شحاته يقرر استبعاد شيكابالا من حسابات الفراعنة نهائيا

[۩۩ elMagic ۩۩]

بسم الله الرحمن الرحيم

قرر الجهاز الفني للمنتخب المصري لكرة القدم بقيادة حسن شحاته استبعاد محمود عبدالرازق شيكابالا صانع ألعاب الزمالك من حساباته الفنية نهائيا وذلك بعد أن أعلن اللاعب اعتزاله للعب الدولي دون أي مبررات.

ورفض حسن شحاته المدير الفني للمنتخب المصري فكرة التهاون في هذا الموضوع من قريب أو بعيد ومن ثم فإنه أصبح خارج الحسابات الفنية للفراعنة حتى لو استمر في تألقه مع نادي الزمالك سواء في الدوري المصري أو كأس مصر.

وكان الجهاز الفني للمنتخب المصري بصدد ضم شيكابالا لقائمة الفراعنة في إطار الاستعدادات لخوض غمار دورة حوض النيل الودية التي ستقام خلال الفترة من الخامس إلى 17 يناير المقبل.

يذكر أن شيكابالا أعلن اعتزاله اللعب الدولي بعد أن قامت جماهير النادي الأهلي بسبه خلال لقاء القمة أمام الزمالك في اللقاء المؤجل بين الفريقين من الأسبوع الثاني عشر للدوري المصري لكرة القدم والتي انتهت بالتعادل السلبي.

[ღ Gի๐sτ ღ]

بالتوفيق للمدرب الكبير حسن شحاتة

والمنتخب لايقف علي شيكابالا ولا غيرة موجود محمد زيدان , وليد سليمان , جدو , ابوتريكة , عيد عبد الملك

واعتقد انهما كفاءة للمنتخب وربما اكثر من شيكابالا عطاء للمنتخب ودى وجهة نظرى

بس اتمنى طالما هو كان بيفكر فى شيكابالا , يفكر فى لاعب نص ملعب اللى هو حسام عاشور لانة احسن دفندر فى مصر وربما الوطن العربى

وطبعا شحاتة يختار اللى يختارة علي مزاجة طالما الراجل بيحقق البطولات بس نفسى ياخدو
لانة هايفيد المنتخب جدا

[۩۩ elMagic ۩۩]

نور يا حووووووده التوبيك
وبالتوفيق لمنتخبنا الوطنى

[بنت الجنوب]

مع احترامى الكبير للكابتن حسن شحاتة
بس ده كان قرار اللاعب حتى قبل اعلانة الاعتزال الدولى
هو الرفض تمثيل منتخب بلاده


تسلم على التوبيك

[M@HMOUD]

شيكا اعلنها قبل شحاته علشان عارف ان هو لو عمل ايه شحاته مش هايخده المنتخب
واحسن حاجه عملها شيكا والله

[ღ Gի๐sτ ღ]

بيتهيألكو ياميدو

ماهو المدرب خدة اكثر من مرة وكان بيهرب وخدة فى افريقيا

بس ليس اللاعب يلعب من اول مرة وانت عارف كدة واحدة واحدة

بعدين شيكابالا مستواة لن يعلى غير فى الفترة الاخيرة , وانت عارف اللاعب بيلعب فى المنتخب بعد مايكون مستواة عالى بفترة شوية

بيروح الاول احطياطى ومرة ورا مرة بيدخل بيلاقى نفسة اساسى

دليل علي كدة محمد زيدان رغم انة كان من احسن اللعيبة بس كان بيدخل وهو احطياطى لابوتريكة ومع مرور الوقت بقى اساسى
وشيكابالا لو كان رضى بانة يكون احطياطى كان هايجيلة اليوم وياخد الفرصة وهو جدير انة يثبت نفسة فيها

وانت عارف الكورة ماشية ازاي

لما يكون لاعب كبير فى مكان , اللى بييجى عليه صعب ياخدة من اول مرة

يعنى مثلا الحضرى وعبد الواحد

عبد الواحد كان كبير فى الزمالك ولما الحضرى راحلة معرفش ياخد مكان عبد الواحد بالساهل

وعبد الواحد لما راح المنتخب معرفش ياخد مكان الحضرى

يعنى بردو شيكابالا لسة بدرى عليه حتى ياخد مكان واحد فى المنتخب زي تريكة او جدو او زيدان

اتمنى تكون فهمت قصدى

[M@HMOUD]

كلامك صح
ولازم كل واحد يجتهد علشان يوصل للمكان اللى هو عاوزه