اعضاء المنتدى ..... تعالو حلوا مشكلتي (ضروري)

[sara_A.A.H]

بجد
بجد
انا محتاجه رايكم بسرعه
اناطول عمري بحب ارسم ذوات الارواح
اللي هي الوجوه واما ارسم حد بيطلع زي ما هو في الرسمه
ومن رسماتي :



بابا وهو عنده 20 سنه ( ايااااام الشباب )
صوره لاشلي السون
جوجو
وغيرهم كتييييييييييييييييييييييييير



بس المشكله


اني اكتشفت انه حراااااااااااااااااااااام واستفسرت عن الحكم كتييير وبرضه نفس النتيجه
حراااااااااااااااااام
وقرات حديث عن الرسول صلى الله عليه وسلم ( ان الذين يصنعون الصور يعذبون يوم القيامة يقال لهم احيوا ما خلقتم )

وسمعت ان اكثر الناس عذابا يوم القيامة المصورون



قالولي كتير منعا للشبهة ارمي رسماااتك هتاخدي ثواب كتير
انا اقدر ابطل رسم ارواح لاني بعرف ارسم حاجات تانيه

بس والله ماقدرش ارمي رسوماتي دنا ياما قعدت سااااعات ارسم فيها

انا اعمل ايه ؟؟؟؟؟؟؟؟؟؟؟؟؟؟


ياريت تفيدوني

وشكراا

[ملك2]

مش فهما ازاي بترسمي الاروح
وله انتي بترسمي وجوه يعني وله ايه
فهميني عشان اقدار ارود عليكي

[SiLver Spectra]

أنا عايز أسئلك سؤال يا كنزي

هل رسوماتك دي بتعبد!!!

هل إحنا في زمن عبادة الاصنام....و تقديس الجماد!!
لو هتقوليلي في مجتمعات لسه كدا

لكن سؤالي محدد...الرسومات دي ليها تأثير على توحيد الله ( عز وجل)
الرسم فن
الفن إبداع...
و الإنسان إلي مش بيقدر الإبداع ..يبقى هو إنسان لا يستحق التقدير

الرسم زي الشعر.....فن راقي
في حاجات محرمة في الرسم زي ما في حاجات محرمة في الشعر...

إنك مثلا ترسمي عورات أو ما إلى ذلك
لكن نقول الرسم حراااااااام!!!

العقلية البشرية إتغيرت عن عقلية الإنسان القديم
إلي كان ممكن يعبد صنم من تمر!!
مش عايشين في زمن فرعون....

إنتي بتؤمني بالله و بتوحديه
و رسوماتك دي لو هتكون سبب يخلي الناس تشرك بالله...تبقى حرام

لكن إنتي بترسمي بهدف الإبداع و التعبير....
زي الكاتب إلي من حقه يعبر عن شخصيته بالكتابة

ليكي الحق في التعبير عن شخصيتك بالرسم

و خلينا عقلانيين....
نفكر بالمنطق قبل ما نحكم على حاجه حكم طائش...عن طريق نقل أحاديث

ليه المسلمين لما فتحوا مصر ما هدوش أبو الهول و التماثيل!!
لأن هما كانوا بيميزوا كويس و مش بيخلطوا الأمور في بعض
التماثيل دي تاريخ و حضارة...
لكن لو تفكيرهم كان طائش كانوا هدوا التماثيل بإعتبار إن هي أصنام..و هي في الأساس لا تعبد

طالما رسمك لا يعارض أي شيء في مبادئ الإسلام يبقى الموضوع إنتهى

[sara_A.A.H]

اقتباس المشاركة الأصلية كتبت بواسطة silver spectra أنا عايز أسئلك سؤال يا كنزي هل رسوماتك دي بتعبد!!! هل إحنا في زمن عبادة الاصنام....و تقديس الجماد!! لو هتقوليلي في مجتمعات لسه كدا لكن سؤالي محدد...الرسومات دي ليها تأثير على توحيد الله ( عز وجل) الرسم فن الفن إبداع... و الإنسان إلي مش بيقدر الإبداع ..يبقى هو إنسان لا يستحق التقدير الرسم زي الشعر.....فن راقي في حاجات محرمة في الرسم زي ما في حاجات محرمة في الشعر... إنك مثلا ترسمي عورات أو ما إلى ذلك لكن نقول الرسم حراااااااام!!! العقلية البشرية إتغيرت عن عقلية الإنسان القديم إلي كان ممكن يعبد صنم من تمر!! مش عايشين في زمن فرعون.... إنتي بتؤمني بالله و بتوحديه و رسوماتك دي لو هتكون سبب يخلي الناس تشرك بالله...تبقى حرام لكن إنتي بترسمي بهدف الإبداع و التعبير.... زي الكاتب إلي من حقه يعبر عن شخصيته بالكتابة ليكي الحق في التعبير عن شخصيتك بالرسم و خلينا عقلانيين.... نفكر بالمنطق قبل ما نحكم على حاجه حكم طائش...عن طريق نقل أحاديث ليه المسلمين لما فتحوا مصر ما هدوش أبو الهول و التماثيل!! لأن هما كانوا بيميزوا كويس و مش بيخلطوا الأمور في بعض التماثيل دي تاريخ و حضارة... لكن لو تفكيرهم كان طائش كانوا هدوا التماثيل بإعتبار إن هي أصنام..و هي في الأساس لا تعبد طالما رسمك لا يعارض أي شيء في مبادئ الإسلام يبقى الموضوع إنتهى

انابجد بجد بجد بجد بجد بجد مش عارفه اقولك ايه مشعارفه اصوغ كلمة شكر اكتر من كلمة شكرااااااااااااااااااااااااااااااااااااااااااااااا علشان اقولهالك بجد يا طارق رايك اثر فياا والله اكتر من اي حاجه تانيه وريتني الموضوع من نايه تانيا خالص
وانا حابه اقولك اني مصريه بدرس في السعوديه فانا لما سالت سالت مدرسات الدين بتوعي وقلولي ان ربنا محرم التصوير عشان ....... فسدا لابواب الشرك لازم ............................ وانا حاولت اقولهم كلام زي كلامك ردوا عليا وقالو الافضل كده واحنا لسه واخدين توحيد انهرده اخر حصه درس سبب اشراك بني ادم ( ما تخدش في بالك ) وانذكرفيه التصوير ........الخ
فكل المحيط اللي حواليا قاللي كده فقررت اني اخد رايكم وات بجد عملت اللي عليك وزياده والله ورجعتلي الامل في الحياه وما شاء الله يا طارق طريقتك في ابداء رايك لم ارى لها مثيل
واوعدك ان شاء الله انزل صور رسماتي قريب واشكرك اشكرك اشكرك

[SiLver Spectra]

اقتباس المشاركة الأصلية كتبت بواسطة kenzy انابجد بجد بجد بجد بجد بجد مش عارفه اقولك ايه مشعارفه اصوغ كلمة شكر اكتر من كلمة شكرااااااااااااااااااااااااااااااااااااااااااااااا علشان اقولهالك بجد يا طارق رايك اثر فياا والله اكتر من اي حاجه تانيه وريتني الموضوع من نايه تانيا خالص وانا حابه اقولك اني مصريه بدرس في السعوديه فانا لما سالت سالت مدرسات الدين بتوعي وقلولي ان ربنا محرم التصوير عشان ....... فسدا لابواب الشرك لازم ............................ وانا حاولت اقولهم كلام زي كلامك ردوا عليا وقالو الافضل كده واحنا لسه واخدين توحيد انهرده اخر حصه درس سبب اشراك بني ادم ( ما تخدش في بالك ) وانذكرفيه التصوير ........الخ فكل المحيط اللي حواليا قاللي كده فقررت اني اخد رايكم وات بجد عملت اللي عليك وزياده والله ورجعتلي الامل في الحياه وما شاء الله يا طارق طريقتك في ابداء رايك لم ارى لها مثيل واوعدك ان شاء الله انزل صور رسماتي قريب واشكرك اشكرك اشكرك

العفو يا كنزي
دا راي أنا شخصيا
و غيري هيبقى له رأي تاني
لكن في الآخر الإنسان له عقل..بيقدر يفكر بيه و يوزن الأمور

و أنا كنت بدرس بره أيام لما كنت أدك لكن مش في السعودية.....
و كان مدرس الدين بيقول كلام غريب...
الصور حرام....الصور إلي هي الصور الحقيقية ( الفوتوغرافية)
مش عارف إن الصورة دي زيها زي لما بتبص في المراية!!
غير إنه كان بيقول الأرض مستويه و العلوم زي الفيزياء و غيرها مالهاش لازمه!!
و الشمس بتلف حوالين الأرض
و بيستشهد بآيه عشان يثبت إن الشمس هي إلي بتلف!!

في ناس عندها شهوة إسمها التحريم
التحريم المطلق....من غير ما تشوف الموضوع أو توزنه يقولك حرام...و يربط كلامه بآيه..و يعتبر نفسه هو كدا صح!!



العقل نعمة

و إنشاء الله هتابع إبداعاتك و رسوماتك

و تأكدي إنك مش بتعملي حاجه غلط
طالما رسوماتك مش بتعارض المبادئ الأساسية للإسلام
مهما الناس قالتلك كلام

نحن لم نخلق حتى نحرم الرسم.....
نحن خلقنا لتنمية الأرض و المحافظة على المبادئ الاساسية للخير و الإسلام


خالص تحياتي

[يقين بالحق]

أهلا (كنزى) ,
لقد عانيت من هذه المشكلة حيث أننى كنت أدرس فى كلية التربية الفنية ,وكنت أحب التصوير والنحت
وقال لى بعض من شاهدوا أعمالى أن ذلك حرام , وسألت أساتذتى فقالو لى كما قال لكى (طارق)
أننا لا نصنعها بغرد العبادة وأنما هى موهبة أعطها الله لنا نستخدمها لأمتاع الناس كنوع من أنواع الفنون
ولكى تطمأن قلوبنا قامت الكلية بعقد ندوة أستضافت فيها شيخا من العلماء وسألناه ودار حوار بيننا أفادنا
حيث أخبرنا أنه ما حرم هو رسم أو نحت الأشخاص بكامل هيئتهم (يعنى من الرأس حتى القدم ) فى حجم
يماثل الحقيقى وطبعا أنت مش بترسمى الشخص كامل بحجمه الطبيعى , فلا تقلقى أنشاء الله لا وزر عليك
وأما عن رأى أنى أؤمن بأن (الأعمال بالنيات ) والله أعلم بعباده
أتمنى أن أكون قد أفدتك , مع تمنياتى بالتوفيق باءذن الله

[sara_A.A.H]

اقتباس المشاركة الأصلية كتبت بواسطة يقين بالحق أهلا (كنزى) , لقد عانيت من هذه المشكلة حيث أننى كنت أدرس فى كلية التربية الفنية ,وكنت أحب التصوير والنحت وقال لى بعض من شاهدوا أعمالى أن ذلك حرام , وسألت أساتذتى فقالو لى كما قال لكى (طارق) أننا لا نصنعها بغرد العبادة وأنما هى موهبة أعطها الله لنا نستخدمها لأمتاع الناس كنوع من أنواع الفنون ولكى تطمأن قلوبنا قامت الكلية بعقد ندوة أستضافت فيها شيخا من العلماء وسألناه ودار حوار بيننا أفادنا حيث أخبرنا أنه ما حرم هو رسم أو نحت الأشخاص بكامل هيئتهم (يعنى من الرأس حتى القدم ) فى حجم يماثل الحقيقى وطبعا أنت مش بترسمى الشخص كامل بحجمه الطبيعى , فلا تقلقى أنشاء الله لا وزر عليك وأما عن رأى أنى أؤمن بأن (الأعمال بالنيات ) والله أعلم بعباده أتمنى أن أكون قد أفدتك , مع تمنياتى بالتوفيق باءذن الله

اشكرك اخي على افادتك ليا وكلامك صح الاعمال بالنيات
اقدر مشاركتك

[dr.marmar]

بصي ياكنزي بصراحه الموضوع ده ماكنش المفروض حد مننا رد عليه
لان ده معناه انك طلبتي فتوي واحنا مش علماء دين علشان نرد عليكي
انا مع طارق ان الرسم ده ابداع لان برده فيه شبهه فالمفروض السؤال ده
يتسأل لعالم دين مش لينا احنا علشان محدش يرد عليكي بحاجه حلال او حرام
واحنا مانعرفش فناخد ذنبك
تقبلي مروري

[abo adhem]

اقتباس المشاركة الأصلية كتبت بواسطة kenzy بجد بجد انا محتاجه رايكم بسرعه اناطول عمري بحب ارسم ذوات الارواح اللي هي الوجوه واما ارسم حد بيطلع زي ما هو في الرسمه ومن رسماتي : بابا وهو عنده 20 سنه ( ايااااام الشباب ) صوره لاشلي السون جوجو وغيرهم كتييييييييييييييييييييييييير بس المشكله اني اكتشفت انه حراااااااااااااااااااااام واستفسرت عن الحكم كتييير وبرضه نفس النتيجه حراااااااااااااااااام وقرات حديث عن الرسول صلى الله عليه وسلم ( ان الذين يصنعون الصور يعذبون يوم القيامة يقال لهم احيوا ما خلقتم ) وسمعت ان اكثر الناس عذابا يوم القيامة المصورون قالولي كتير منعا للشبهة ارمي رسماااتك هتاخدي ثواب كتير انا اقدر ابطل رسم ارواح لاني بعرف ارسم حاجات تانيه بس والله ماقدرش ارمي رسوماتي دنا ياما قعدت سااااعات ارسم فيها انا اعمل ايه ؟؟؟؟؟؟؟؟؟؟؟؟؟؟ ياريت تفيدوني وشكراا

اختى الفاضله فى سؤالك الاجابه انتى قولتى انك سئلتى وعرفتى انه حرام خلاص ما فى داعى تستندى على رأى من هنا وهناك لان اهل العلم اجابوكى مع احترامى لكل اللى ردو عليكى لذلك اختى الفاضله انا ارى ان تمشى على كلام اهل العلم ولا تندمى على اى مجهود ضاع منك فى رسم شىء ممكن يوصلك اى ارتكاب ذنوب تحاسبى عليها واجوا ان اكون افدتك والله المستعان
ابو ادهم

[SiLver Spectra]

يعني رايكم إن البنت تترك الموهبة بتاعتها...بحجة إن هي شبهة!!

مين علماء الدين دول!!
إلي بيقولوا التصوير الفوتوغرافي حرام!!

يعني لو عالم دين أفتى إن النت حرام ...خلاص ما حدش يدخل على النت عشان هو شبهه!!!
و بالمناسبة في علماء دين أمثال دول بيحرموا النت.....يبقى المطلوب مني إني خلاص افصل النت!!!
و لا افكر بالمنطق و أقول يعني إيه حرام!!

أنا بحكم إني كنت في الخارج فعارف مدرسين الدين دول...
إلي إنتم عايزينا نمشي وراهم...ناس في الأصل كانت بتنجح بالعافيه لما كانت في المدرسه..
بتخلص المدرسة و بتخش شريعه

أيا كان........
أنا هنا مش بفتي بالنسبة للناس إلي بتقول إني بفتي...
و إيه المشكلة إني أفسرلها أو اقولها على راي
بدل ما نسيب الناس إلي بتحرم كل حاجه يفتولها!!


إنتي عندك موهبة...لازم تنميها....و المفروض واجبنا إن إحنا نبقى جنبك و نشجعك

و مع إحترامي لآراء الناس إلي علقت

في الآخر القرار ليكي