حلقات برنامج ( انا ضد الارهاب )

[morshooo]

اقتباسالمشاركة الأصلية كتبت بواسطة عاشقة الليل الحزينفكره حلوه يا احمد
واكيد متابعه معاك
بس فينك مختفى بقالك فتره
وبعتلك رساله مش رديت عليا
انت زعلان منى فى حاجا

اهلا بيكى يا عاشقة

اتمنى تتابعى معانا البرنامج

اشكرك على التواجد

[morshooo]

بسم الله الرحمن الرحيم

اهلا ومرحبا بكم

واولى حلقات برنامجكم

انا ضد الارهاب

كنت اتمنى ان يكون عام

2011

عام سعيد على المصريين ولكن فى ساعاتة الاولى

حصل العمل الارهابى الى كلنا حزنا من الى حصل

وكنت اتمنى ايضا مع حلول عام 2011

يكون اول برنامج انزلة ما يكونش عن الارهاب

ولكن قدر الله وماشاء فعل

البرنامج الى هنشوفة كلنا هيعبر عن الى جوانا

اتجاة هذا العمل القزر الى حصل الى راح ضحاياة

مواطنين ابرياء ليس لهم زنب فى اى شيء

فى بداية الحلقة تعالو نشوف بعض عناوين الاخبار

الى نزلت خلال الايام الماضية ومع بداية الحادث

عناوين الاخبار

انفجار سيارة مفخخة أمام كنيسة القديسين بالإسكندرية

سقوط قتلى ومصابين أمام كنيسة القديسين بالإسكندرية

مصادمات بين الأقباط والأمن عقب انفجار الإسكندرية

شاهد عيان: السيارة المفخخة مكتوب عليها "البقية تأتى"

مبارك يأمر بسرعة القبض على مرتكبى حادث الإسكندرية

مبارك: دماء الضحايا لن تضيع هدرا وسنهزم الإرهاب مجددا

النيابة تستمع لأقوال مصابى حادث التفجير بالإسكندرية

الإمارات تدين تفجير كنيسة الإسكندرية

****************** تستنكر العمل الإرهابى بالإسكندرية

البابا يقطع اعتكافه بدير وادى النطرون لزيارة المصابين

طبعا دى بعض عناوين الاخبار الى تابعناها الفترة الى فاتت

وطبعا واحنا بنشاهد الحلقة هنشوف عناوين اخرى

ودلوقتى تعالو نشوف ضيوفى قالو اية

عن الحادث القزر الى حصل

معايا ومعاكم

المتألقة : فــرح

المتألقة : روكة2

تعالو نشوف الحوار الرائع

س / فى البداية كل عام وانتم بخير بمناسبة السنة الجديدة ؟

وانت بالف صحه وسلامه اخي الفاضل احمد

وانت بصحه وسلامه وخير يارب

س / عايز اعرف شايفين 2011 ازاى ؟

انا عن نفسي الا املك الا ان اتفاءل بخير اعيشه في السنوات القادمه بأذن الله ..

ولا يعلم الغيب الا الله

اكيد هتكون فيها خير كبير بامر الله

وعوزه اقول كل يوم حلو بيعدى مش بيتعوض

فربنا يجعلها كلها فرح علينا وعلى امه محمد واخوانا المسيحين اجمعين

اللهم امين

س / كلنا شوفنا الاحداث الاخيرة فى كنيسة القديسين ؟ تقولو اية على الى حصل دا ؟

ما حدث في الكنيسه عمل وحشي لم ينزل به دين سماوي لان الاديان السماويه

مهما اختلفت في

تشريعاتها وعقائدها الا ان اتفاقها برز في جانب الرحمه الانسانيه ..

وما حدث امر لا ينكر مدا بشاعتة قلب عرف وعاش معنى الرحمة الانسانية ..

ولا نملك الا ان نستنكر ماحدث والدعاء للضحايا بالرحمه ولذويهم بالصبر والسلوان

اقول حسبى الله ونعم الوكيل فيهم

لان مفيش اى انسان سواء مسيحى او مسلم

يجيله قلب انه يئذى حتى اى حيوان

مش انسان

س / تفتكرو الى ورا العمل الارهابى دا حد مصرى ؟

ايا كان ورا هذه الفعله المتجرده من اسمى معاني الانسانيه

مصري كان او غيره فهو لا يستحق ان يوصف بالادمية ابدااا

ولكن كلمة حق تذكر في حق الاخوة المصريين مسلمين ومسيحين

فلم ارى اخوه جمعت بين مسلم ومسيحي كأخوة المصريين المسحيين ( الاقباط)

والمسلمين لذا ارى واعتقد بأن من ورا هذه العمليه

ليس ولا يستحق ان ينسب لبلد طاهر كمصـــــر ..

لالالالالالالالالالا طبعا

دول ناس مش تعرف الرحمه ولا تعرف ربنا

عوزين يعملو اى زوبعه بنا وبين اخوانا المسيحين

كرهين نكون ايد وحده

س / الفتنة الطائفية الى موجودة حاليا فى مصر ؟ تفتكرو اية هدفها ؟

الفتنة ايا كانت وجهة هذه الفتن مصر او غيره

فطبيعي هدفها هز استقرار امن البلد والتفريق بين ابناء الارض الواحده للقدره على

اضعافهم وبالتالي على السيطره عليهم ...

او قد تكون لجذب انظار الحكومه للشعب ومظهر من مظاهر قول انا هنا ..!!

ومن هذه الاسباب وغيرها قد تنشاء الفتن ..

تدمير مصر مش عوزين الامن ولا السلام ليها

واحنا هنثبت العكس ليهم بامر الله باننا نكون ايد وحده

س / لية تم العمل الارهابى دا فى الوقت الحالى ؟

مجرد تزامن مع ما حدث في العراق منذ شهرين

لزعزعه امن واستقرار الوطن العربي

فموسم احتفال المسحيين بأعيادهم منظر يستقطب اعين الارهابيين ..

وقد يكون هنا امر نجهله خلف هذا التوقيت ..!!!!

توقيت ممتاز علشان دخول سنه او عيد جديد على اخوانا

المسيحين يعنى انهم يعرفوهم ان المسلمين كرهنهم

مع العلم ان هناك جامع قدام الكنيسه يعنى عاوز يضرب عصفورين بحجر واحد

وممكن يكون انه رد فعل من اليهود لاكتشاف الشبكه الجاسوسيه لهم داخل مصر

فكان ده رد فعل ليهم والله اعلم

س / شايفين ان مصر مستهدفة من الخارج ؟ والا الاحداث دى داخلية ؟

اعتقد بأن ما حدث في مصر امر خارجي لان ما جمع وما زال يجمع الاقباط

المصريين والمسلمين

من حب وتأخي ومشاركات في الاتراح والافراح بغض النظر عن المعتقد الديني

امر ازلي وليس وليد اللحظه

لذا اعتقد بأنه امر خارجي بحت ..

بدليل انه يحصد ارواح الاقباط والمسلمين على السوا

استحاله يكون من داخل مصر ده تخطيط لى تدمير

الوحده القويه

بين المسلمين واقباط مصر

س / هو ممكن بعد كام يوم نسمع عن عمل ارهابى تانى ؟ بمعنى رد على الى حصل ونشوف عمل ارهابى امام مسجد مثلا ؟

لا يعلم الغيب الا رب الغيب والافضل الا نشغل انفسنا بغيبات

ونسأل عن اشياء ان تبدو لنا تسؤونا..

لذا فلنكتفي بالدعاء بالستر دائما وابدا ..

وليه مثلا ماهو بالفعل حدث هذا العمل الارهابى امام مسجد وكنسية ومات

فيها مسلمين واقباط

والسؤال دة يسير الجدل حول وجود رد فعل لانة اصلا مافيش مسؤل فيها مسيحى

كان او مسلم

المسؤال فيها ايد خارجية تريد التدمير

س / لو حصل وتم طلب من كل واحدة فيكم تقول كلمة لى اهالى الضحايا هتقولو اية ؟

ان الله فعال لما يرد ولا حول ولا قوة الا بالله

وليعلمو ان ما اصابهم لم يكن ليخطئهم وما

اخطائهم لم يكن ليصيبهم ..

ولا املك كمسلمه الا ان اعتذر للأخوة المسحيين اجمع وما حدث ابدااا لا يمثل الاسلام والمسلمين

بل هو امر عابث شيطاني يُنسب لديننا الحنيف ...!!

قلوبنا معاكم واكيد دم كل شخص توفى عندنا بمثابته

دم مسلم ربنا يصبركم ويصبرنا ويهون علينا وعليهم الصدمه

س / الاحتقان الى حاصل حاليا بين المسلمين والمسيحين ؟ تفتكرو مين سببة ؟

اعداء السلام بالخارج والداخل والاستعمار في ثوبه الجديد

لان الاستعمار سابقا كان يحتل الارض اما الان فالأحتلال يقع على ثقافات الشعوب ..

مش عارفه بس دول ناس دخيله ع مصر هما اللى بيعملو كده

عوزين يكون فيه بنا خلافات وكذا مره حولو بس

لله الحمد فشلو

س / انا شايف ان الاعلام والفضائيات ليها دور كبير فى الاحتقان دا ؟

دور الاعلام بيكمن في اشعال الفتن لا اخمادها

وكسب رزقه من اشلاء القتلاءوالشهداء ..!!

وانا هنا لا اعمم ولكن المتعارف عليه بأن الشر يُعم ...!!

معتقدتش بس اللى اعرفه ان الاعلام دائما بيقول

اننا ايد وحده دم واحد وقبل اى شئ

بلد وحده وهى

مصر

س / احنا امتى مش هيبقى فى فرق بين مسلم ومسيحى فى مصر ؟

عند اليقين بأن الدين لله والوطن للجميع ..

بالتاكيد لايوجد فرق بينهم بدليل وجود كلا منهم فى سكن واحد

فهو جارى فى السكن ...صديقى فى العمل ... فى المواصلات ...

فى الافراح فى الاحزان ...فى الشدة

وفى الفرج ....فى مطعم واحد ...فى مصنع واحد ....فى الرياضة ..فى السياسة..

ونروح بعيد لية فى الحروب ....والامثال كثيرة ....ولا تعد ...فاين الفرق اذن بينهم

س / كلمة تقولوها لى الشباب الى من جواة فى احتقان ؟

انتم امل المستقبل وحملة لواء اوطانكم بخيره

فتسلحوا بقوة الايمان ..

هقول حاجة بسيطة ....اخواتى فى الله ...فى حادثة الحسين فى الاعوام

السابقة ...وحادثة جامع الخزندارة

مين المسؤل عنهم برغم ان الضحايا كانو جميعهم مسلمين ...عمرنا ما شكينا ان يكون

ورائة مسيحى

وكنا على يقين انة عمل ارهابى لعين .... فلماذا الان نريد الفتنة بيننا ...

فهذا عمل ارهابى المقصود بية التفرقة ....

وعلى كل قبطى السيطرة وتحكيم العقل ...

س / كلمة تقولوها للمسئولين عن الحادث ؟

ولا تحسبن الله بغافل عما يفعلة الظالمين .

إن ربك لبمرصاد ....

المسئول مش هقول مسيحى ولا مسلم

المسؤل هو اللى انعدمت من قلبه الرحمه نسى ربنا

ونسى الدين


طبعا اشكر ضيوفى الغالين على مشاركتهم

وعلى ارائهم المميزة

والان تعالو نشوف

اسماء ضحايا حادث كنيسة القديسين

1_ بيتر سامى عز فرج (17 سنة)

2_مينا وجدى فخرى (29 سنة)

3_ مريم فكرى نجيب ناشد (22 سنة)

4_ لى لى جابر شنودة (59 سنة)

5_ مايكل عبد المسيح صليب (22 سنة)

6_ فوزى بخيت سليمان (58 سنة)

7_ محب زكى حنا الصلاباوى لم يتم التعرف على سنه

8_عادل عزيز غطاس حنا (50 سنة)

9_هناء يسرى زكى (23 سنة)

10 _ صموئيل ميخائيل إسكندر (52 سنة)

11_ تريزا فوزى جابر (54 سنة)

12_ سونيا سليمان سعد (54 سنة)

13_ سميرة سليمان سعد (25 سنة)

14_مارتينا فكرى بخيت (13 سنة)

15_ مارى حنا سيحة (59 سنة)

16_ عفاف عاطف وهيب (20 سنة)

17_ مارى داوود سليمان (25 سنة).

18 _ صبرى فوزى (45 سنة)

ويوجد 3 اكياس بها اشلاء أدمية

انتظرونى وضيوف جدد

وحلقة جديدة من

( انا ضد الارهاب )

تقبلو تحياتى

morshooo

[الملكة كيلوباترا]

حلقة روعة يامارشو
واختيار جميل
واجاباتروكة2 وفـــــــــــــــرح روعة جداا

[هزوره المصريه]

أولا الحلقــه جميلــه جدا ومبادره ناجحه ياأحمد
وثانيــا النجمتين المتألقتين أجاباتهم رائعه ومقنعه
ومسالــمه بس أختى فرح ختمتهــا بجملــة فعلا هى
خلاصــة الموضوع بل خلاصـه العمليـة الأرهابيــه باأكملهــا
وهى(ولا تحسبن الله بغافل عما يفعلة الظالمين إن ربك لبمرصاد )
تسلم أيدكـ يامورشوا وتحياتى الموفورة ليكـ وللضيفتــان
دمتـ ودام تاألقكـ وننتظر الحلقـة القادمـة بعـون اللــه

[ڪــــبرياء الروح]

والله الهدف انه الاهتمام وبعد الانتظار عن الخليه الارهابيه
وربما يكون عمل يهودي ليه لا؟؟


العلم عند لله

اما اننا نعتذر للمسيحيين؟؟؟؟
والله هذا ما اقبله
لاننا احنا برضه راح ضحايا مسلمين
اصلا اعتذارنا لهم

زي مانقول احنا عارفين
اسفين هم مسلمين
شي زي كدا



اللهم ارحم المسلمين جميعاً الاحيااااء والامواااااات

[M@HMOUD]

موضوع جميل واختيار رائع
منتظرين باقى الحلقات

[إسلامي]

قبل أن نعزي الإخوة المسيحيين ..نحن نعزي أنفسنا كمسلمين وعرب
فمن قتلوا إخواننا وديننا الإسلامي أمرنا بالتعامل الحسن مع الجميع ...
وصدقوني أن قاعدة وما قاعدة هذة إفتراءات لن تمر ع أحد ...
هناك مخطط لتصفية الأمة العربية بمسلميها ومسيحييها تحت عنوان
((( القاعدة )))

دمروا بلادنا وأهلكوا شعوبنا تحت عنوان القاعدة ... ففي العراق
كان الشيعة يقتلون السنة بإسم القاعدة ... والأمريكان وإيران كذلك
أصبح الكل يقتل ليحقق مصالحه الضيقة تحت عنوان القاعدة ...
بثوا الفرقة بيننا .... قسموا السودان إلى دولتين
العراق سني وشيعي
لبنان حزب الله والرابع عشر من اذار
فلسطين حماس وفتح
مصر مسلم وقبطي
هذا مسلسل صهيوني أميركي إيراني طويل للحرب ع الأمةالعربية
علينا أن نفيق من سباتنا العميق ... آسف بل موتنا الطويل
أفيقوا يا أمة العرب فليس لنا سوى نحن ُ والكل يتآمر علينا
والقريب قبل البعيد ...
أنا كمسلم لا أعتذر للإخوة المسيحيين عما جرى ... لأنني بذلك أصف
نفسي بالجلاد وبالمجرم الذي إرتكب جريمته ... ولكن أعتذر لنفسي
وللعالم العربي كشاب عربي غيور ع دينه وعروبته ... والشكر لكم ...

[misho]

الدماء اللي راحت من غير ذنب
كان فيها المسلم والمسيحي
عجبني الحوار بينكم جدااا
والاجابات كانت جميلة وشاملة حاجات كتير
و ان شاء الله ربنا هياخد حق كل اللي ماتوا في الحادث دة
تسلم يا احمد علي البرنامج المميز
في انتظار حلقات اخري

[فــــــــــرح]

في البداية اشكرك اخي الفاضل احمــــد
على الأستضافة الطيبه
وانا سعيده جداااا ومقتنعه بكل حرف سطرته
ولا ارى فيما اجبته اي خطأ او عيب
ينقص من قدري كمسلمة ..

شاكرة لك طرحك الراقي دائما ..

[رووكه]

ميرسى ليك يا احمد

وكان شرف ليا انى اكون ضيفه فى قضيه فى غايته الاهميه

وعوزه اقول ان كل منا ليه وجهه نظره اللى بيعبر عنها فى القضيه

واكيد كلنا لينا نفس الموقف ونفس رد الفعل