طريقة عمل صينية الجلاش باللحمة المفرومة

[الحصان الأبيض]

... صينية الجلاش (لكلاج) باللحمة المفرومة ..


جربوها وادعولي طعمها اكتر من روووووووعة وحتعجبكوا اوي

المقادير

لفة جلاش فاخر ..

نصف كيلو لحم عصاج

اصبع ذبدة مذاب

2 كوب حليب دافئ

2 بيضة

ملح وفلفل اسود

الطريقة

الأول نعضج اللحمة مع بصلة مقلية بالزيت وفلفل رومي مقطع وفلفل اسود وملح


ونحضر صينية ويفضل تكون مربعة وندهنها بالذبدة بعد ذلك ناخد ورقة جلاش بنطبقها اتنين ونحطها في الصينية تبقى كأها طبقتين وندهنها بالذبدة ... ثم ورقة تانية ونطبقها اتنين ونحطها في الصينية وندهنها بالذبدة ،، نضع حوالي اربع ورقات جلاش مطبقين (اثنين) وندهنها بالذبدة

بعد ذلك نحط عصاج اللحم ونفرشة ع الجلاش ماعدا الأطراف

بعدين نحط طبقة تاني جلاش وندهنها بالذبدة وهكذا تقريبا 5 طبقات واخري شي ندهن الوش بالذبدة كمان ... ونقطعة بالسكين لمربعات او مثلثات زي ما يعجبك

ودي الصورة بعد ما خلصت رص ودهن وتقطيع





ودي صورة من قريب





بعدين نكون مجهزين في الخلاط 2 بيضة وكوبين حليب وملح وفلفل واذا بتحبي نصف مكعب ماجي

نضربهم ونحطهم فوق الجلاش...







وندخلها فرن حار لحد ما تحمر من فوق .. انا عامة مش بشغل لها الشواية من فوق بتركها بدون فتح الفرن وبتستوي وتحمر بدون شواية عشان ممكن تحليها تتحمص من فوق وماتطلعشي بنفس الطعم



الوقت.... نصف ساعة




بعد ما استوت





بعدين نعيد تقطيعها على نفس التقطيع الأول ...

بعد التقطيع









ملحوظة/ بعد ما تطلعيها من الفرن ماتخليهاش تتعرض لتيار هواء عشان ما تنشفش من فوق وتتكـسر الطبقة الأولى....
منقووووول

[هزوره المصريه]

ميرسى كتير على الوصفــه
بجد أنا بموت فيهــا سلم الأيادى

[أمَيـرة بنــظرتـى]

رووووووووعه