المجلس القومى لحقوق الرجل!!

[DO3AA]

منذ سنوات..تم إنشاء المجلس القومى لحقوق المرأة,قلنا لا بأس حيث أن بعض حقوق المرأة كانت مهضومه بعض الشئ من قبل المجتمع وخاصة الرجل,و بدأ المجلس فى استعاده الحقوق الخاصة بالمرأة,و من المفترض ان مهمة المجلس الموقر تقف عند هذا الحد.
لكن للاسف تجاوز هذا الحد بكثير,فطالب بجعل ميراث الانثى مساوياً لميراث الذكر,و بتوريث المسيحية من المسلم,و المطالبة بحق الزوجة ف نصف ميراث الزوج بجانب حقها الشرعى,كما دعى(انصار المرأة)إلى انتساب الأبناء الى امهاتهم, وكثير من المطالبات الغريبة.
هذه الاشياء_لن أسميها حقوق_هى ليست فقط حقاً أصيلاً للرجل,لكن هى مخالفة للشرع و لما فطر الله الناس عليه,هنا فقط بدأ المجلس فى الانحراف عن وجهته الصحيحة,حيث انه اعطى للمرأة حقوقاً لا تسمى أصلاً حقوق,فأظهر الرجل بمظهر ضعيف بالمقارنة بما عليه المرأة الآن.
فحدث خلل فى النظام الإجتماعى,و برأيي أن هذا المجلس تأثيره على المرأة لم يكن إيجابياً بقدر ما كان سلبياً و مرهقاً للمرأة نفسها,أنا لست ضد المرأة,فأنا لا أنسى كونى أنثى,كما أننى لست مع الرجل كلياً,و لكن أحب أن يكون هناك حدود لا نتجاوزها,و ما يحدث الآن شئ مخزى,لا أعارض المساواة,لكن ما يحدث هو ظلم للرجل بكل المقاييس
فى الماضى..كان الرجل يتزوج إمرأة,أما الآن فمعظم الرجال يتزوجوا برجال مذكور فقط فى بطاقاتهم انهم إناث,يتزوج من تعامله معامله الند للند,أصبح الرجل فعلا بحاجة إلى إنشاء مجلس يستعيد له حقوقه,و يعيد للمجتمع توازنه.

[Dr.nour]

ربنا سبحانه وتعالى اعطى للمرأه دور فى المجتمع >> الا وهو تربيه الاولاد وتنشئتهم تنشئه سليمه

لانها هى الى هتطلعهم على الاخلاق والمثل وهى برده الى ممكن تطلعهم على الانعواج والانحراف

لما بقى هى يكون متوفرهلها كل الظروف لده وجوزها مكفيها هى وعيالها وهى تقول انا عاوزه اشتغل

ده اسمه قله قيمه ،، طيب ربنا عاوز يريحك

انتى عاوزه تتعبى نفسك....

وتقصرى فى حق بيتك وجوزك وعيالك والمجتمع ليه !!

فى مثل بيقول

" سكتناله ... دخل بحمــاره "

هو ده اللى حصل بعد ما المرأه اخدت بعض الحقوق المهضومه ليها فى المجتمع

بس بعد كده ،،، فى ناس افترت فعلا

والله المعيـــــــن ...

[انين الزكريات]

مرسى على التميز

[DR.SMA]

موضوعك مميز جدا والله

فكره المساواه الغريبه الي الكل بيتكلم عنها

مستحيل يكون في مساواه في المجتمع بالطريقه الي هم بيتكلمو عنها

لان دي فطره ربنا خلق عليها البشر

لكل منهم دوه المعروف

ومش هقولك ان دور المرأه في البيت بس

اكيد ليها الحق في الشغل بس بحدود معينه

وفي مجالات معينه ايضا

لكن الطلبات دي اسمحيلي شويه تخاريف

وخروج عن الشرع والعقيده الدينيه كلها

تسلمي على موضوعك القيم

دمتي بكل خير

تحياتي

[دمعه حائره]

المساواه لايجب ات تتخطى حدود الشرع
معروف ان الاسلام كرم المرأه جدا
وساوى بينها وبين الرجل فى كثير من الامور
لكن هناك بعض المطالب التى جعلت المرأه
تجور على حقوق الرجل ومن الظلم ان نسعى لتحقيقها
بل من التعدى على مبادىء الدين تحقيقها
تحياتى لكى دعاء موضوع قيم ورائع

[مشتاقه للجنه]

ههههههه تصدقى عندك حق يا دعاء

فعلا المرأه أخذت حقوقها الشرعه وبعدها تريد ان تجور على حقوق الرجل

بس من يلجأ للسنه النبويه وللقرآن الكريم سيجد تكريم المرأه فى موضوعها

وسيجد واجبات الرجل وحقوقه ومن الصعب ان نتخلى عن شريعتنا ....

تسلمى يا قمر على الموضوع الرائع

تحيااتى

[رحيق الجنه]

تحياتى على الموضوع
قال تعالى:
خلق لكم من أنفسكم أزواجا لتسكنوا إليها
فقد خلق الله حواء من ضلع آدم حتى يكون هو الأصل
وتكون هى السكن
وان حدث اى خلل فى أحكام الله حدث خلل فى النظام الأجتماعى
حق المرأة نصه الله فى كتابه وأقر به رسول الله
حق الرجل كتبه الله على كل أمرأه وتوعدها بمخالفته
لكن قدر الاحترام الذى يفقده بعض الرجال والذى تزيد من استخدامه بعض النساء
هذا هو السبب فى الخلل الذى نراه
تحياتى على الموضوع
نتمنى رؤية قلمك هنا كثيرا

[K A S E M]

تسلم ايدك يا دعاء على الطرح المهم
ايوه كده ..كنا مفتقدين قلمك والله
بالنسبه لموضوعك
فاى شىء فيه خروج عن الشرع لازم يكون ليه عوائد سلبيه على المجتمع
بس انا متنرفز بصراحه:sly:
يعنى زمان المرأه مكانش ليها حقوق

وقعدت تتسهتن لحد ما تتمكن

ودلوقتى ما شاء الله كل يوم يطلعلها قانون جديد
زمان كانت لما تخنق جوزها تقوله مش عاجبك طلقنىىىىىى
دلوقتى هخلععك وتتك اوى عليها اتهزأنا والله:090:
مش عارف عايزين حقوق ايه اكتر من كده:202:
حتى فى التوبيك انا الولد الوحيد اللى رادد
عموما احنا كنسنا عليكوا السيده زينب:bb7:..

[misho]

كلمة المساواة بين الرجل والمرأة انا بعتبرها كلمة خاطئة اصلا
مش هينفع يبقي فيه مساواة بالشكل المطلق
كفاية ان الله سبحانه وتعالي قال
{ وَلَيْسَ الذَّكَرُ كَالأُنثَى }
الاسلام كرم المرأة واداها حقوقها كاملة عكس في الجاهلية كانت حقوقها مهضومة بشكل كبير
وكانت المرأة مسلوبة ارادتها في كل حاجة
الاسلام جة كرمها و حفظ حقوقها
كل واحد له وظيفته اللي بتختلف عن الاخر
هما متساويين في الامور الدينية الا في فوارق معينة بين الرجل والمرأة
حتي في الحياة عاما كل واحد ليه وظيفته و عمله
والاتنين بيكملوا بعض
تسلمي يا دعاء علي موضوعك القيم
تحياتي

[DO3AA]

اقتباسالمشاركة الأصلية كتبت بواسطة N@nooOooربنا سبحانه وتعالى اعطى للمرأه دور فى المجتمع >> الا وهو تربيه الاولاد وتنشئتهم تنشئه سليمه

لانها هى الى هتطلعهم على الاخلاق والمثل وهى برده الى ممكن تطلعهم على الانعواج والانحراف

لما بقى هى يكون متوفرهلها كل الظروف لده وجوزها مكفيها هى وعيالها وهى تقول انا عاوزه اشتغل

ده اسمه قله قيمه ،، طيب ربنا عاوز يريحك

انتى عاوزه تتعبى نفسك....

وتقصرى فى حق بيتك وجوزك وعيالك والمجتمع ليه !!

فى مثل بيقول

" سكتناله ... دخل بحمــاره "

هو ده اللى حصل بعد ما المرأه اخدت بعض الحقوق المهضومه ليها فى المجتمع

بس بعد كده ،،، فى ناس افترت فعلا

والله المعيـــــــن ...


و الله يمكن من اكتر الحاجات اللى المجلس دعا ليها
هى عمل المرأة
و بجد ارهق المرأة بمهام هى متخلقتش ليها
و مش فاهمه ايه المشكله ان الست تقعد فى البيت
و لو على تحقيق الذات اللى بيتكلموا عنه
ف تحقيق الذات الحقيقى لأى ست هو نجاحها فى بيتها
فى تربية اولادها والحفاظ على زوجها
و لما ربنا يوفقها وتحقق ذاتها جوه تبقى تدور على تحقيق الذات بره
متشكره جدا يا نانو ع مرورك
نورتى الموضوع