تفسير حلم ،،،

[Rona el Tota]

السلام عليكم ورحمه الله وبركاته
انا مش عارفه اذا كانت كتابتى للموضوع ده فى محلها او لا
بس بتمنى الاقي اجابه للحلم اللى حلمت بيه
انا امبارح حلمت ان سنه وقعت من سنانى
كانت السنه اليسرى فى الفك العلوى
وقعت لما كنت بمتحن فزيا
بعد مخلصت الامتحان
ومستر العربي قعد يهدينى ويقولى بكره هتتزرع واحده
تانيه وتكبر
وفعلا اخر اليوم لقيتها كبرت وطولت اوى
وكل اللى يشوفنى يقولى لو سبتيها اكتر هتطول اكتر
الحقى روحى للدكتور
وانا كنت عصبيه جدا على صحبتى
وقعدت ازعقلها واقولها يللا نروح<<اصلها رغايه اوى وكانت فاتحه حديث مع عيال سيس كده
:Argentina-flag:
اه وكمان السنه كان فيها دم لما وقعت
بس انا مش فاكرة مسكتها بايدى ولا لا
وصحيت على ادان الفجر
وكنت مصليه العشاء قبل منام
ياريت لو سمحتوا اللى عنده تفسير للحلم يقولى
انا تعبانه اوى

[~♥ Queen sozan♥~]

السلام عليكم ورحمة الله وبركاته

بصراحة جداااااااا
معنديش اى تفسير هههههههه
بس قولى خير ان شاء الله يعنى

وان شاء الله تلقى حد يفسرو ليكى

[مشتاقه للجنه]

تفسير رويا الاسنان وهى داله على أهل الانسان

فالعليا هم رجال أهل البيت والسفلى هم النساء

وزياده طول الاسنان دليل على قوه ومال أهل البيت

وعلى العموم يا رونا كما تقولين

اقتباس اه وكمان السنه كان فيها دم لما وقعت

فهى اتغاص أحلام :Argentina-flag:


لان ظهور الدم بالحلم يفسد الحلم

فلا تخافى واستعيذى بالله من الشيطان الرجيم

والله أعلم ..

[SiLver Spectra]

انتي مش عارفه دلوقتي ان بقى في تخصص أسنان احلام
ممكن اي دكتور يفيدك ويعالج سنتك في الحلم ههههه
شوفي انا شخصيا مش بؤمن بالأحلام لأنها في الغالب زي ما تقولي خرافات العقل الباطن
أنا كتير كان بيجيلي حلم الثانوية العامة هو إني أذاكر مادة و الاقي الامتحان لمادة تانيه
أو الامتحان طويل و الراجل عايز يسحب الورقة و لسه مش خلصت نصه!!
أحلام كدا كانت بتخليني ارفص في السرير هههههه

اصل احنا مش لسه عايشين في القرون الوسطى و يلا فسرلي الحلم و الغيبيات و أمور عامله زي الفانتازيا
دا رأي في النهاية
حد بيؤمن بيها فهو حر
بس هي في الاخر خرافات عقل الي بينتقل من فترة اليقظة إلى العقل الباطن
بس على فكرة العقل ليه قدرات هايلة..يعني بيصنع الحلم بشكل متقن جدا لدرجة تفوق عقلك الواعي
يعني ممكن عقلي الواقعي ما يقدرش يوصف تفاصيل زي عقلي الباطن في الحلم
و دا يدل على الاستخدام المحدود لعقولنا الواعية ..لما يقولك بنستخدم 9% من العقل ما تسغربيش و العقل الباطن هو الدليل