عادتهم ولا هيشتروها .. الزمالك ينسحب من مباراة بعد تعدي حسام على الحكم!

[بنتك يا مصر وافتخر]

قام حكم مباراة الزمالك وسباهان أصفهان الإيراني بإلغاء المباراة الودية والتي كانت مقامة عصر اليوم في مدينة أبوظبي وذلك في إطار برنامج المعسكر الذي يقيمه فريق الزمالك في دولة الإمارات.

جاء سبب إلغاء المباراة بعد قيام حسام حسن المدير الفني للزمالك بالتعدي على حكم المباراة بعد احتسابه ضربة جزاء على مدافع الفريق أحمد غانم أحرز منها الفريق الإيراني هدف التقدم.

وقد قام حكم المباراة بطرد المدير الفني للزمالك بعد أن تعدى عليه مما دفع حسام حسن أن يطلب من لاعبيه عدم استكمال المباراة ليقوم الحكم بإلغائها، وكاد الأمر أن يتطور لولا تدخل العقلاء.

ويحاول مسئولو الزمالك الاتصال بطارق غنيم رئيس البعثة للاستفهام عن حقيقة ما حدث بالتفصيل وعن الأسباب الحقيقية لإلغاء المباراة الودية.

[مان مصر]

هههههههههههههههههه
الاخلاق الحميده يا جماعه
تسلمى على الخبر

[M@HMOUD]

لا تعليق
من هنعلق غير لم نشوف الحقيقه ايه؟

[بنتك يا مصر وافتخر]

الحقيقه موجوده على موقع الاهلى فى فديو

بس انا مش بعرف ادخله

[بنت الجنوب]

دى مبارة وديه مكنش فيه داعى لده كله
معرفش الحكم كان عامل ايه وظلم الزمالك او لا
بس حتى لو كان كده
كان لازم يكملو المبارة
الزمالك حيلعب فى بطولة افريقيا حيعمل ايه لو الحكم وحش وكان زى حكم الاهلى والترجى
حينسحب برده
!!!!!!!!!!!!!!!!!!!!!!!!!!!!!!!!!!!!!!!!!!!!



الف شكر على الخبر

[ღ Gի๐sτ ღ]

هههههههههه

حكم الاهلى والترجى لو كان موجود فى مباراة للزمالك وعمل اللى عملة فينا كان ابراهيم وحسام قتلوة :d

لانهم عاوزين الفوز . سواء بالاداء ,. سواء بالبلطجة والسيطرة علي لجنة التحكيم والاتحادات زي عندنا فى مصر , سواء بالبلطجة علي الناس فى كل حتة يزورها , كل اما يطلع برة مصر لازم يرجعلنا بخناقة

لانة مبيطلعش برة كتير , المرة الوحيدة اللى خرجها بالمصرى اتخانق مع الحكام والكل

وادية تاني مرة ولا تالت مرة وراجعلنا بخناقة بردو

امال هايعمل اية فى افريقيا لما يشوف التحكيم علي حق ويقول نحمد الله علي التحكيم المصرى

بس للاسف لامبتى مش هايحكم للزمالك لان الاتحاد الافريقى بعد اللى شافة من لاامبتى فى مباراة الترجى

قام بشطب الحكم من قائمة الاتحاد الشهر الماضى :d

---
بس انا مستنى الصحفيين الزملكاوية المتعصبين امثال خالد الغندور واسامة خليل ومعروف

---

لما محمد بركات قام بضرب اللاعب بتاع الترجى

قاللك دانتو لعيبة قلالة الاداب معندكوش احترام ومش عارفين تسيطرو علي نفسكو

البدرى هو سبب الخسارة لان البدرى المفروض كان يهدى اللعيبة

---

ادي ابراهيم اهو عمل زي بركات وقام بالضرب بس ضربة عن ضربة تفرق

بركات ضارب بتاع الترجى كاسترجاع حق لصاحبة اللى اضرب من لاعب الترجى

بعدما كان فاقد السيطرة , لانة مستفز بطريقة غير ممكنة من الحكام والجماهير ولعيبة الترجى واي واحد مصرى اهلاوى او زملكاوي كان بيشجع الاهلى لو كان موجود كان عمل اكتر من كدة

انا كان قاعد معايا زملكاوية نفسهم ., كان محروق دمهم وبيتكلم علي اللعيبة المفروض انزلو ضرب فى الحكم بعد المباراة

فما بالك بركات اللى مظلوم بعينة

اما باراهيم حسن

اما دة ضارب الحكم نفسو من اول ضربة جزاء :d
من غير استفزاز ولا حاجة
امال لو كان مع لامبتى اللى من اول دقيقة كان عمل اية

والمدرب نفسو هو اللى مش قادر يمسك نفسو

لما نشوف هايقولو حسام مش قادر يمسك نفسو وهو اللى متعصب والمفروض يحافظ علي سيطرتة وكدة

ولا هايغيرو كلامهم ويقولك اصل الحكم ظالم

[الديلر احمد]

ولية كل الحقد دة ان شاء الله

بنقول مباره وديه يعنى مافيش داعى اننا نشمت اوى كدا

ما حسام البدرى فى المعسكر بتاعه بردو رفض يخرج من الملعب وكان على مودرن وقال كده

لكن الجهاز الفنى اقنعه انه يخرج

لكن انا شايف ان بعض الاهلاويه ما بيصدقوا يشمتوا فى اى حاجه

خليكو فى سيدى جوزيه بتاعكم وشوفوا هتجيبلوا اتنين مليون هو واخوته ازاى

[ღ Gի๐sτ ღ]

اقتباسالمشاركة الأصلية كتبت بواسطة الديلر احمدولية كل الحقد دة ان شاء الله

بنقول مباره وديه يعنى مافيش داعى اننا نشمت اوى كدا

ما حسام البدرى فى المعسكر بتاعه بردو رفض يخرج من الملعب وكان على مودرن وقال كده

لكن الجهاز الفنى اقنعه انه يخرج

لكن انا شايف ان بعض الاهلاويه ما بيصدقوا يشمتوا فى اى حاجه

خليكو فى سيدى جوزيه بتاعكم وشوفوا هتجيبلوا اتنين مليون هو واخوته ازاى

:no:
وعرفت منين ان جوزية بياخد اتنين مليون :Argentina-flag: بلاش حسد

احنا مبنجبش حد ونكون مش محضرين فلوسو علي فكرة

اللى نجيبو ونتفق معاه علي مبلغ كذا فى يوم كذا . بيروح يلاقى فلوسة فى نفس المعاد المحدد

مش بنذل الناس عشان تاخد الفلوس وننصب عليهم ونزور فى فلوسهم ونطلع غرامات من بعد مايسيبو النادي ب 6 شهور عشان نهرب من دفع المرتب بتاعهم

=---

اخوات جوزية فيهم واحد ارجنتينى علي فكرة , اخوة منين دة ؟

بس انت زعلان من اخواتة لية

دة حتى اوسكار دة . فى ناس جهلة متعرفش معني عملة , ماهو للاسف لان الناس بتقارن الاهلى بالاندية التانية

متعرفش ان الاهلى فريق عالمى ,. ومن حقة ان هو من يبدء بدخول العالمية فى مصر وانة دايما سباق

اوسكار مهنتة دى موجود باكبر اندية العالم , بس من غيظهم ان الاهلى سباق فى دخول العالمية بمصر . بيطلعو اشاعات اخوات ويقولو جاي عشان ياخد فلوس ويمشى

ميعرفوش يعنى اية محلل اداء اللاعبين ياعينى . لسة بيلعبو فى دورى الهواة بتاعهم ومش عاوزين يدخلو الاحتراف زي الاهلى اللى مكون لجنة احتراف من اجل تطبيق دورى المحترفين صح لما يبدء فى مصر ونكون عارفين كل حاجة فية من قبل مانبدء



فيدالجو , اعتقد ان مفيش احسن منو , كان بيخلى اللعيبة تلعب 31 علي اي فريق فى مصر وافريقيا من غير ماتتعب

[بنتك يا مصر وافتخر]

شكرا لكل من شارك فى موضوعى ولا داعى للتعصب دى مجرد مباراه وديه