الرئيس السابق محمد حسني مبارك

[AHMED SEVEN]

بسم الله الرحمن الرحيم
تعيش مصر منذ الساعة الحادية عشر مساء امس حالة من النشوة فى الشارع المصري والعربي لقد اهتز ميدان التحرير وكاد ان يسقط طلعت حرب من مكانه راينا وشاهدنا سعادة الدول العربية بتنحي الرئيس وايضا دولا اجنبية

ولاكنى اليوم اسالكم سؤالا اطرحه على كل شاب وفتاة فى هذا المنتدي هل كنت مع رحيل الرئيس السابق حسنى مبارك بهذه الطريقة ام كنت مع انه يرحل مع الانتخابات الرئاسة القادمة بعد ما قدمه من تنازلات واستجابات لمطالب الشعب تكلم بكل صدق وبكل امانة ...... وعلى حال لقد تنحي ولكنى اريد انا اعرف على الاقل هل يوجد احد معترض على ما فعله الملايين فى ميدان التحرير وغيرها من المحافظات المصرية ام لا هل كنت مع شتمه ورفع لافتات وصور كالاحزية وغيرها

شكرا لكم احبائي واخواتي

باذن الله ستظل مصر بلد الامن والامان

[بنت الجنوب]

السلام عليكم ورحمة وبركاته

اولا اشكرك احمد على الموضوع الرائع

ثانيا انا كنت مع بقاء الرئيس حتى نهاية المدة
لانى بكل صراحة معجبنيش ان كل الاحزاب والمعارضين ينزلوا الشارع ويتصرعوا على السلطة وكانت مصر حتكون هى الضحية


واكيد كنت ومازلت ارفض اهانته مهما كانت اخطاءه لا يمكن ان نهين رئيسنا نحن بذلك نهين انفسنا
اذا كنا ننادى بالديمقراطية وان نكون دولة متحضرة يجب ان نتعامل بتحضر

اى شعب متحضر هذا الذى يهين رئيسة
لو عاوزين نتغير بجد يبقى نتغير من كله
ونكون فعلا ديمقراطين مش نناجى بالديمقراطية ومنعملش بيها

بقول كده لانى ابتديت اسمع شباب 25 يناير بيرفضوا الاخر
ومش ده البعرفة عن الديمقراطية البتنادى بتقبل الاخر


تسلم احمد مره اخرى على الموضوع الرائع

[حياتي ذكريات]

السلام عليكم

في البداية كنت مع بقاء الرئيس لحد ما تنتهي مدته
بس في اليومين اللي فاتو غيرت رأيي
عارف ليه ؟
لان مصر حالها واقف خالص ،، ناس كتير مش لاقية تشتغل
عاطلين بقو كتير ،، اتخربت بيوت
وكانت هتحصل مجزرة يوم الجمعه لو ما مشيش مبارك
شهداء كتير وقعو واحنا في غنى عن فقدان شباب تاني
كان لازم مبارك يمشي لان الشعب مش هيسكت ومصر هتخرب
كان نفسي يتصبر عليه شوية ويقدرو ولو ربع اللي عمله في
بداية حكمه لمصر ،، مش هقول في النهاية لان في اخر 5 او 4 سنين
ما كانش هو بيحكم اللي تحته كانو بيحكمو وهو غلط لما سابهم
بس لما شفت الفرحة في عيون الناس امبارح ،، حسيت انهم كانو على آخرهم ،،
الناس مدايقة من الظلم ،، بس كل واحد مفروض ياخد درس من الموضوع
( افرض نفسك على غيرك هيكرهوك )
مهما كانت الناس بتحبك بس فرض النفس على الاخرين لمده طويلة بيولد الكره ،،
ربنا يوفق مصر للي فيه الخير ويحميها

شكرا على الموضوع
تحياتي

[ام مريم محمد]

انا بصراحة كان رايي انه يمشى من اول يوم ومكنش يستنى التزايد المستمر فى عدد الشهداء من شبابنا وبناتنا
كان لازم يقدر ده وينسحب من اول يوم
الناس صبرت عليه كتير
والطريقة اللى مشى بيها ديه هتخليه عبرة لكل واحد يحكمنا من بعده بمعنى انه لو ممشاش ع الصراط المستقيم ونادى بالديمقراطية وحقق مطالب الشعب بالكامل وقلل نسبة البطالة وقدر يستغل قوة الشباب على النهضة ببلادهم هيجرالو زى ماجرى للى قبله
اللى حصل للشعب مخلهوش قادر يستنى لنهاية فترة حكمه وبالذات لما حصل تزوير كاااااااااااااامل لانتخابات مجلس الشعب الاخيرة ولما بدا ابنه جمال فى عمل دعاية انتخابية ليه عشان يمسك الحكم بعد ابوه
طبعا خبطتين فى الراس توجع
الناس مستحملتش واللى حصل امبارح ده وهو تنحى الرئيس ده الحاجة الوحيدة اللى ممكن تهدى من ثورتهم شوية
واسفة ع الاطالة
ومشكور ع الطرح المتميز
تقبل مرورى

[ندى الجميلة]

السلام عليكم

اولا ما ننساش ان اللى حصل دة لية شكلين

اولهم ان احنا اخدنا حريتنا وبنعبر عن راينا والشباب بقى ليهم صوت

ولكن الجانب السيئ ان الناس زودوها جداااااااااااا فى كلامهم واهانتهم لية

اكيد ما حدش يرضى بكدة

وانا بكنلة كل احترام وتقدير لانة ما سبش البلد وجرى وقال انشلة تخرب

اتمسك لاخر لحظة وتنحى علشان مصر تفضل وتبقى

اما اللى حصل امبارح فى ميدان التحرير اه هما كتير وفى كل محافظات مصر

لكن فى اكتر منهم زعلنين انة خرج كدة

ولك منى كل الأحترام والتقدير

عاشقت الحياة

[AHMED SEVEN]

اقتباسالمشاركة الأصلية كتبت بواسطة بنت الجنوبالسلام عليكم ورحمة وبركاته

اولا اشكرك احمد على الموضوع الرائع

ثانيا انا كنت مع بقاء الرئيس حتى نهاية المدة
لانى بكل صراحة معجبنيش ان كل الاحزاب والمعارضين ينزلوا الشارع ويتصرعوا على السلطة وكانت مصر حتكون هى الضحية


واكيد كنت ومازلت ارفض اهانته مهما كانت اخطاءه لا يمكن ان نهين رئيسنا نحن بذلك نهين انفسنا
اذا كنا ننادى بالديمقراطية وان نكون دولة متحضرة يجب ان نتعامل بتحضر

اى شعب متحضر هذا الذى يهين رئيسة
لو عاوزين نتغير بجد يبقى نتغير من كله
ونكون فعلا ديمقراطين مش نناجى بالديمقراطية ومنعملش بيها

بقول كده لانى ابتديت اسمع شباب 25 يناير بيرفضوا الاخر
ومش ده البعرفة عن الديمقراطية البتنادى بتقبل الاخر


تسلم احمد مره اخرى على الموضوع الرائع



شكرا على ردك العقلاني ويسلملى مرورك الغالى لكي منى اجمل التحيات ..... دمتي بود واحترام

[AHMED SEVEN]

اقتباسالمشاركة الأصلية كتبت بواسطة حياتي ذكريات

السلام عليكم

في البداية كنت مع بقاء الرئيس لحد ما تنتهي مدته
بس في اليومين اللي فاتو غيرت رأيي
عارف ليه ؟
لان مصر حالها واقف خالص ،، ناس كتير مش لاقية تشتغل
عاطلين بقو كتير ،، اتخربت بيوت
وكانت هتحصل مجزرة يوم الجمعه لو ما مشيش مبارك
شهداء كتير وقعو واحنا في غنى عن فقدان شباب تاني
كان لازم مبارك يمشي لان الشعب مش هيسكت ومصر هتخرب
كان نفسي يتصبر عليه شوية ويقدرو ولو ربع اللي عمله في
بداية حكمه لمصر ،، مش هقول في النهاية لان في اخر 5 او 4 سنين
ما كانش هو بيحكم اللي تحته كانو بيحكمو وهو غلط لما سابهم
بس لما شفت الفرحة في عيون الناس امبارح ،، حسيت انهم كانو على آخرهم ،،
الناس مدايقة من الظلم ،، بس كل واحد مفروض ياخد درس من الموضوع
( افرض نفسك على غيرك هيكرهوك )
مهما كانت الناس بتحبك بس فرض النفس على الاخرين لمده طويلة بيولد الكره ،،
ربنا يوفق مصر للي فيه الخير ويحميها

شكرا على الموضوع
تحياتي

رايك جميل وعلى العين والراس يسلملى مرورك الغالى .. لكى منى اجمل التحيات والاحترام

[AHMED SEVEN]

اقتباسالمشاركة الأصلية كتبت بواسطة sarael.sokaraانا بصراحة كان رايي انه يمشى من اول يوم ومكنش يستنى التزايد المستمر فى عدد الشهداء من شبابنا وبناتنا
كان لازم يقدر ده وينسحب من اول يوم
الناس صبرت عليه كتير
والطريقة اللى مشى بيها ديه هتخليه عبرة لكل واحد يحكمنا من بعده بمعنى انه لو ممشاش ع الصراط المستقيم ونادى بالديمقراطية وحقق مطالب الشعب بالكامل وقلل نسبة البطالة وقدر يستغل قوة الشباب على النهضة ببلادهم هيجرالو زى ماجرى للى قبله
اللى حصل للشعب مخلهوش قادر يستنى لنهاية فترة حكمه وبالذات لما حصل تزوير كاااااااااااااامل لانتخابات مجلس الشعب الاخيرة ولما بدا ابنه جمال فى عمل دعاية انتخابية ليه عشان يمسك الحكم بعد ابوه
طبعا خبطتين فى الراس توجع
الناس مستحملتش واللى حصل امبارح ده وهو تنحى الرئيس ده الحاجة الوحيدة اللى ممكن تهدى من ثورتهم شوية
واسفة ع الاطالة
ومشكور ع الطرح المتميز
تقبل مرورى

على كل حال احترم رايك يا سارة ... وجهات نظر وشكرا على مرورك الغالي ولكى منى اجمل التحيات

[محمد محروس]

لقد مرت مصرنا الحبيبة بأحلك فترة حكم
فى عهد الرئيس المخلوع
لم تكن دولة بل كانت عزبة يديرها نجلة وعصابتة
الحمد للة أن مصرنا الحبيبة قد عادت لوضعها الطبيعى
بسواعد شبابنا الأحرار ودماؤهم الطاهرة الشريفة

[be with me]

السلام عليكم انا كنت مع بقاء الرئيس
وما زلت رغم تنحية يجماعة والله الرجل دا
مفروض نحطة فوق رسنا حمانا اكتر
من 60 سنة بالسلم والحرب
ورغم سنة دا وكان متمسك بينا
ومتمسك بانة يصلح امورنا
ياجماعة مش هو اللى غلط
الحكومة بتاعتة اللى كانت غلطانة
ونهبة البلد راجل بالسن دا حيعمل اية ولا اية
ولا قلبى وجعنى لما خرج بالطريقة دى
وبعد كل الاهنات اللى مايتحملها بشر
بس برجع اقول اهو التغير حيعم بالخير للكل