عقوبات مشددة فى إنتظار محمد طلعت ..ومهاجم غاني في التدريبات

[ღ Gի๐sτ ღ]

شهدت تدريبات النادى الأهلي والتى تأتى ضمن الاستعدادات للقاء مصر المقاصة غدًا فى ختام مباريات الاسبوع الخامس عشر واقعة مؤسفة بين اللاعب محمد طلعت مهاجم الأهلي وحسام غالى مما دفع طلعت للخروج من الملعب ودخوله فى مشاده اخرى مع مدربه محمد يوسف وغادر المران.

وقام سيد عبد الحفيظ مدير الكرة بالاجتماع باللاعب في غرفة اللاعبين وإقناعه بالعودة للمران وهو ما فعله اللاعب وعاد إلى الملعب.

ومن المتوقع أن يتم توقيع عقوبات مشددة ضد اللاعب لتركه المران منها استبعاده من مبارة المقاصة .

وفى جانب اخر خضع الغاني كوادو بوكو مهاجم أشانتي كوتوكو "25 عاما" للاختبار في تدريبات الأهلي تمهيداً للتعاقد معه

وفي حالة اقتناع الجهاز الفني للأهلي بقيادة البرتغالي مانويل جوزيه باللاعب الغاني سيكون ثالث صفقات الشياطين الحمر بعد عماد متعب ودومينيك دا سيلفا.


عقوبة فورا وقاسية علي اللاعب

ومرة اخرى تحصل منة , بالسلامة برة النادي

الحمد لله ان عندنا ادارة تدى عقوبات علي اللى يتعوج وميحترمش نفسو

ولا سن صغير وشباب والحجج الفارغه اللى بنسمعها من الناس التانية
يقولك اصل لسة شاب ومعندوش خبرة وحالتة النفسية سيئة والكلام دة
لازم عقوبة ترضى الجماهير اول شىء

لان مينفعش لاعب يسيب التمرين ويخرج

ان كان غالى اتنرفز عليه فى التمرين بسبب دلعه فى الكورة

فدة عادي لان غالى كابتن الفريق ولازم يزعق لاي حد يتهاون فى التدريبات
حتي يفوق اللعيبة

مش يسبهم يدلعو فى الكورة وعادي




ولاطبطبة ودلع

[واد حبيب]

ههههههههههههههههههههه


لاء ياعم الاهلي مفيش عنده دلع

ولازم كل واحد غلط يتعاقب

بس مش يخرج بره النادي

الحبيب

[ღ Gի๐sτ ღ]

تسلم ياحبيب
احنا عندنا فى الاهلى اللى بيدلع بيخرج
هو طلعت كان بسيطة الى حد ما . بيقولك السبب تدخل عنيف فى الكورة وكان ممكن يحدث اصابة

وخد عقوبتة وكفاية علي كدة

انما لو عملها تاني ادارة الاهلى هاتطردة بس هي سايباة المرادى لانها مش كبيرة اوى

--
خللي بالك

ادارة الاهلى هى اللى طردت حسام وابراهيم حسن ,. وهى اللى سابت ابرهيم سعيد ودة بسبب الاخلاق

وهي اللى وقفت ابراهيم حسن 6 شهور بسبب اخلاقة فى مباراة مصر والمغرب رغم ان الاهلى ليس طرف فى المباراة

وهى اللى وقفت سمير كمونة سنة

وكل دة واللعيبة دول كانو فى عز مجدهم واحسن لعيبة فى مصر
فمش هايبقو علي طلعت هو كمان يعنى مش فارقة

لان عندنا الاحترام اهم حاجة

[بنت الجنوب]

الغلط لازم يتعاقب
مش عاوزين ابراهيم سعيد تانى


الف شكر لادارة الاهلى


الف شكر على التوبيك

[ღ Gի๐sτ ღ]

تسلمى علي المرور بنت الجنوب

هو اللى قالة طلعت ان الى حصل كان مداخلة عنيفة فى الكورة
وبعدين ساب التمرين ومشى وسيد عبد الحفيظ رجعوة

لكن الاعلام ضخم الامور وبيقول رمى الفانلة علي الارض واتخانق مع محمد يوسف وحاجات غريبة
معرفش جابو محمد يوسف منين

بس لاز م يتعاقب وكويس ان الادارة مسبتهوش وقالت نرفزة ملعب زي ماحصل امبارح مع احد اللاعبين

بالتوفيق للاهلى