قال تعليم مجانى ......... قال

[nooody]

السلام عليكم
حبيت اتناقش معاكوا فى موضوع مهم جدا جدا
وهو اللى بيسموة التعليم المجانى قال تعليم مجانى قال هى فين المجانيه دى!!!!

اكيد الكل بيساْل انا بقول كدة ليه!!! انا بقى هقولكوا ليه؟؟

عمر حد فيكوا شاف كليه حكوميه مصاريفها توصل 7000جنيه ؟؟ ليه يعنى !!!
هى كليه خاصه وانا مش عندى خبر!! ما انا ادفع عليهم 7000 كمان وادخل كليه خاصه

والمصيبه ان ال 7000 حنيه دول مش هيدفعهم كل طلاب الكليه لاء لاء لاء

اللى هيدفع بس الطلاب المغتربين يعنى اللى واخدين الثانويه من برة ......... اصل الناس فاكرة ان المغتربين دول معاهم كوم فلوس مش عارفين يعملوا بيها ايه
ولما تيجى تساْل ال 7000 دول بتوع ايه ؟؟

يقولك دول تعليم مميز ......... والتعليم المميز دة اختيارى مش اجبارى بس هما عايزينه اجبارى ..... يبقى خلاص يا جماعه لازم نسمع الكلام

والمشكله ان صاحب الفكرة السودة دى هو عميد الكليهومصر اللى مش هيدفع المبلغ هيسقط

ولما الاهالى تشتكى يقولك اللى مش عاجبه يروح يشوف كليه تانيه

ليه يعنى هو فاكر نفسه مين ؟!!

ولما لاقيت ادارة الكليه ان الاهالى رافضه الموضوع ........... جه قرار رسمى ان كل طالب يدفع 2000 حنيه عشان ايه ؟؟

يقولك مساهمه فى خدمات التعليم !!!

يارتنى ماساْلت ياراجل
هو تحسين التعليم مسئوليه مين؟!!
اكيد مش الطلاب يعنى

ولا ايه ال 2000 حنيه دول غير المصاريف الاساسيه اللى بيدفعها الطالب العادى واللى هى 150 حنيه


يعنى الوزارة مش معتبرة الطلاب المغتربين دول مصريين

من جنسيه تانيه بقى ....................... وادى التعليم المجانى

تاكس ....................... واحد تعليم مجانى لو سمحت

[Karamela]

هههههههههههه مع اني مش فاهمة موضوعك اوي


بس انا اول مرة اسمع عن موضوع ال2000 جنيه دي صحيح اني لسه مادخلتش كلية >> يارب وفقني واخلص م الهم ده يااااارب


بس ليا ناس اصحابي وحبايبي في مصر وياليل ياعين اللهم انه بس مصاريف الدروس لو فيه دروس واللبس و الكشخة والحاجات دي


بس لو فيه زي مااانتي بتقولي كده فصراحة انا شايفة ان النقاش في الموضوع ده ممكن يدخل في حاجات سياسية وكلام عن مصر وغير


ارجو عدم تعدي اي خطوط حمراء

وبالتوفيق

[nooody]

يمكن يا كراميلا تكونى مش سمعتى عن الموضوع دة لانه لسه قرار جديد السنه دى بس


وبعدين انا لا اتعديت خطوط حمرا ولا خضراء قدامك اهو هههههههههههههههههههههههههههههه

وربنا يوفقك يا قمر وتخلصى من الهم ده

[Karamela]

لا انا مش قصدي انتي

انا قصدي على وجه العموم يعني

[رولا محمود]

حسبى الله الله اكبر على كل ظالم

[حنونة]

مهو مفيش حاجة اسمها مجان

المجان دي كلمة بنسمعها و خلاص

[شاعر الاقصى]

انا شايف انها استغلال من الاخر

وفي نفس الوقت ممكن اعتبرها مساهمه برده للجامعه وخلاص

وشكرا ومساء الخير

[ماسى]

هو طبعا مافيش حاجة اسمها تعليم مجانى ولا عادة فى اى حاجة اسمها مجانى فى الزمن اللى احنا عايشونى ده النفس اللى بنتنفسه من هوا ربنا هياخدوا عليه ضرايب وتأمينات

[فــــــــــرح]

لا في تعليم مجاني !!!
امال التعليم الحكومــــــي دا يعتبر ايــه؟؟
مش مجانـــي !!!!!!
وبعدين ومحدش يسكت عن حقه وحربي للنهايه عشان حقوقك
واذا منفعش خلاص يا نودي تعالي عندنا السعوديه وتعلمي في الجامعه
انتساب ب3000 الالاف (ريال) سعودي فقط واحسن تعليم واحسن شهاده!!!
دا لانك غير سعوديه فقط,,وحتى السعوديات المنتسبات بيدفعو نفس المبلغ
فاهـــــلا بيكي وبكل مصريه عايزه تتعلم وخلو الجامعه فاضيه لليهم وسعتها
حيترجوكم عشان ترجعو لا واحتمال يدفعلكو كمان,,,
اسفه لاني حشرت نفسي بينكم بس بجد إلا التعليـــــــــــــــم!!!