كفايه بقى كفايه بجد ؟؟؟؟

[رووكه]

السلام عليكم ورحمه الله وبركاته

مش عارفه ابداء كلامى ازى غير انى اقول

بجد كفايه انا اعصابى تعبت
يا ناس البلد بتوقع وانتو فين
فين اللى نادو برحيل الرئيس اهو مشى
وسابها ومنكم لله يالى كنتم السبب
ويا ولنا من اللى جاى
احنا فى رعب فوقو بقى من الوهم ده
وقفتو حال البلد على شخص واحد
ودلوقتى اديتو الحق لى كل دخيل يدخل وياخد حته
من مصر
افرحو بقى انتم اعقدين فى ميدان التحرير مشاء الله عليكم
واللى قدام مسبيرو الله اكبر
واللى راح عند القصر الجمهورى يا الله
ارتحتم
شوفو بقى الجديد امريكا بتحضر اسطول من الطيران
وهتدخل عن طريق بورسعيد والسويس
علشان خايفه على وضعها

اسرائيل مشاء الله حضرت نفسها عند رفح الحدود المصريه بتاعتنا

مستنيه ومعاهم فلسطين

عليه العوض فيكى يا مصر

فوقو يا ناس كام من ملاين الناس فى بيتهم ماتو من الرعب والخوف

بجد كفايه وروحو احمو بلدكم نيموكم لحد ميدخلو البلد

وورونى هتعتصمو فين تانى وقدام مين امريكا ولا اسرائيل

يا عينى عليكى يا مصر وحسبى الله ونعم الوكيل

فى كل اللى كانو السبب

اللهم نجى مصر وشعبها يارب

وبردو حقك على راسى يا ابوايا

يا مبارك انت الاساس

وحسبى الله ونعم الوكيل فيهم

[morshooo]

بسم الله الرحمن الرحيم

تنحى الرئيس مبارك بالفعل

واتمنى ان مصر تبقى مستقرة الفترة القادمة

بعد ما كلنا عرفنا ان الاسطول الامريكى اتحرك

ربنا يستر على مصر

ولما نشوف ادية تنحى زى ماكانو عايزين

لما نشوف هيحصل اية تانى

ودلوقتى طلع مطلب جديد وهو

مش عايزنها عسكرية

فى الاول والاخر الى يهمنا

هو أمن مصر واستقرارها واكيد هنبقى مع الرئيس الجديد

مهما كان هو مين

وسوف يظل الرئيس مبارك لة كل احترامة

وداعا

الرئيس محمد حسنى مبارك

رئيس جمهورية مصر العربية ( سابقا )

[بنت الجنوب]

السلام عليكم ورحمة الله وبركاته

نعم وداعا مبارك
وداعا قائد حارب يوما من اجل مصر

لا لاى تجاوز فى حق هذا القائد

مثلما ذكرت من قبل
مصر مش مبارك
مصر مش وائل غنيم

مصر ارض ووطن كريم وهبنا الله اياه
فهل نقدر الدفاع عنه الان اذا لا قدر الله دخله معتدى


اللهم احفظ مصر من كل مكروه
اللهم نعوذ بك شر الفتن

[morshooo]

والله احنا مع ان الجيش يمسك الامور

ولكن المتظاهرين الان لم يعجبهم

نتمنى من الله عز وجل

الاستقرار الفترة القادمة

ومصر وشعبها يكونو فى أمان

[حياتي ذكريات]

السلام عليكم

جوايا تناقض فظيع عمري ما حسيته قبل كده
تقدري تقولي حاسه بفرحة الشعب
ومتعاطفة مع مبارك
فرحانة لانه اتشالت الحكومة والحزب كله ،،
مفيش حزب وطنى تانى
مفيش عز
مفيش سرور
مفيش عادلى فيه حرية وعدل وكرامة
بس زعلانة لان خروج مبارك ما كانش بالشكل اللائق بيه
خايفة من بكره وكل شوية بفتكر فرحة العراق لما صدام وقع ،،
مبارك ما كانش السبب بس في اخر 3 سنين ،، تقريبا مش هو اللي كان بيحكم مصر
اللي تحته وهو غلط انه سابهم وخلاهم يعملو في مصر اللي عايزينه
بس الواحد لما بيشوف الشارع المصري وهما فرحانين بالشكل دا
تحسي انهم فعلا كانو على آخرهم
دماغي هتنفجر تعبت خلاص ربنا يستر بقى
:shiny01:

[رووكه]

اقتباسالمشاركة الأصلية كتبت بواسطة morshoooبسم الله الرحمن الرحيم

تنحى الرئيس مبارك بالفعل

واتمنى ان مصر تبقى مستقرة الفترة القادمة

بعد ما كلنا عرفنا ان الاسطول الامريكى اتحرك

ربنا يستر على مصر

ولما نشوف ادية تنحى زى ماكانو عايزين

لما نشوف هيحصل اية تانى

ودلوقتى طلع مطلب جديد وهو

مش عايزنها عسكرية

فى الاول والاخر الى يهمنا

هو أمن مصر واستقرارها واكيد هنبقى مع الرئيس الجديد

مهما كان هو مين

وسوف يظل الرئيس مبارك لة كل احترامة

وداعا

الرئيس محمد حسنى مبارك

رئيس جمهورية مصر العربية ( سابقا )

صح يا احمد وداعا يا اغلى اب

وصعب قوى انى اتقبل كلمه (الرئيس السابق )

كان نفسى يمشى فى معاده مش بالطريقه ديه

وخليهم يشوفو بكره فيه اييه

( يا نكرين خيره بكره تشوفو زمنه من زمن غيره)

عليه العوض يا الله احمى مصر وارفع من شائنها امين

ربنا يسترها يا احمد

[رووكه]

اقتباسالمشاركة الأصلية كتبت بواسطة بنت الجنوبالسلام عليكم ورحمة الله وبركاته

نعم وداعا مبارك
وداعا قائد حارب يوما من اجل مصر

لا لاى تجاوز فى حق هذا القائد

مثلما ذكرت من قبل
مصر مش مبارك
مصر مش وائل غنيم

مصر ارض ووطن كريم وهبنا الله اياه
فهل نقدر الدفاع عنه الان اذا لا قدر الله دخله معتدى


اللهم احفظ مصر من كل مكروه
اللهم نعوذ بك شر الفتن

امين نفسى اشوف اللى نادو برحيله

ونشوف انهى من اللى فى التحرير هيمسكو مصر

بلاخيبه عليه السكينه سرقاهم

واهلا بامريكا واسرايئل ههههه

استرها يارب استرها

[ماتركس]

رووكه

موضوع جميل جدا بس اول مره افرح بالدرجه دي لما شوفت فرحه شعبنا كله

انا مش بطرب في الميت يا روكه ر بالعكس مبارك يستاهل اكتر كده

عايزه تعرفي يستاهل ليه يا روكه متبصيش لمستواكي والا مستوايا يمكن انا وانتي وغيرنا لقين ياكلو

ويشربو انزلي ف الشارع يا روكه وبصي علي الاطفالي اللي بيقعدو يقلبو في الزباله علشات يلاقو

لقمه ياكلوها ومش لاقين كان فين لما الشعب بيموت من الجوع كان فين لما اطفال عندها المرض تمووت

قد ايه نعتب عليه كان فين لما طلاب يتخرجو ميلقوش شغل ويتبهدو وميتجوزوش

كان فين لما تبصي تلاقي بنت مغتصبه ومرميه من ايه من الشباب اللي مش عارف يتجوز ازاي

حرام حزبنا الله ونعم الوكيل

عمرنا ما هنسمحو في ال70 مليار دولار اللي سرقهم ونهبهم ومصهم من دم الغلابه

يا روكه متفتكريش انا شمتان بس انزلي الشارع وانتي تشوفي الناس اللي مش لاقيه تاكل

بالتوفيق ليكي

[شاعر واسير الحب]

لا نقول ال حسبنا الله ونعم الوكيل في كل من تسبب في خراب مصر وعمل المظتهرات اللي مش هنحس بيها الوقت

سنكون عراق تاني بريمر الحاكم العسكري سياتي الينا وهناك سيكون سجن ابوغريب تاني في مصر وامريكا علي الابواب افرحي ياللي انتي مش غرمانه زغردي ياللي عاوزة حته من التورته

روحوا الي الحدود وريني هتعتصم زاي وريني هتقول يه

والاحزاب بتاع شقه وجرنال ظهروا اللي لم يكن لهم وجود

وهناك من باع العراق من قبل وفي الطريق مصر انتظروا ستكونا عبيد مبروك عليكم اللقب الجديد
في العراق عرفوا قيمة صدام بعد ان مات وراحوا يقراوا الفاتحة علي قبرة عحبي ها نحن الان لا نبكي الان بل بعدين انتظروا الفوضي انتظروا الدماء السائل انتظروا الهمجيه انتظروا انتظروا ولا تفرحوا الان قابلوا سيدكم بريمر انتظروا المعونه انتظروا السجون انتظروا اليهود فلا تفرحوا نحن شعب فرعوني فعلا لا ياتي الابالعصا وامريكا جايه تمدكم علي رجليكم
مؤامرة اتعملت وصدقنها ثورة عجبي

[اتيتو]

عفوا روكة ليه دايما مابنعرفش نفرح

هو فيه خراب اكتر من اننا كنا مسروقين لمدة 30 سنة ومحدش قادر يقول كفاية بقي حرام

فيه خراب اكتر من احمد عز بتاع الدرامز يحكم بلد ويعمل المليارات دي


احنا احلامنا كانت بسيطة كرامة للمواطن - نومة كويسة - يلاقي يصرف علي بيته مقلناش ناخد 70 مليار

مصر اكبر من ان بلطجية يحكموها ويمثلوا الشعب في مجلس مزور

مصر اكبر من انها تورث لابنه دي مش عزبة ورثها من باباه

320 شهيد شباب زي الورد وكل ده ليه علشان ابنه يورثها

الناس كلها زعلت علي حفيده وهو استكبر يقول لكل ام قلبها موجوع معلش بعتذر !

متخافيش ياروكة الشباب دول اسقطوا نظام مستبد حكمنا لمدة 30 سنة

والشباب دول حموا البيوت لما الشرطة اللي في نظامه خانتنا وقعدوا زي الحريم في بيوتهم

الشباب دول مخافوش الموت وقدموا ارواحهم علشان نعيش بني ادمين

اعتقد اللي عمل ده كله يقدر يحمي ارضه افرحي وقولي يارب

افتخري انك مصرية وعيشي لحظة تاريخية ستدرس لابناءنا في كتب التاريخ

شباب واجه الموت من اجل الحرية