيضيعها غيره
ايه اللى بيحصل فى الدنيا
فين القدوة الاب
هوا القدوة لولاده
وبضياع القدوة ضاع الولاد
وبقت كل حاجه متلخبطه فى دماغهم
الست مهما كانت مستقويه لوجوزها
شخصيته قويه هايعرف يخليها تحترمه
لازم الرجل يرجع تانى ليه هيبته فى البيت
والكلام اللى بتقوله ده ماتركس
مش منتشر قوى دى حالات نادره
ومش حكايه كلمة مين اللى تمشى
دى حياة مشاركه بين اتنين لازم يتفقوا
واى مشاكل تكون بعيد عن الولاد
اشكرك ماتركس موضوع رائع
تحياتى

[حياتي ذكريات]

السلام عليكم

ما بحبش الراجل اللي مراته بتتعد تتحكم فيه
ويكون عامل زي قطعه أثاث في البيت مراته تقوله كلمة
توديه وتجيبه فيها !!
بحسه ما عندوش شخصية وبيذل نفسه كتير
أحلى ما في الراجل شخصيته وهيبته
بس اكيد مش الشخصية الطاغية الظالمة
قصدي الشخصية اللي بتجبر اللي قدامها على احترامها
يعني لا تكون شخصيته مهزوزة او شخصيته ظالمه جدا
التوسط في كل حاجه حلو واحنا دين الوسطية
والنقطة اللي ذكرتها ان عيالهم هيكونو عاملين ازاي
اكيد شخصيتهم هتكون ضعيفة
لانهم هيلاقو ابوهم بيخاف من امهم بيبقى اكيد موقفهم هيبقى نفس الحكاية !!


شكرا ليك على الطرح يا ماتركس
خالص ودي وتقديري ليك
دمت بخير

[فرولة]

اولا مساء الخير عليكم جميعا
ثانيا بجد انتا فتحت موضوع كويس جدا وفعلا محتاج يتناقش
اول حاجه الاخت الفاضله اللى بتقول شباب مسقط البنطلون وعامل فانكى وكده مع احترامى لرأيها الحكايه دى مش جديده ولا لسه ظاهره دلوقتى دى من ايام فيلم حنفى اللى هو ابن حميدو وبجد بجد موضوع ينرفز جدا
لان المفروض الست تبقى ست بمعنى الكلمه تبقى رقيقه وتعيش زى مبيقولو بالبلدى كده تحت جناح جوزها مش هو اللى يعيش تحت جناحها لازم بجد الست تتشكم من الاول لان الست لو لقت الراجل طيب ومبيكلمهاش بتتمادى فيها وبيحصل اللى انتا بتقول عليه ده يعنى كانت رزان مغربى بتقول انا احب الراجل اللى اقوله صباح الخير يدينى بالقلم على وشى علطول انا بقولها لا لازم الراجل يكون وسط يعنى ميكونش سورى دلدول وميكونش عنيف ليه منعش سوا تحت مسمى الاحترام يعنى الراجل يحترم الست والست تحترم جوزها وبدل مواحد يمشى التانى على كلمته يبقى رأينا مشوره بينا وبين بعض
اما بالنسبه للراجل اللى بيحصله كده ده بيبقى بسبب انه راجل طيب جدا او بيحب مراته لدرجة انه بيخاف يزعلها او يقولها لا لتسيبه وبقول لاى ست جوزها بيحبها للدرجادى ده مش جزاء الانسان اللى حبك لازم ترفعيه ويبقى تاج راسك وتحبيه وتحترميه مش تستغليه
انا بالنسبالى احب اكون متفاهمه انا وشريك حياتى احب انه يكون جناحى اللى يضللنى وضهرى اللى اتسند عليه لانى مهما حاولت اتفرعن انا فى الاخر ست مخلوق ضعيف جدا الهوا بيسيب فيه اثار مبيمحيهاش غير الزمن احنا كده دمعتنا قريبه جدا واحب لما تنزل جوزى يمسحهالى بحنان مش علشان خايف منى لا علشان بيحبنى وميقدرش يشوف دمعتى بجد مقدرش اتحمل اعيش مع انسان بيعمل كل حاجه علشان خايف منى لا

[همسه الجوارح]

السلام عليكم ورحمة الله وبركاته


عادى ياماتركس علقه تفوت ولا حد يموت

اولا لو الحياه اتبت بالصوره دى صدقنى هنبقى مهزله للجميع الخلق

لو فيها كلمتى وكلمتك هتبقى مشاكل طول العمر لازم تفاهم لا عين حمرا ولا صفرا لكن عين محب لاهله الراجل لمراته والست لجوزها عين التفاهم اللى يستخدمها الراجل ليعبر بيها لزوجته عن اللى محتاجه من غير ماينطق

والست اللى تحترم فسها هتحترم جوزها واتقدره طول ماهو مقدرها


موضوع جميل طبعا زى ماعوتنا دايما

[فيروزه]

	مساء الخير وجمعه مباركه عليك يارب والله موضوعك مهم اوي ياااحمد بس انا اصلا مش بتحترم الراجل الي مراته هي الي تمشي عليه كلمتهاا لاوتضربه كمــــــان لا خير خير اوووي ال تضربه ال سوري يبقا راجل عبيط ويستاهل الي بيحصله علشان هو لو عارف يحكمها ويخليهاتحترمه تعمرها ما تفكر تعمل الي هي بتعمله دااا انا شايفه ان اساس اي علاقه بين اتنين الاحتــــــرام لو الاحترااام دا قل بس يبقا الدنيا هتخرب ازاي بقا لو مفيش احترااام من اساسه ! يبقا مالهاش لازمه يكملووو مع بعض علشان اكيد مش هينفع الولاد هتبقا شايفه والدهم بيتهزق يبقا مايستناش منهم اي احترام ليه بعد كدااا موضوعك مهم اوي تسلمـ ع الطرح

[قلـــــــــــــــــم]

بختصار يا ابوحميد


الراجل الي زي ده اشرف له يدفن نفسه بالحيا


على الاقل يبقى عنده ذرة كرامة


اي إمرإة تتمرد كبيرها

جمله تربيها بيها



على بيت ابوك الي ما عرف يربيك


ولو ابوها ما عرف يربيها

تطلق

والي خلقها خلق مليار منها

لا عمر الرجل الصح يقف على ست مهما كانت


تسلم على الموضوع هههههههههههههه


دمت مميز

اخي احمد


تحيتي اليك