معروف لجوزية : خدفرقة المقاطيع اللى انت جايبها ولف بيها علي الافراح

[ღ Gի๐sτ ღ]

اهلا بيكم زوار واعضاء منتديات مصريات

كالعادة , كل يوم خميس لازم محمود معروف يهاجم جوزية فى المقال اللى بيكتبة

ودي ابرز المقالات باللون الاحمر . وتعليقى علي كلامة هايكون باللون الازرق


جوزيه:
** فرقة المقاطيع التي أحضرتها معك ناقصها طبال وزمار وتلف بيها كل خميس وجمعة علي الأفراح!!


معلش مش عارف لية بتتكلمو كتير فى الموضوع دة , لانكو لسة عايشين فى وهم دورى الهواة , ومتعرفوش يعنى اية محلل وقياس اداء لاعبين ودة اللى مزعلكو اوي مش عارف لية , رغم انة مهنتة دى موجودة باكبر اندية العالم بس يمكن زعلانين لان الاهلى سباق

ومن ناحية فريق العمل ., اعتقد ان اي مدرب فى العالم لما بيمسك فريق هو اللى بيختار الجهاز المعاون ومثال علي كدة حسام هو اللى مشى عبد الحليم علي من النادي وهو اللى جايب الناس اللى معاه ومحدش اتكلم رغم ان عبد الحليم معروف بانة يعمل كل حاجة من اجل الزمالك ومسمعناش بقك وقتها

بس بكرة فرقة المقاطيع هاتعرفك معنى واحتراف المهن التدريبية







سمير زاهر:
** شكرا لك لتكريم حسن شحاته.. فاختياره في يناير ضمن أحسن 14 مدرباً في العالم لايقل عن أي بطولة نحصل عليها كل عامين في يناير!!


انت بنفسك اهو يمعروف , قلت احنا دلوقتى بنتكرم فى يناير . وافتكرت بطولات افريقيا اللى في يناير

يبقى متجيش تتكلم علي جوزية لما قال احنا فى المؤتمر 6-1 وافتكرت نتيجة ال 6-1

صح ولا انا غلطان ؟

سبحان مغير الاحوال من يومين بيقول اية ودلوقتى بيقول اية



ميسي:
** ميت ميسي علي عيونك وعيون بلاتر اللي طنش زافي وانيستا.. يا مرحبا.. أنييستنا يا ميسي!!


هو لسة فى كدة فى الكورة ؟

عاوز ميسى يعمل اية تاني يعنى من مهارة ولعب واهداف وكل دة

طبيعى ان اللى جايب كاس العالم بيبقى فرصتة كبيرة لانة جاب بطولة كبيرة

بس متنساش ان الجايزة اسمها احسن لاعب , يعنى بردو الاعب اللى الحلو بيفرق بنسبة كبيرة

مش نروح مثلا ندي الجايزة لنفيس عشان جاب كاس عالم ونسيب ميسى


الشيخ أحمد الفهد الأحمد:
** شكراً لك فقد ساعدت في انتخاب الأميرة هيا بنت الحسين رئيساً للاتحاد الدولي للفروسية.. وانتخاب شقيقها الأمير
علي نائباً لرئيس الاتحاد الدولي لكرة القدم.. والنبي تشوف حاجة لمجدي عبدالغني!!

معلش . اصل مجدي عبد الغنى طلع وقالك والنبى انا عاوز امسك منصب فى الفيفا حد يشرحنى

انت اللى مضايقك منو يعنى



محمود الجوهري:
** لا أصدق أنك قلت بأن بطولة أمم آسيا أفضل وأهم وأقوي من أمم أفريقيا وأمم أمريكا الجنوبية.. عيب تضيع تاريخك!!


بطولة افريقيا حلوة , بس كورة اسيا تطورت جدا . ومتنساش ان افريقيا خرجو علي يد منتخبات اسيا فى كاس العالم

الكاميرون خرجت علي يد اليابان ونيجيريا خرجت علي يد كوريا



أحمد شوبير:
** حلقة رائعة التي استضفت فيها جوزيه.. فعلاً.. القط ما يحبش إلا خناقه.. شكراً لمازن مرزوق الذي أحضره لك!!

هو قال حاجة وحشة ولا حاجة ؟ وخناق اية ووجع دماغ اية

خناق عشان جوزية قاللك انا عاوز افتح صفحة جديدة مع الصحفيين وانا بحترم كل الصحفين واللى عاوز ينتقدنى ينتقدنى فى ادائى وليس يجرح فيا؟

خناق عشان قال انا من ناحيتى صافى مع كل الناس وبحترم كل الناس بس اللى ميحترمنيش من حقى محترمهوش

يعنى الناس كلها خرجت تشكر فى الحلقة وانت الوحيد اللى زعلان منها

سبحان الله



مرتضي منصور:
** بصراحة.. ده وقتك!!

وقتة يتخانق يعنى ولا اية

منصور لو مسك النادي بنسبة كبيرة هايمشي شيكابالا

دة وقته بردو ؟


محمد بن همام:
** عيب جداً ان تساند تشونج مونج الكوري في انتخابات الاتحاد الآسيوي ضد أخيك العربي علي بن الحسين!!

ومين قالك الكلام دة ؟

الراجل معلنها صراحة من قبل مايدخل التصويت كمان انة هايكون مع العلى بن حسين

ومثلا لو هو ساند تشونج مونج

عيب في اية ؟

العيب انة يخون عملة من اجل واحد عربى

يعنى هو شايف مصلحة اسيا مع واحد كورى , يقوم يضيع اسيا اللى هى الامانة فى ايدة , ويديها لواحد غير ثقة فية من اجل انة يديها لعربى مجاملة ؟

اعتقد ان ابن همام لو اختار شونج انا مساندة بشدة , لان عملة انة يختار اللى يفيد اسيا اللى امانة فى ايدة مش يختار القرايب لانة صحبة وعربى والكلام دة

[مان مصر]

انا مش عارف معروف ده ماله
يا عم ده انت اللى عملك اعلامى ظلمك والله
انت اخرك اوى تقعد فى بيتك تقشرلها البصل
شكرا على الخبر يا محمد
اه نسيت حكايه فرقه المقاطيع بكره توريكو نفسكم الفرقه اللى بتقول عليها دى
هنشوف مين هما فرقه المقاطيع

[ღ Gի๐sτ ღ]

تصدق يامان انا اول مرة اتفق مع معروف فى حاجة

ان فعلا فرقة جوزية مقاطيع

لانها بتقطع :d
6 و 4 من جوزية :d

[مان مصر]

اقتباس
المشاركة الأصلية كتبت بواسطة Ghost.Rider





تصدق يامان انا اول مرة اتفق مع معروف فى حاجة

ان فعلا فرقة جوزية مقاطيع

لانها بتقطع :d
6 و 4 من جوزية :d

ههههههههههههههه
اه والله عندك حق يا محمد
يا زمالك خبى عيالك ده جوزيه المرعب جالك

[ღ Gի๐sτ ღ]

جاني حبيبى جاني والستة هاترجع تانى

[DESERT]

هههههههههه معروف دة اعلامى فاشل هو عاوز يلمع نفسة وسلملى على البتنجان ههههههه ااهو بيتكلم وخلاص بتنجان فى بتنجان هههههه

[بنتك يا مصر وافتخر]

هههههههههههههههههههههه
لا تعليق الايام بيننا يا معروف

وشكرا للشباب(مان مصر واحمد وGhost.Rider) هما قالوا احلى كلام
تسلم ايديكم

[ღ Gի๐sτ ღ]

تسلمو علي الردود

واخر الموسم هانشوف الاهلى بيستلم الدورى ان شاء الله كالعادة

واما انشوف رد معروف :d

بس خليكو فاكرين

لحد دلوقتى الزمالك المتصدر ومش سامعين نغمة التحكيم بس سامعين نغمة ان الاهلى مبيكسبش لان الحكام حلوين خاصة انهم من اوروبا

لما انشوف الردود هاتبقى ية بعد نهاية الموسم لما الاهلى هايفوز . هاتلاقو كل حاجة اتعكست

الاهلى كسب عشان التحكيم وحش رغم انة دلوقتى بيقولو عليه حلو ولكن عشان الزمالك متصدر , بس هايبقى وحش ومجامل للاهلى لما يكون الاهلى متصدر