علي أسم مصر

[بحرولكن]

اسم مصر
على اسم مصر التاريخ يقدر يقول ما شاء

أنا مصر عندي أحب وأجمل الأشياء


بحبها وهي مالكة الأرض شرق وغرب


وبحبها وهي مرمية جريحة حرب


بحبها بعنف وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب


وتلتفت تلاقيني جنبها في الكرب


والنبض ينفض عروقي بألف نغمة وضرب


على اسم مصر


مصر النسيم في الليالي وبياعين الفل


ومرايه بهتانة ع القهوة .. أزورها .. واطل


القى النديم طل من مطرح منا طليت


والقاها برواز معلق عندنا في البيت


فيه القمر مصطفى كامل حبيب الكل


المصري باشا بشواربه اللي ما عرفوا الذل


ومصر فوق في الفراندة واسمها جولييت


ولما جيت بعد روميو بربع قرن بكيت


ومسحت دموعي في كمي ومن ساعتها وعيت


على اسم مصر


أنا اللي اسمي حتحـور .. أنا بنت رع


مثـال الأمـومـة ورمـز الحـنـان


تفـيض حـلمـاتي وتمـلا الـتـرع


وتسـقـي البـشـر كلهـم والغـيـطان


نهايته يا مصر اللي كانت أصبحت وخلاص


تمثال بديع وانفه في الطين غاص


وناس من البدو شدوا عليه حبال الخيش


والقرص رع العظيم بقى صاج خبيز للعيش


وساق محارب قديم مبتورة ف أبو قرقاص


ما تعرف اللي بترها سيف والا رصاص


والا الخراب اللي صاب عقل البلد بالطيش


قال ابن خلدون أمم متفسخة تعيش ليش


وحصان صهل صحى جميع الجيش


على اسم مصر



النخل في العالي والنيل ماشي طوالي


معكوسة فيه الصـور .. مقلوبة وانا مالي


يا ولاد أنا ف حالي زي النقش في العواميد


زي الهلال اللي فوق مدنة بنوها عبيد


وزي باقي العبيد باجري على عيالي


باجري وخطوي وئيد من تقل أحمالي


محنيه قامتي .. وهامتي كأن فيها حديد


وعينيا رمل العريش فيها وملح رشيد


لكني بافتحها زي اللي اتولدت من جديد



على اسم مصر


مصر .. التلات أحرف الساكنة اللي شاحنة ضجيج


زوم الهوا وطقش موج البحر لما يهيج


وعجيج حوافر خيول بتجر زغروطة


حزمة نغم صعب داخلة مسامعي مقروطة


في مسامي مضغوطه مع دمي لها تعاريج


ترع وقنوات سقت من جسمي كل نسيج


وجميع خيوط النسيج على نبرة مربوطة


أسمعها مهموسة والا أسمعها مشخوطة


شبكة رادار قلبي جوه ضلوعي مضبوطة


على اسم مصر


وترن من تاني نفس النبرة في وداني


ومؤشر الفرحة يتحرك في وجداني


وأغاني واحشاني باتذكرها ما لهاش عد


فيه شيء حصل أو بيحصل أو حيحصل جد


أو ربما الأمر حالة وجد واخداني


انا اللي ياما الهوى جابني ووداني


وكلام على لساني جاني لابد أقوله لحد


القمح ليه اسمه قمح اليوم وأمس وغد


ومصر يحرم عليها .. والجدال يشتد


على اسم مصر

[بحرولكن]

أبكى ... أنزف ... أموت



وتعيشى ياضحكة مصر



وتعيش يانيل ياطيب



تعيش يانسيم العصر



وتعيش ياقمر المغرب



تعيش ياشجر التوت



أبكى ... أنزف ... أموت



تعيشى ياضحكة مصر



وتلا ميذ المدارس



والنورج اللى دارس



والعسكرى االلى دايس على الصعب علشان النصر



يا مراكب يا صوارى



يا شوارع يا حوارى



يا مرازع يا صوامع



يا مصانع يا مطابع



يا مينا يا كبارى



يا ........... يا بيوت



أبكى ... أنزف ... أموت



وتعيشى ياضحكة مصر

[بحرولكن]

لو لفيت العالم كله مابلاقي متلك يا مصر
حضارة عظيمة شعب كبير عنده عزة و هيبة ونصر
نهر النيل بيقسم أرضك فوقه كوبري و مرسى وجسر
فعلا انتي ام الدنيا وبنرددها صبح و عصر
واللي يفكر يغدر بيكي جيشك قوي بيكسر كسر
دايما عاليه دايما غاليه شعارك هو شعار النسر

[بحرولكن]

حلــــــوة بـلادي السـمرة بلادي الحرة . . بلادي . .


حلــــــوة بـلادي السـمرة
بـــــلادي الــــحـــــــــرة
بلااااااااااااااااااااادي
*
وآنا ااااااااااااااااا
على الربابه بــغـــنـي
م املــــكـــــــش غــــير
إنـي اغــنـي وأقــــــول
تعــيــشـــي يا مـــــصـر
*
وآنا ااااااااااااااااا
عــلـــى الربـابـه بغني
م املــــــكــــش غـــيـر
غــــــــــنــــوه أمـــــــــل
لـــلــــجــــــنـــــــــــــــود
أمـــــــل لـلــنــصــــــــــر
ليــــــــــكي يا مـــصـــر
*
وآنا ااااااااااااااااا
على الربابــه بـغـني
اغنــــــــي
وأبــارك
كل خــــــــــطـــــــوه
تــــعــــدّي
تــــــعــدّي
ع الـطــــريـق الصعب
تــــــحيــا مــــــــــصــــر
*
وآنا ااااااااااااااااا
على الربــابه بغني
وبــــــــغــــــنّــــــــــي
غــــــنـــــوة الحـرّية
قول معايا يـا شـعب
تـــحـــيــا مــــــــــصــــر
*
حلوة بلادي السـمرة
بــــــــلادي الـــــــحـرة
بلاااااااااااادي
*
وآنا ااااااااااااااااا
على الربابه بـغـني
يا عــاشــــق ومـغــنـي
وإااااااااايه هـــكـون
جــــنـــب عــــشـــاقك
يـااااا مــــــــصــــر
*
وأنتي اللي مبتنسيش
ضـــناكي
دمّه ع التراب الحُر
فـــــداكي يامـــــصــــــــر

[ملاك الصمت]

اخي معتز ابدعت

عجزت كلامتي وصف روعة كلامتك

مصر بجد كبيره وهتبقى فوق الجميع

سلمت اناملك التي ابدعت في وصف الحبيبه

[ملكة القلوووب]

بصرااااحه انت مبدع بمعنى الكلمه
تستاااااااااااااهل تصفيق حار لكلامتك الرائعه

[واد حبيب]

بحر ولاكن يا صاحب الابداع الجميل

عجز قلم عن الرد امام كلماتك الجميله

بجد انت مبدع وصاحب قلم ذهبي

تقبل مني كل احترام وتقدير

الحبيب

[بحرولكن]

نورت ياحبيب متصفحي
أشكرك ياخي علي كلماتك دائما
دمت بدوام حبرك وحفر قلمك هنا

ومازال بحر والانتفاضه قائمه
لجلك يمصر تهون أيامي وأحلامي
لجلك يعصر الحريه وبلاد الخير
لجلك يعصر الحرية وجبل الصمود
لجلك أنا بحر أسقيكي من دمي

[بحرولكن]

ملاك الصمت
كل الروعة بحضورك أختي متصفحي
دمتي كما أنتي بكل الصحه والخير





ومازالت الانتفاضه والروح والدم
مني ومنك ومن ارضي لسما مصر
مني ومن دمي والحاني وقلم النبض
مني ومن قصر القلوب نديكي يا مصر
وعنك ما احوش دمي ولا يكون غيرك

[بحرولكن]

ملكة القلووووووووووب

نورتيني وكل الابداع في من خلق مخلوقه راقيه مثلك
أشكرك لحضورك




ياقلب الدنيا يامصر
ابنك غريب في بلد الرسول
أبنك منها يناديكي بالصمود
أبنك علي درب الامل موجود
يدعي لشعبك منه لدم منصور
وعلي وبركات وعمر وكل شهود
يامصر قومي وانزفي أبطال
أبنك هنا كله أمل فيكي