أزاى تخنقى أخوكى الكبير..............؟

[shofolofa]

لأى بنت مقهوره

وعايزة تنتقم من
أخوها وترفع
ضغطه

**لو فى مبارة فى التلفزيون**
لو فى مباراة والأخ متحمس أقطعى الحماس ده
ازاى
أنا اقلك
استنى لحد ما يندمج اوى مع المباراة
وهتعرفى أنه اندمج لما تلاقى عنيه مفتوحين على
الااااخر ومش همه حد يعنى ممكن تجيبى صاروخ تفجريه
جنبه ولا يلتفت

هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنا مش فاضيالك أنا بنضف وبمسح
وبعدين روحى جيبى المكنسة واكنسى المكان اللى
هو فيه وحاولى كل شوية تكنسى قدام التلفزيون
يعنى لا صوت ولا صورة
وغطى عليه ولا يهمك
ولوقال ابعدى وحسيتى أنه هايحدفك بحاجة
قولى يعنى اسيب البيت كده والضيوف جايين في السكة
وبعدكده اعملى أنك نسيتى الكيك فى الفرن
ودوسى على رجليه واجرى وماتبصيش وراكى

*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران ان شالله ابن البواب
ودخليه يلعب فى اوضته فوق راسه
وقوليله الأطفال احباب الله

اوتعالى وهو فى سابع نومه وارجفيه
الرجفة اللى يصحى مايحسش
بنفسه الا وهو قاعد
وبكل برود قولى (عايزين نخرج)

ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هاتحتاجيه
واضحكى على شكله وعلى شعره وقعدته
وعلى هدومه
واذا قال ابعدى علشان أنا مش رايق
زودى العيار حبتين
ولو حسيتى باى غدر
استعملى مفتاح اوضتك واقفلى على نفسك

*وقت المعركة*
ولو طقت فى دماغك وحبيتى انك تقومى
بمعركة انتى وهو
لازم تجهزى نفسك من كل ناحية
1/اللبس:لازم تلبسى تريننج علشان يسهل الجرى
2/الشوشة لازم تلميها وتعملى حفلة ايشاربات فى راسك
وانتبهى ولا خصلة تنزل من شعرك
واليوم ده ياريت تكونى حاطة حنة على راسك
علشان مايتجرئش يلمس شعرك
3/مفتاح الاوضة لأن الإحتياط واجب

1اذا بدأت المعركة اوعى تبينى انك خايفة
وأول ما ايده تطول
اوعى تستسلمى واديله
طراااااااااااااااااخ
بالبوكس فى عينه علشان مايشفش ادامة
وحطى رجلك ادامة

وعلى طووووووووول
على اوضتك اللى مجهزة مفتاحها قبل كده
بس نصيحة اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الظهر:d

[عاشق الأحزان]

ههههههههههههههههههههه
هههههههههههههههههههههههههههه
قال حضرى مفتاح غرفتك قال
والله لو كل المفاتيح ما تجيب نتيجة
انتى كده بضرى البنات بتعرضيهم لانهم يزورو قسم العظام فى القصر العيني
وتاكدى انه ده بمثابه حرب على الشباب
احسن حاجة ريحي نفسك واعطيني طريقة ازاى تخنق اختك
ههههههههههه
مشكووووووورة على الموضوع الحلو جدا
دمتى بود
تحياتي
عاشق

[abo adhem]

ههههههههههههههه والله اللى ها يسمع كلامك انا اقول عليه من دلوقتى الله يرحمها ههههههههه
تسلمى اختى على طرحك المميز ومنوره المنتدى اعزك الله وبارك فيكى
ابو ادهم

[الفراشه]

ههههههههههههههه
حرام عليكي يا شوفو لوفا من الصعب ان ده كلو يحصل عشان وهو بيتفرج على المتش مش هيديني فرصه اني اكنس وهيمسك المكنسه ويكسرها مليون حته وانا في الاخر الي غلطانه في نظر بابا وماما وفيها حرمان مصروف على الاقل اسبوع عشان المكنسه الى اتكسرت ده.............

[haytham ali]

هههههههههههههههههههه

جربى انتى الاول وشوفى اللى هيحصلك هههههههه

هههههههههههههههههههههههههه

لو اختى عملت معايا كده تعرفى هعمل ايه

هروح اتفرج مع صاحبى هع هع هع

[mimy]

اقتباس المشاركة الأصلية كتبت بواسطة .......(الفراشه)....... ههههههههههههههه حرام عليكي يا شوفو لوفا من الصعب ان ده كلو يحصل عشان وهو بيتفرج على المتش مش هيديني فرصه اني اكنس وهيمسك المكنسه ويكسرها مليون حته وانا في الاخر الي غلطانه في نظر بابا وماما وفيها حرمان مصروف على الاقل اسبوع عشان المكنسه الى اتكسرت ده.............

بس النصائح التانية ميه ميه
أنا سلاحي السري القرص والخربشة
لو مسكت ايدو ثانية وحدة هتلاقيه بيعيط
حتى لو كان أكبر مني ب 30 سنة
أنصحكن يا بنات بالقرص والخربشة
ومشكوره خالص على المعلومات المفيدة

[سنونو]

هاهاهاهاهاهاهاها


حرام عليكي يا شوفولوف

بس بجد حلوة

[~ zahorah~]

ههههههههههههههههه

والله فكر توديني المستشفى واقعد فية ستة شهور على الاقل

وتسلمي على التكسيرة دي

[ليالي لؤاك]

انا عن نفسي هعملها بس على ضمنتك
ومشكوووووووووووووووووووووووووووووووووووووووووووووو وووووووووووووووووووووووووورة:vb36: