Live It Right

[ĶǎnDO̳̿uChǎ ツ]

فكرة رااااائعة و جميلة جدا
وطريقة طرح مميزة
في انتظار اول حلقة
...
تقبلي تحياتي
ن
و
د
ي

[misho]

اقتباسالمشاركة الأصلية كتبت بواسطة هزوره المصريهفكـــره جونــان يـاشوشو
فــى أنتظــار الحلقــه الأولــى بالهفــه
تقبلــى وافــر تحيــاتــى

ميرسيي يا قمري علي التواجد
تابعينا النهاردة ان شاء الله

[misho]

اقتباسالمشاركة الأصلية كتبت بواسطة nody1فكرة رااااائعة و جميلة جدا
وطريقة طرح مميزة
في انتظار اول حلقة
...
تقبلي تحياتي
ن
و
د
ي

منوراني يا نودي
تسلمي يا قمري

[حنـــــون]

فكره جميله ياشوشو

منتظرين اول موضوع

[misho]

اقتباسالمشاركة الأصلية كتبت بواسطة حنونفكره جميله ياشوشو

منتظرين اول موضوع

ميرسيي يا حنون
تابعي معانا اول حلقة النهاردة
ان شاء الله

[مان مصر]

فكـــره جديده ياميشوا
بالتوفيق منتظرين الحلقة الأولى

[misho]

اهلا بكل اعضاء المنتدي
في اولي حلقات برنامج
live it right
عيشها صح,,,

موضوع اليوم بعنوان
<<تغيير العقل,,,لا المكان>>
كتير من شبابنا النهاردة بيقابل مشاكل كتير في حياته و بيفشل في حاجات كتير,,,
و بتقابله حاجات صعبة بيقف قدامها عاجز و مش لاقي حل,,,
مثلا دة شاب اتخرج من كلية محترمة المفروض يبقي مستقبله كويس زي ما كان بيحلم
بيدور علي وظيفة تناسب دراسته وحياته,,,للأسف تعب من البحث ومش لاقي وظيفة و جاله اكتئاب
و مبقاش عنده أي أمل في اي حاجة
و دة شاب عايش في مجتمع,,,هو رافض النظام الي فيه وحاسس انه مش قادر يعمل حاجة او بمعني اصح مش هيحاول
لانه عارف النتيجة!!!!
و دة شاب لسة بيدرس ونفسه يعمل حاجة في حياته لما يتخرج,,,لكن بص حواليه
لقي شباب مش لاقية وظيفة وقاعدة علي القهوة
و لقي شباب بيشتغل حاجة غير اللي درسها طول حياته
و لقي شباب بدأ سنها يكبر ولسة محققش اي حلم بجد من احلامه
و بدأ تفكيره ياخده في حتة تانية خالص علشان يهرب من مصير هو حاسس انه هيقع فيه
كتير من شبابنا اليومين دول بتقابله لحظات بيضعف فيها لأي سبب من الاسباب
سواء في شغل او مشاكل اجتماعية او حتي سياسية
في اللحظات دي بيبقي عايز يهرب من كل حاجة ,,,يبدا تفكيره ينحصر في حاجة واحدة
انه يهاجر من المجتمع دة,,,
ويحلم انه هيقدر ينجح في مجتمع تاني غير اللي عاش فيه
فيربط الشاب ما بين نجاحه وما بين تغير الظروف اللي حواليه والمكان,,,
ولكن,,,,,سؤالي ليه>>هل دة كافي انك تنجح؟؟؟؟؟
انت عايز تغير بيئتك والمكان والظروف اللي حواليك
لكن,,,هل غيرت عقلك؟؟؟هل غيرت تفكيرك؟؟؟
دة الأولي بيك انك تبدأ بتغييره,,,
لو عقلك فضل معاك مش هيفيدك التغيير في اي شئ,,,لازم تغير نظرتك للأمور
وتغير فكرة ان تغيير المكان هيكون السبب في نجاحك
و لما تبطل تربط ما بين ظروفك في الحياة وبين قدرتك علي العطاء والنجاح والانتاج
وقتها هتنجح وهتتغير فعلا,,,
لكن في كلمة حق لابد ان تقال,,,
ان في كتير من الاحيان تغيير البيئة بيكون عامل مهم في حياة الشاب,,,
مع عدم الانكار انه احيانا كتير بيكون حجة علشان نهرب بيها من واقع بنعيشه و نهرب من مواجهة ظروف الحياة
اللي عايزة اقوله ان التغيير بيبقي من داخل الانسان نفسه مش في الظروف اللي بتحيط بيه
لان الانسان هو نتاج افكاره ومعتقداته,,,
لو كل شاب اقتنع ان في عقله يملك الافكار التفائلية والافكار التشاؤمية
و انه بأيده انه يغير تفكيره وعقله ويمحي سوداوية تفكيره
و يقتنع ان من عقله بينشأ سلوكه,,,هيغير كتير جدا في حياته
لو بعد الفشل والتفكير فيه و توقعه عن دماغه,,,
وركز في قدرته علي النجاح وأمن بقدراته
من غير ما ينتظر انه يغير زمان ومكان,,,
سيفعل الكثير والكثير,,,
فلنغير من افكارنا ومعتقداتنا ونثق أكثر في عقولنا
لنصبح ايجابيين في مواجهة الحياة في اي مكان او زمان
تحياتي,,,
misho

[SiLver Spectra]

نصائح حلوة يا ميشو
بنسمع كتير عبارات غير حياتك
بس الواقع اصعب كتير من العبارة
و في نفس الوقت إلي عايز مش هيحس بصعوبة قراره

شكرا للنصائح يا شوشو
بالتوفيق في الحلقات القادمة

[مان مصر]

نصائح جميله يا ميشو
بس تحقيقها فى الدنيا هو اللى صعب ان
الواحد منا بيقول كتير بس الفعل ممكن فى
اوقات كتيره بيبقاصعب علشان البيئه المحوطه
بيه وظروفه
شكرا ليكى وبالتوفيق ان شاء الله

[هزوره المصريه]

الســلام عليــكم

تحيـــاتــى يـا شوشو علــى الطرح الرائع
والمميز والهادفـ فعلا الشبـاب اليومين دول
بيغلبهم الأحبـاط من العوامـل السيئـه الموجوده فـى المجتمع
وكتيــر بنستمع لنصـائح بس صعب تحقيقهـا فـى الزمـن ده
زى ماأنتى قولتى بنتعب ونتعلم وفـى الأخر مفيش فرصة عمل كويسه
تناسبنا علشان كده مفيش تفاؤل ربنــا يسهل لنـا جميعـا وينصلح
حالنـا علشــان نقدر نغير فكرنــا وتتحسن أنفسنــا ونقدر نفيد نفسنا وبلدنــا
لكــى وافر تحياتى