عاجل - ابراهيم حسن يقاضى القيعى بسبب " تربية الشيطان"

[ღ Gի๐sτ ღ]

قرر إبراهيم حسن مدير الكرة بنادي الزمالك رفع دعوى قضائية ضد المهندس عدلي القيعي مدير إدارة التسويق والاستثمار بالأهلي.
أن قرار حسن جاء بعد وصف القيعي له بأنه "تربية الشيطان"، وذلك في إحدى البرامج التليفزيونية على قناة الأهلي الرسمية.
وكان إبراهيم حسن ضيفا على برنامج "الرياضة اليوم" مع خالد الغندور، وتوجه إليه الغندوربالسؤال": لماذا سب شيكابالا جماهير الأهلي، فرد إبراهيم بالقول
: شيكابالا لم يسب الجماهير إنما سب الشيطان ( في ملمح إلى أن الأهلي يلقب بالشياطين الحمر ) ومن المفترض أن نسب الشيطان في كل وقت.
وفي مداخلة مع القيعي من أحد الجماهير، وقص ما حدث، فرد القيعي بالقول إذا كان قد قال ذلك فهو "تربية الشيطان"، في إشارة إلى أنه تربى في النادي الأهلي الملقب بالشياطين الحمر.
يذكر أن حسن قد دخل مؤخرًا في خلافات مع مجدي عبد الغني عضو مجلس إدارة اتحاد الكرة المصري بعد التصريحات التي أطلقها الأول بخصوص حكم لقاء القمة بين الأهلي والزمالك الأخير


طيب يعنى يابراهيم هي حلوة لما انت تقولها ووحشة لما القيعى يقولها ؟

القيعى رد بكل منطقية

ودة بناء علي اختيارك انت والاسم اللى انت قلتة بنفسك

وبصراحة رد القيعى بالنسبة ليا رد جامد اوى وهو دة الرد الصح

وفعلا كل يوم بيعدى القيعى بيثبتلى قد اية هو زكي فعلا لان دة احسن رد علي ابراهيم

ودة ليس واضح عليه من الاعلام بس . بس دة حتى فى الحقيقة لما كنا بنتعامل معاه فى اكثر من مناسبة بسبب التذاكر

فى النهاية

عيب اللى بيحصل ولا نريدها تولع بسببك يابراهيم لانك كل يوم تعمل خناقة مع واحد شكل

وياريت تنتهى على كدة ولاتفتح لانة هايبقى عيب كبير اوى اللى يحصل

بس مهما كان رد القيعى كان صح من وجهة نظرى وكل واحد قال كلمتة ويروح لحالة

[محمد الشريف]

معارك جانبية بين الأجهزة الإدارية والمدربين ومساعديهم ليس فيها

كاسب سوى تعكير الصفو والحيدة عن الهدف فى انصراف كل منهم

لتكريس الجهود نحو ناديه ، لانرجو تكرار تلك المهاترات رفقا بالجماهير

التى يعنيها فى المقام الأول تقدم فرقها الرياضية وعدم جرها

لخلافات لاتغنى عن انتظار الانتصارات فى الملاعب .

والله الهادى لحسن الصواب .

مع تقديرى

[بنت الجنوب]

لا حول ولا قوة الا بالله
معرفش ابراهيم والاعلام حيخدونا لحد فين
اللهم اهدى الجميع

[morshooo]

بصراحة كدا ابراهيم حسن

ماشاء الله علية فارد درعاتة على الجميع

وعلى الاعلام ودا بسبب ان جميع البرامج الرياضية

تبتقى مبسوطة بية وهو طالع يهاجم دا ودا ودا

من يوك ما بقى المتحدث الرسمى للجهاز الفنى

وبقى كل يوم يطلع فى جميع البرامج الرياضية

زى ما يكون مكرر علينا فى برنامج الغندور وشلبى

انا متاكد ان اخرت التؤام هتكون فضيحة كبيرة

وخروج مهين من الزمالك

[هشام خطاب]

يا جمـــــــــــــــــاعه والله اللى بيحصل ده عيب كبير اوى

على ابراهيم حسن كل يوم مع راجل محترم يعمل مشادة كلاميه

وده مش هينفع واللى هيتضر فى الاخر نااااادى الزمالك

والقيعى مش هيسكت لانه القيعى

خير جميل

دمت متألق

[مان مصر]

سبحان الله ابراهيم حسن ده مش لاقى حاجه يعملها
غير انه يتخانق مع الناس بس
ده بقا موضوع يتعب والله الواحد زهق منه بقا مكرر علينا ان ابراهيم كل يوم نسمع عنه انه اتخانق مع ده
ومره تانيه مع ده ربنا يهدى

شكرا على الخبر يا محمد

[مجدى الششتاوى]

صدقونى انا مش عارف التوام عاوزين ايه

[ღ Gի๐sτ ღ]

عندكو حق فى ردودكو

لا اعرف اية اللى عاوزة ابراهيم حسن لازم يهاجم الاهلى فى اي حاجة