الزمالك يفوز على الاهلى بمباراة بدون جمهور بسبب اتحاد المزاج والظلم

[ღ Gի๐sτ ღ]

تخطي فريق كرة السلة بنادي الزمالك غريمه التقليدي الأهلي بصعوبة بالغة بعدما فاز عليه بنتيجة 82-79 في قمة الجولة الثالثة لنهائيات دوري اللعبة والتي أقيمت بدون جمهور.
وكان اتحاد كرة السلة قد قرر معاقبة الزمالك بإقامة 10 مباريات له بدون جمهور مر منهم حتى الآن 6 مباريات كان أخرها لقاء القمة الأخير.
كما قرر الاتحاد عدم حضور جماهير الأهلي للقاء منعا لحدوث مشاكل في المباراة خاصة وان اللقاء كان مقام في صالة نادي الزمالك بميت عقبة.
وجاء فوز الزمالك علي الأهلي في توقيت هام لفريق السلة بالقلعة البيضاء حيث انه كان قد خسر اول مباراتين امام كل من الشرطة والجزيرة.
أما الأهلي فلقي خسارته الأولي في النهائيات بعدما كان قد فاز في أول لقاءين علي حساب سبورتينج وسموحة.
ورفع الزمالك رصيده الي 4 نقاط، كما أصبح رصيد الأهلي 5 نقاط.


يعنى بصراحة شىء مستفز جدا

لية تمنع جمهور الاهلى من حضور المباراة ؟


ماهو جمهور الاهلى كان معاقب فى مباراة الاهلى والزمالك الاخيرة ولن يحضر المباراة ولكن تم موافقة حضور جمهور الزمالك لانة ليس معاقب

واحنا دلوقتى جمهور الزمالك معاقب ومفترض ان يتم حضور جمهور الاهلى لانة ليس معاقب

ولكن تقوللى نحرم جمهور الاهلى من الحضور بحجة عدم حدوث مشاكل

يبقى حاجة من الاتنين

ياما تلعب جميع مباريات الاهلى والزمالك بالسلة القادمة بدون جمهور ولا اهلي ولا زمالك بسبب عدم حدوث مشاكل

ودة على كلامكو

والا

اتحاد سلة فاشل ومجامل كالعادة وعاوز لاعبى الاهلى لن يستفادو من جمهورهم


وبصراحة

حاجة تخنق الواحد لما تمنع الجمهور وتحرمة من مشاهدة فريقة فى اهم مباراة لة فى السنة بدون سبب مقنع

[بنت الجنوب]

بصراحة مش عارفة اقول ايه
منتهخى الظلم
لما جمهور الاهلى عمل شغب فى مبارة الجزيرة
كنت اول واحده فرحانه بالعقاب لانى محبش الخروج عن الروح الرياضية
بس كمان الحصل ده ظلم
جمهور الزمالك متمنعش من دخول المبارة لما جمهور الاهلى كان متعاقب
لو الاتحادات متقدرش تحكم بالعدل يمشو احسن ويسيبو المنصب لحد بيعرف يحكم بعدل الله


تسلم على التوبيك

[ღ Gի๐sτ ღ]

عندك حق

انا لو كان همامنعو جمهور الزمالك من دخول مباراة الاهلى الاولى لما جمهورالاهلى كان معاقب كان ممكن نقول اوك حقكم
انما تدخلو جمهور الزمالك فى عقابنا

وتمنعونا فى عقابهم دة ظلم جدا

والغريب ان يقولك التبرير بسبب عدم حدوث شغب
لو المسألة كدة يبقى كل مبارايات الاهلى والزمالك تكون بدون جمهور منعا لحدوث شغب

صح ولا انا غلطان

اتحاد مجاملات باينة علنا

[مان مصر]

عندى كلمه واحده ده اسمه اتحاد الكباب والكفته
شكرا يا محمد على الخبر
وكل سنه وانت طيب وعقبال مليون سنه بمناسبه عيد ميلادك

[ღ Gի๐sτ ღ]

تسلم يامان علي مرور

وربنا يخليك يارب وتكون سنة سعيده علينا جميعا

-