جلال إبراهيم: اول يوم في الشهر بيبقى اسود ومرتب جوزيه يحل كل مشاكلنا

[ღ Gի๐sτ ღ]

أبدى المستشار جلال إبراهيم رئيس مجلس إدارة نادي الزمالك حزنه الشديد لما يمر به نادي الزمالك من أحوال مادية سيئة وعدم وقوف رجال الأعمال بجانب النادي في تلك المرحلة وفشل حملة "ناديك يناديك".
وأوضح رئيس نادي الزمالك في تصريحات إذاعية عن شعوره "بالنكد"وأصبح بداية الشهر "يوم اسود" بسبب أن لديه التزامات تقدر بـ800 ألف جنيه بجانب أقساط اللاعبين لا بد توفيرها في بداية كل شهر.
وأكد المستشار أن محبي نادي الزمالك الذي يتباهوا بحبه على الفضائيات تخلوا عنه ولم يقم أحد بالتبرع إلى النادي ألا بالقليل لم يتجاوز مبلغ 85 ألف جنيه وأن الجميع لابد ان يقف مع نادي الزمالك خلال الفترة القادمة وأبدى تعجبه من تبرع البعض بمبلغ خمسة جنيهات وعشرة جنيهات.
وأضاف إبراهيم أنه قام بالتحدث مع عبدالمنصف لاعب الفريق السابق في جلسة "فضفضة" ليخرج منصف معلنا هذا الحديث على الملأ وطلب من منصف في حديثه الإذاعي الصبر على النادي وعلى حد تعبيره "ياما عبالمنصف خد فلوس مننا كتير".
وأوضح رئيس نادي الزمالك أن مرتب مدير فني لفريق منافس "يقصد جوزيه" يقوم بحل جميع مشاكلنا المالية خاصة في تلك الظروف الصعبة التي نمر بها.


اعتقد ان من البداية احنا قلنا . مينفعش حد يفتح حساب تبرع ويشحت . لان الناس مش هاتوافق علي كدة


اللى يوافق اللى يدفع رجال الاعمال فقط اللى بيدفعو سواء بحساب او بدون حساب


اما لو فتح حساب فالناس العادية لن تدفع لانها من الاولى تتبرع بيها او تخليها لعيالهم

[بنت الجنوب]

مش مرتب جوزيه هو الحيحل مشاكل الزمالك
اليحل المشاكل انهم قبل ما يشترو لاعبين جدد يدو اللعيبة المشيو فلوسهم وميظلموش حد علشان ربنا يبارك لهم
مش عقد ميدو يزيد عن 15 مليون وواحد زى عبد الواحد يخدو حقه 270 الف جنيه
حرام البيحصل ده


الف شكر على لتوبيك

[ღ Gի๐sτ ღ]

عادي بنت الجنوب

ماهما دلوقتى ماشيين بمبدء

اللى يفيدنا ياخد فلوس واللى ميفدناش ننصب عليه


الزمالك عشان مشاكلة تتحل . يجيب ادارة محترمة وتتكلم باحترام زي ادارة الاهلى مثلا او ادارة انبى

ويعملو كل شغل باحترافية بدون كلام كتير وبدون مايظهرو للناس مشاكلهم . ويدو كل واحد حقة حتي ياخدو الثقة

واحد يقولك القيعى بيسرق اللعيبة والكلام دة
لا . الحقيقة ان اللعيبة بتخاف تمضى للزمالك لانهم عارفين انهم مش هايخدو فلوسهم فى الاخر
وميدو نفسة اهو اللى من اسبوع كان بطل وانا اكبر زملكاوي فى مصر ومستحيل اتخلي عن الزمالك
جايين يقعدو معاه . يقولك . انا هاخد كام . فين المقدم

ربنا يهدى