أقرأ قصيدة عراقية من واقع الحال ...لطفاً

[العربي20]

قصيدة شعرية بس غريبة شوية ؟؟؟؟!!!!

اريد اترخص من الفصحة شوية وحجي حجي بسيط بالعامية

علمود شنو نريد نشوف ونفهم شنو السالفة وشنو القضية

السالفة هي سالفة فلم هندي مدبلج عراقي يعني قصة هندية

وطبعا وياهة لازم تتخيلون موسيقة تخوف وبيها دكة قوية

اجاكم اجاكم ميتاب او فاندام بس لابس عمامة للاسف شيعية ؟؟؟!!!

يعني شنو شدوا روسكم يكرعان اجاكم الموت بالديمقراطية

واجاكم الموت و بكاتم الصوت مرتبة هالمرة مو فوضوية

ها وبعد شنو بعد ماكوا اسود ولامليشيات حكومة هالمرة شرعية

زين وين ترحون وين تشردون كلكم مطلوبين يكول ليش تحجون علية

من العراق لايران من ايران للعراق شنو حبيبي غميض الجيجو هية

جا لعد وين الدراسة لو نجحت وراوستهة وغشيت بالعلوم الحوزوية

مو كلت راح احرركم وكلت طبق ذهب النجف هدية سيستانية

زين موكلت علي خامنئي ماحبة شو فجئة صبحت يمة سوية

موانت كتلنة ماعوفكم يانصاري شو قشمرتنة وضحكت علينة الجعفرية

موحلفت بدم الصدرين ماارشح المالكي جا وينة حجيك وين القضية

ماعرفانك انت قائد لو حاقد انتة ديني لو دوني والحقيقة مبينة هية

وهسة جيت شتريد من عدنة بعد من دمنة ماتشبع ابد ياعمل الفارسية

منين ذولة وياك عمايم جديدة بالباكيت مدربين معلمين بالطريقة الاموية

وحنة خفنة شيعة وسنة عرب واكراد وتركمان ويزيدية وحتى المسيحية

انت بلا حكومة جنت سويت المصايب والعجايب هسة انت حكومة كارثية

وين نشرد وين نروح ويامكان نشرد بي من عصاباتك الحكومية

وليش تزعل من انصارك يحبونك وانت الهم الخبز والمية

النهاية اختمه وياك اكلك يامجرم لا هلة ولامرحبة بهل الجية
ملاحظة احنة لاسنة ولاوهابية ولابعثية احنة الشيعة الصدك جعفرية