لو بطلنا نكذب نمووووت !!!

[بنت ناس]

تخيلو لو الحياه بقت كلها صراحه ..الناس هاتقول إيه لبعض؟؟

تخيلو لو بطلنا نكذب هايبقى الحياه حلوه ولا صعبه ؟؟ طبعا حلوه بس المشكله إن الكذب زى خيوط العنكبوت ماينفعش تخرج منه بسرعه
بس هانحاول ، هنا هقدم ليكم ناس بطلت تكذب هنشوف كلامهم هيبقا عامل ازى

بياع طماطم : يا أوطه ياللى بنغلى فيكى براحتنا وننزل براحتنا وبنشتغل الناس بيكى علشان يشتروا مننا .


بياع مش ، الى هو بتاع الجبنة الحدقة : يا أووحش من الجبنه ميت مره يا مش ..قرب جرب يا بيه ..العلبه الزرقاء كامل الدود والعلبة الحمره نص دود والخضرا منزوع الدود.


شحات : عايز فلوس علشان أشترى العربيه اللى بحلم بيها ...وال n97 بقى اوفر قوى ومش بينزل برامج والحياه بقت بويستى بوووووووو

طالب فاشل : اللهم إعمى عين المراقب ..اللهم يا رب اللجنه تبقى سايبه وكلنا نغش اللهم سلم سلم .

زوجة لزوجها : ايوة مجهزتش الاكل ومش مجهزاة بقالى 8 سنين عمالة اطبخ وانت زى العجل بياكل فى النجيل
للنجيل بيخلص ولا العجل بيشبع

عضوة فى المنتدى : ادارة زفت واعضاء مزيفين وشباب لابسين اقنعة وعاملين نفسهم مؤدبين ومحترمين جتكم القرف مليتم المنتدى"


مشرفة فى منتدى : اية المواضيع الزبالة دى .....وفى الاخر تزعلوا لو حذفنا حاجة

موظف لمواطن : فوت بكره علشان أقوللك فوت بكره علشان لما تيجى اقولك فوت بكره ...وربنا يقدرنى وأطلع اللى بيعموله فيا رؤسائى على جتة الشعب نفر نفر


ابن لولدة : يوووووووووة يا بابا ما تريح دماغك امك منى بقا قرفتنى فى عشيتى يا شيخ اااااااااة بشرب سجاير

بنت مايعة : ماما هتنامى امتا بقا علشان الواد بتاعى عاوز يتصل بيا ومش عارف

ولد بيحب بنت : والله يا حبيبى انا طول الليل بفكر انى اقولك انى عمرى ما فكرت فيكى ولا انتى اصلا فى بالى
انا كلمتك علشان نهى صحابتك منغششة فى دماغى وبحلم بيها طول الليل

شركة محمول: نقدم لكم عرض خاص مجانا بس هاتدفع رسوم وخليك حلو كده وفاكر نفسك ناصح وإبعت ماسيدجات وإتكلم من القلب ولا من البق ولا من الرجل حتى ..كده كده قرطاس مليان قشر لب مش لب كمان.


سمسار: انا واضع يدى على الأرض دى ببلاش بس علشان عيونك وعيون المزمازيل هاأخلصهالك بنص مليون يلا يا سيدى ..تعيش وتاخد غيرها .


جزار للزبون : يا جماعه كلاب ولا حمير إييييييييه يعنى !!! هو أنا كنت وكلتكوا حاجه تانيه .. وبعدين لو جربتوا اللحمه البقرى مش ها تعجبكوا وهاتحنوا للفخده الكلابى تانى هاتشوفواااااااااا.


بياع سريح : ما تخلى عندك دم وهات فلوس وسيب الحاجه أفرجها للى بعدك مش شرط يعنى تدفع وتاخد ..زكى عن صحتك يا اخى .


علاقات عامه : إخرس يا تيت يا إبن التيييييييييييييييييييييت ..أنا غلطان إنى جيت لواحد تيت إبن تييييت زيك أبوس تيييييت اهلك يعنى علشان تشترى المنتج يا بن التيت يا حمار.


أرصاد جويه : الدنيا برد حر والشمس طاله والدنيا بتمطر ...واللى تحبه يا باشا .


عامل لمدير :ربنا ياخدك شامى ومغربى مايخلى فيك ..إلهى يقفشوك بتختلس ..إلهى يشيل ويحط عليك..ولا أقوللك..روح ربنا يسامحك...علشان الواحد ياخد حسنات بردك.


بنت لبنت أحلى منها وأغنى : الله حلو العقد ده ..ما تديهولى وأديلك بداله لجام .


ولد مؤدب : إرحمونا بقى من أم هدومكم الضيقه دى الواحد ماسك نفس أمه بالعافيه يا جدعااااااااااااااااااااااااااااااان.


بنت مؤدبة : لاما نشوف اخرة الادب والالتزام والله الواحد مل ونفسة كدا يتحرر شوية وامشى كدا مع واد مز وزى القمر



واحد مرشح نفسة فى انتخابات مجلس الشعب : ربنا يعلم أنا معطل نفسى وواقف قدام سحنتكم اللى تقلب البطن دى ..ومستنى تدونى أصواتكم زى المغفلين بالظبط عقبال مآخد الحصانه وأخش البرلمان وبعدها ابفو قابلونى هع هع هع هع


ها اية رايكم فى حياتنا من غير كذب .......... ؟؟