غرباء فى منزل واحد!

[miraa]

بسم الله الرحمن الرحيم


توقفت كثيرا عند هذه الظاهره

التى اصبحت منتشره جدا فى عصرنا هذا

وهى تغير مفهوم الاسره

وما يحدث الان داخل الاسره


سابقا كان لازاما ان تجتمع الاسره

فى اوقات الطعام ويتناولون طعامهم معا كااسره واحده

متحابه كل منهم يجلس ويتحدثون

عن ما مر بهم فى يومهم

او موقف ما حدث وياخذ رأى باقى اسرته فى هذا الموقف

وبعدها يتجمعون لتناول الشاى

ويسرد كل منهم تفاصيل يومه او يتحدثون فى مشاكل عامه

يتبادلون وجهات النظر عن قضايا واراء


سابقا كان اول من نلجأ اليه عند وقوف مشكله ما معنا

او حدوث موقف ما ونحتاج فيه لنصيحه

الى احد افراد اسرتنا

كان الترابط الاسرى كبير

كانت تطول الجلسات الممتعه بين افراد الاسره

وايضا كان هناك يوما محددا فى الاسبوع

يجتمع فيه افراد العائله

كبيرهم وصغيرهم

ليوطدوا صله الرحم فيما بينهم

و يتناقشوا فيما بينهم كعائله كبيره

عاقله ومتفتحه تتيح الفرصه للنقاش والتحدث فى امور الحياه


ام الان


اصبحنا اغراب هناك الكثيرون والكثيرون

يعيشون فى بيت واحد مع اسرتهم وهم لا يعرفون عنهم شيئا

كل شخص اصبح يفكر فى حياته هو

يخرج الشاب او الفتاه صباحا

الى مدرسته او جامعته

ليقابل اصدقائه يتحدث معهم كثيرا
يتناقشون ويختلفون او يتوافقون

ليرجع الى بيته لياكل ثم بعد ذلك

يدخل الى غرفته اما نائما او منهمك فى النت

ويستيقظ ليخرج مع اصدقائه ثانيه

بالطبع هناك اباء وامهات تسأل عن اولادهم

ويراقبون افعالهم للاطمئنان عليهم وعلى طريقهم


ولكن لم يعد هناك مجال للمشاركه فى الاراء او فى امور الحياه

فنحن اصبحنا فى عصر سرعه وتطور

اصبح كل شخص منهمك ليوفر احتياجاته ويؤمن حياته

فالاباء الان يحاولون تامين حياه افضل لابنائهم

والابناء كل منهم يحاول النعايش مع حياته
ومجرياتها

وما بها من احداث


عندما يحتاج الشاب او الفتاه الان الى ان يتحدث مع شخص يفهمه

او يحتاج لنصيحه يذهب لاقرب اصدقائه

ليلقى بهمومه ومشاكله على عاتقهم

ويخرج ما بداخله من ضيق


بالطبع هناك اباء وامهات وابناء

يجتمعون معا ومازالوا يحيون لغه التفاهم الاسريه
الجميله هذه


ولكن الاغلبيه السائده الان

غير ذلك

فاصبح الشباب الان لا يجدون غير كلمه واحده

( انتم مش فاهمين احنا عايزين ايه وبنفكر فى ايه)

طيب حاول تقعد معاهم وتفهمهم

ادى ليهم جزء من وقتك اللى معظمه ضائع

مع الاصحاب او فى النادى

او على النت

ليه مش نحاول ندى لنفسنا وليهم فرصه اننا نتكلم معاهم بطريقه واعيه وعقلانيه

نحاول نوصل لنقطه وسط بين تفكيرنا ومتطلباتنا

وبين تفكيرهم وما يتمنوه لنا

يجب ان نعيد صوره الاسره الاولى والراقيه

الاسره التى تجتمع للتفاهم والنقاش

تجتمع لطرح وجهات النظر ومعرفه طريقه تفكير كل منا

اصبحنا الان غرباء فى نفس المنزل

لم نعد تلك الاسره


المفهوم الخطأ ان التطور والسرعه هم العامل الرئيسى فى هذه المشكله

وابتعاد الابناء عن ابائهم

واعتقد ان هذا ادعاء خاطئ


نحن من يدع هذه الصوره الجميله تتمزق من بين يدينا

نحن من يبعد ويحدث التفكك

ليس فقط الشباب هم المخطئين

ولكن ايضا الاباء الذين ينهمكون فى تامين سبل الحياه لابنائهم ويتناسون

تامين شخصيه وعقول ابنائهم


فقط

لنجتمع ونتحدث ونتناقش

لنتسامر ونتفهم مشاكل الاخرين

لنعود للاسره المتحابه

فلن نجد خير معين وناصح امين

اكثر من افراد اسرتنا الذين هم دوما عين امينه على مصلحتنا

لنتجمع معا اسره مثقفه وعاقله
متفاهمه ومتحابه

[نونه *]

كلام صحيح وفعلا دي وضع بعض المجتمعات دلوقت
موضوع راااااائع الف شكر

[miraa]

اقتباس المشاركة الأصلية كتبت بواسطة نونه * كلام صحيح وفعلا دي وضع بعض المجتمعات دلوقت موضوع راااااائع الف شكر

الاروع مرورك الجميل على موضوعى
مرسيي ليكى يا نونه
على ردك الجميل ده

[nooody]

ميرا والله ذكرتينى بالذى مضى
بصراحه احنا كنا عاملين فى البيت حاجه اسمها اجتماع ودة كان كل يوم خميس
كل واحد كان بيقول اللى مضايقه من التانى............... ولو فى حد عمل حاجه طول الاسبوع ماما كانت بتسبنا نراجع نفسنا ليوم الخميس لو اللى غلط مش حس بغلطه وجه يعتذر بيتعاقب طبعا بس مش بالضرب ......... ممكن يتحرم من خروجه مثلا
بس لما كبرنا كل واحد راح فى مكان اللى بيشتغل واللى بيدرس
وماما ربنا يخليهالى هى اللى كانت صاحبه فكرة الاحتماع دى
والله دى فكرة مثمرة
شكرا يا جميل على الموضوع دة

[SiLver Spectra]

كلام جميل يا ميرا...
زي ما تعودنا منك...
دايما مواضيعك ليها نظرة واقعية واعية


لكن خلينا نشوف اسباب المشكلة دي...

دايما بنلقي الإتهام على الشباب...

طيب و الآباء

المفروض ليهم دور كبير في مصاحبة أبنائهم

و إزاي يخلي إبنه يصارحه زي ما بيصارح صاحبة

لكن التطور إلي بنشهد....كان له دور كير في تشتت الأسرة ...و بقى كل واحد عايش في وادي لواحده....

الآباء مش بقدروا يستوعبوا التطور.....

كتير من الآباء مثلا بينظروا إلى النت و الكمبيوتر على أنها تفاهه....
أو قلة أدب...بدون ما يعرف دا إيه!!

إذن دي مش مشكلة الابناء أو الشباب فقط...

أيضا هي مشكلة الآباء

و الظاهرة دي أنا بسميها ضريبة التكنولوجيا....

الحياة راحة و فيها متعه

لكن أكثر تعقيدا

و بالتالي الشاب بقى بيتكلم بلهجة و تصرفاته بقيت غير تصرفات أبوه...

فلما بيروح البيت ...مش بيلاقي حد يتكلم معاه نفس ما بتكلم مع إصحابه
( إشطه و إشطات و ....)

غير كدا كمان...الظاهرة دي بيتظهر في الولاد أكثر من البنات...

لأن الولد مع أصحابه ممكن يعدوا يشتموا بعض كهزار على سبيل المثال

هروح البيت مش هيقدر يشتم حد!!!!!!

فهي المشكلة معقدة جدا....و ما نقدرش نقول ليه ما نرجعش زي زمان....

زمان الحياة ما كنش فيها حاجه

فالصغير ما كنش بتعالى على الكبير و يقوله إنت مش فاهم حاجه


أتمنى إن وجهة نظري تكون واصلة

و أنا كل إلي ذكرته فقط تفسير للظاهرة من مفهومي



و تسلمي يا ميرا على الموضوع
تحياتي

[miraa]

اقتباس المشاركة الأصلية كتبت بواسطة nooody ميرا والله ذكرتينى بالذى مضى بصراحه احنا كنا عاملين فى البيت حاجه اسمها اجتماع ودة كان كل يوم خميس كل واحد كان بيقول اللى مضايقه من التانى............... ولو فى حد عمل حاجه طول الاسبوع ماما كانت بتسبنا نراجع نفسنا ليوم الخميس لو اللى غلط مش حس بغلطه وجه يعتذر بيتعاقب طبعا بس مش بالضرب ......... ممكن يتحرم من خروجه مثلا بس لما كبرنا كل واحد راح فى مكان اللى بيشتغل واللى بيدرس وماما ربنا يخليهالى هى اللى كانت صاحبه فكرة الاحتماع دى والله دى فكرة مثمرة شكرا يا جميل على الموضوع دة

كلامك وردك جميل يا نودى
الاجتماعات دى مفيده واكيد بتخلى كل حد فينا
يعبر عن وجهه نظره الحقيقيه فى اى موضوع
وبتخلى فى بينا ترابط واسلوب محترم للنقاش
مرسيي كتير لردك يا قمر

[miraa]

اقتباس المشاركة الأصلية كتبت بواسطة silver spectra كلام جميل يا ميرا... زي ما تعودنا منك... دايما مواضيعك ليها نظرة واقعية واعية لكن خلينا نشوف اسباب المشكلة دي... دايما بنلقي الإتهام على الشباب... طيب و الآباء المفروض ليهم دور كبير في مصاحبة أبنائهم و إزاي يخلي إبنه يصارحه زي ما بيصارح صاحبة لكن التطور إلي بنشهد....كان له دور كير في تشتت الأسرة ...و بقى كل واحد عايش في وادي لواحده.... الآباء مش بقدروا يستوعبوا التطور..... كتير من الآباء مثلا بينظروا إلى النت و الكمبيوتر على أنها تفاهه.... أو قلة أدب...بدون ما يعرف دا إيه!! إذن دي مش مشكلة الابناء أو الشباب فقط... أيضا هي مشكلة الآباء و الظاهرة دي أنا بسميها ضريبة التكنولوجيا.... الحياة راحة و فيها متعه لكن أكثر تعقيدا و بالتالي الشاب بقى بيتكلم بلهجة و تصرفاته بقيت غير تصرفات أبوه... فلما بيروح البيت ...مش بيلاقي حد يتكلم معاه نفس ما بتكلم مع إصحابه ( إشطه و إشطات و ....) غير كدا كمان...الظاهرة دي بيتظهر في الولاد أكثر من البنات... لأن الولد مع أصحابه ممكن يعدوا يشتموا بعض كهزار على سبيل المثال هروح البيت مش هيقدر يشتم حد!!!!!! فهي المشكلة معقدة جدا....و ما نقدرش نقول ليه ما نرجعش زي زمان.... زمان الحياة ما كنش فيها حاجه فالصغير ما كنش بتعالى على الكبير و يقوله إنت مش فاهم حاجه أتمنى إن وجهة نظري تكون واصلة و أنا كل إلي ذكرته فقط تفسير للظاهرة من مفهومي و تسلمي يا ميرا على الموضوع تحياتي

الاول يارب يخليك يا طارق على كلامك الجميل ده
وعباراتك المشرفه لى
بجد مرسيي جدا لكلماتك الرقيقه

انا طبعا متفقه معاك وذكرت ده
ان الخطأ مش على الشباب بس على الاباء اللى مش بيحولوا يقربوا لابنائهم
واللى منهمكين فى تامين سبل الحياه

وجهه نظرك كتير واقعيه وتستحق التقدير يا طارق
حقيقى فعلا الاسلوب بيتغير
من البيت وخارج البيت
بس اكيد برضه احنا مش هنقدر نقول كلام لابائنا زى اصحابنا
لان فى فرق كبير بينهم

جميل ان يكون لينا اصحاب بنهزر ونتكلم ونتناقش معاهم
والاجمل ان يكون فى تفاهم بينا وبين اهالينا

مرسيي جدا طارق لردك ومرورك العزيز

[abo adhem]

شكرا جزيلا ياميرا موضوع راقى وجميل
تسلم ايدك
اكيد ده الله بيحصل الان وللأسف
ده ناتج عن بعدنا عن ديننا
لأن الله سبحان وتعالى أمرنا
بصلة الرحم
ولاكن للاسف احنا اللى بنعمل كده فى نفسنا
وحجتنا ان سرعة الدنيا والسعى وراء الرزق
كل ده مش ها يعوض هذه الصله
ربنا يهدى الجميع
وجزاكى الله خيرا

ابو ادهم

[اميره القمر]

في اسباب كثيره تؤدي إلى ذلك ولكن المسبب الرئيسي لها هم الوالدين
فعلى كل والدين شاؤوا او ابوا ان يقوموا ببعض التحسينات على اسرهم حتى يحموها من هذا الشيء
بان يحاول الوالد قدر استطاعته التقرب من اولاده
وان تحاول الام التقرب لبناتها وتصبح صديقه لهن
ولا تعاملهن معاملة الأم لانه لم تعد نافعه هذه الايام .. عليها ان تصبح صديقه لهن تشاركهن اهتماماتهن وهواياتهن
فالحوار الأسري يشعر كلا الطرفين بقرب الطرف الآخر منه واهتمامه بمشكلاته وقد يتطور هذا الحوار

ويتحول إلى صداقة بين الأب وابنه والأم وابنتها فتتنافى كل الحواجز والحدود بينهما .‏
شكرا لكى اختى الغاليه ميرا
موضوع فى غايه الروعه
تقبلى شكرى وتقديرى
دمتى بود

[dr.marmar]

والله يميره تقريبا دي مشكله كل البيوت دلوقتي
ودي نتيجه ان تحسي فيه تفاوت بين الاجيال
يعني انا مش فاهمه اهلي عاوزين ايه
وهما مش فاهمين انا بفكر ازاي
ومافيش حد عاوز يتعب نفسه ويحاول يقرب للتاني
فكله بيبعد والنتيجه مشاكل كتير جدا جدا بتحصل
ميرسي ياميره علي الموضوع الرائع ده