هسيبك ... كتبها / حسين حمدى

[حسين حمدى]

هسيبك
ايوة مش باقى على الى كان
هسيبك
وانتى فاكرانى فى كل مكان
نداله قولى او قولى ده شغل جنان
لكنى نويتها ياشاطرة
ومش ناوى اكون خسران
هسيبك عايشة لهدوءك
ماطبعك بان

ده قالوا الطبع فى الغالب
ضمير غلاب
ومش هرضى اكون صفحة
ولا كلمة فى اى كتاب
طباعك كلها واحد
وانا ماشى ومن عالباب
ومش هقدر على طبعك
ولا هقدر اكون كداب

ولو سألونى عن طبعك
هخبى كتير
وهحكيلهم على ذوقك
واقول دى اميرة بنت امير
ملاك شايل معاه بلطه
يرد الغلطه بالغلطه
أنا ماشى ابوس ايدك
كفايه الضغط والجلطه

[دمعه حائره]

كلمات برغم بساطتها
لكنها قويه كضربات قاضيه
ابدعت اخى كماتعودت
سلمت أناملك
تحياتى واحترامى

[حسين حمدى]

اقتباس المشاركة الأصلية كتبت بواسطة دمعه حائره كلمات برغم بساطتها لكنها قويه كضربات قاضيه ابدعت اخى كماتعودت سلمت أناملك تحياتى واحترامى

لازم تكون قويه
مش انا الى كتبها
ههههههههههههههه
مش غرور على فكرة دى بس دعابة
دمعة حائرة
شرفنى جدا وجودك
لكى منى كل التحية

[شموس]

ومش هرضى اكون صفحة
ولا كلمة فى اى كتاب
طباعك كلها واحد


كلمات فى منتهى الاحساس بجد
دومت مبدعا ولك منى كل الود

[حسين حمدى]

اقتباس المشاركة الأصلية كتبت بواسطة شموس ومش هرضى اكون صفحة ولا كلمة فى اى كتاب طباعك كلها واحد كلمات فى منتهى الاحساس بجد دومت مبدعا ولك منى كل الود

شموس
ميرسى جدا على التعقيب الشيك ده
ومنتظرك دائما ان شاء الله
لكى منى ارق التحية

[ست الملك]

ماكنتش شايفة الكلام كويس الدنيا حواليه بقت ظلمة والمطر عمال ينزل قلت ارد عليك قبل ماخرج زى العيال واطلع ايدى من الشباك وامسحى وجهى بماء المطر يمكن تغسل هموم او تمسح دموع او تشيل ااحزان اترامت عليه بفعل الزمن .
خلينا فى موضوعنا
كلماتك جميلة وهايلة وفيها قرار اخذته من زمان وكنت متردد عليه ولكن الفرصة سنحت لك الان
قرار موفق وألف بعد الشر عليك من الضغط والجلطة ان شاء الله اللى يكرهك بس لو حد سألك عليها بكلمة ياريت تقولهم حقيقتها انها انسانه عندها عزة نفس وكرامة وانها سمحت كتير بس حذرت من التكرار وانها مش خاتم فى يد سليمان !
تحياتى وربنا يوفقك فى اختيار افضل لك وتكتب لها كلمات تستحقها وانسى الماضى بها

[sokara]

ههههههههه
دائما انت متحامل على البنات
الغلطه بالبلطه هههههه
تسلم الايادى بجد اسلوب مختلف متميز للمبدع حسين حمدى
دمت بخير وفى انتظار جديدك
لكن ياريت كفايه كدا علينا
او نبدا بالهجوم من بنات المنتدى بالشعر
ههههههههههه
قطع فى البنات براحتك
لكن اكتب تعليق فى الاخر الاعضوات بنات مصر
ههههههه
تحياتى