يرجو اعادة دراسة القوانين

[DO3AA]

فعلا لاحظت الموضوع ده
و شكل الاقسام مش حلو بسببها
بيتهئيلى مفيش داعى ان اى مشرف او مراقب يلون موضوع عادى ليه
التلوين يكون مثلا للقوانين بس
لان دى اهم حاجة للاعضاء
و دى الحاجة الوحيدة اللى ممكن نحتاج فيها الالوان لجذب انتباههم
لكن لو انا مشرفه وبكتب موضوع لا ملونش الموضوع بحجه انه مهم
و لا ان اللون هيميزه
العضو بيقرى وبيعرف يختار الموضوع المميز و اللى يهمه
فياريت التلوين يقتصر ع القوانين و بس
زائد ان ف حاجة لا حظتها
المواضيع المثبتة ف معظم الاقسام بقت كتيرة جدا
و ف مواضيع بحس انها ملهاش لازمه<<المشرف ادرى منى بس وجهة نظر
يعنى بدخل القسم ع ما اوصل للموضوعات العادية بكون اضايقت
ليه المثبت كتير كده
ياريت المواضيع اللى مثبته بقالها فترة كبيرة يتلغى تثبيتها
و شكرا يا محمد ع الدعوة و ع اهتمامك بالمنتدى

[beauty angel]

شكرا يامحمد على اهتمامكــ بالمظهر العام للمنتدى

طارق فعلا كان نبه من فترة فى قسم المشرفين بخصوص الموضوع ده

وطلب عدم الافراط فى تلوين المواضيع والتلوين يبقى للمواضيع المميزة فقط

مثلا عندنا فى القسم مش بستخدم الخاصية دى غير لتلوين بعض المواضيع المثبته

فقــط أما باقى المواضيع بتبقى بنفس اللون والشكل العادى من غير تلوين

ممكن يكون فى بعض المشرفين بتعمل غير كده ..

ان شاء الله طارق أكيد هيشوف الحل المناسب ويعمله .

وميرسى يامحمد على التنبيه والاهتمام

بالتوفيق ..

[حنـــــون]

والله معاك حق ياعكاشه
انا شخصيا لونت موضعين ليا
مش عارفه ليه ^^
انا مع راى دعاء اننا نلون القوانين
او مثلا موضوع اتثبت
بس انا شايفه ان الخاصه كويسه
وان شالله كلنا ننلتزم باستخدامنا ليها

[رحيق الجنه]

شكرا ليك على الحرص على تطوير المنتدى
انا هتكلم عامة عن قسمى
وجود بعض اعنواين الملونة تكون لمواضيع مميزة وأيضا فى بعض الاوقات ارى مواضيع مميزة فأوقم بتلوينها حتى تأخذ حقها من الرد
فلى اقتراح
ان يتك تحديد الاقسام التى يظهر فيها هذا الشكل الغير مستحب
وتنبيه مشرفيها بما يجب فعله
تحياتى لك مرة اخرى

[فــــــــــرح]

انا شايفه ان موضوع التلوين بصراحه
مالوش لازمه ابدااا مش تقليل من شأن الادارة
لا طبعا ..
وبعيد عن المجاملات
لعدة اسباب طبعا اهمها واشهرها
ان الموضوع الشيق بيفرض نفسه
من غير تلوين ..!!
ثانيا ان الهئيه الاشرافيه متعدده الشخصيات
والاعمار والثقافات
بمعنى اننا كمشرفين مش كلنا عندنا مهارات تحديد
اهمية الموضوع
وكمان نظرة المشرف للاهمية الموضوع متفاوته
ما بين مشرف واخر
وثالثا لو ان الموضوع بقى مفتوح
مش حنلاقي اللون الاسود ابدااااااااا
والكل حيشوف نفسه هو اللي بيكتب الموضوع المهم ..!!
مهما بلغت سخافة وتفاهت فكره الموضوع وطرحه ..!!

وانا كمشرفه مستخدمتش الخاصيه دي
ولا مفكره اني استخدمها
وابتمنى اشوفها في ثلاث اقسام فقط
النقاش والحوار الجاد

اقلام الاعضاء

المسابقات

وبس

مع احترامي للجميع الاقســام
وللجميع المشر فين والأعضاء ..

[(طائر الشرق)]

السلام عليكم ورحمة الله

ارق تحية تليق بشخصك

الاخ الرائع (محمد)

اتفق معك فى كل كلمة بالفعل يحدث هذا من الكثير

وانا أول من وقع فى هـــذا الحطأ لاننى وقتها لم

أمر على كلمات وتعليمات الاخ الكريم طارق ولكن

عندما اتضحت لى الرؤية فهمت الغرض والمضلوب

نعم انا معك فيما طرحت وجزاك الله عنا خير

تقديرى وكامل احترامى

عصام

[بحرولكن]

السلام عليكم ورحمة الله وبركاته

أ/ محمد طبعا موضوع جميل جدا ولم يخرج عن ما يراه الاعضاء من تميز بين مشرف وعضو
طبعا الاخوة المشرفين الله يكون بعونهم علي اللي أحنا بنعمله فيهم ديما ومجهودهم معانا فعلا
مكنهم وأختيرهم حاجه مشرفه بجد وأختيار في وضعه سواء كان من مشرف ومراقب عام أو من
مدير موقع ودا لزم نتكلم عنه في البدايه

أما موضوع التلوين فأنا قبل ما أرد كنت بشوف ردود المشرفين منهم من عارض وقال أن الموضوع
غير مهم وأن الموضوع مش محتاج للتلوين علشان ياخد حقه أو يكون مميز(طيب بتلونوه ليه )

وفي بعض الاخوة قالو أنهم لم يعلمو أنهم يمتازون بالخاصية وحدهم وبعض منهم قال أنهم غلطو ودا
أعتراف كويس حاجه كده مثل مبيقولو (محتاجين منبه داخل أذنهم يفكرهم أن العضو ممكن يحس أنه
كتب مثل مكتبش هو موضوعي كمشرف أنت مكبر عليه )

يجماعة المشرف هنا بنعتبره قدوه جميلة جدا وأذا نزل موضوع وكان عنوان الموضوع (نقطة)مش
موضوع ملون أو كبير الكل بيشوفه وبيقوم علطول بالنظر فيه(لان القدوة كتب موضوع فاكيد هيكون جميل)

لكن بعض المشرفين أيضا كتب أنه شاف القونين وبيعمل بيها (الله أعلم لاني مش بدخل أقسام غير الخواطر بأستمرار)


يعني اللي محتاج أقوله أنت كمشرف بتكون دائما بالقيمة الاولة داخل أهتمامات العضو لان العضو
بيحس أنك حاجه تفرح وبيحاول يقرب منك علشان يتعلم منك ودي حاجه بتكون مشرفانا كلنا طبعا
وممكن الخاصية تستخدم مثلا لتلوين موضوع تكريم للاعضاء أو الاهتمام بعضو كل أسبوع مثل ما
الاخ أ/طائر الشرق عمل بقسم الخواطر ولونه أعترف أنه أخطاء ودي حاجه كويسه منه وممكن كمان
د/طارق ينزل قوانين ذياده علي قوانين الاشراف وأنا شفت من رده داخل الموضوع أنه لسه ماخدش
قرارات بالموضوع دا لكن أكيد هو كما عودنا بالمفاجائات هيفاجئ المشرفين بقررات صارمه لحل
الموضوع ودا طبعا من ثقتنا في الادارة



أنا أسف لو كنت طولت عليك يا أ/ محمد وبعتزر أن كنت صريح ذياده مدام أنطلب مني أقول رائي
فمن حقي أني أكون علي حريتي وبجد منتدي وأسره جميلة جدا تستحق أننا ديما نبحث عن ما يهم
أعضاء أرقنها

[خارج عن القانون]

اذا الكثير من الناس متفقين معى

فى ان الخاصية جميلة ولكن يتم استخدامها بشكل خاطىء

اذا الحل هو ان يتم اعادة تقييم استخدام تلك الخاصية

وارجو من الجميع مساعدة الادارة بالافكار لاتخاذ ما هو افضل للمنتدى

وبناءا ع ذلك انا املك فكرتين

وللاداره الحق فى اتخاذ ما تريده من تلك الاقتراحات او حتى تجاهلها تمام

الاقتراح الاول

ان تقتصر تلك الخاصية ع المراقبين العوام للحد من استخدامها

واذا ما اراد مشرفتلوينموضوع ما

يجب عليه ان يذهب الى

المراقب العام واستئذانه فى تلوين الموضوع وبما ان المراقب اكثر خبرة

يحكم هو اذا كان يجب تلوين ذلك الموضوع او لا

الاقتراح الثانى

ان يتم تنبيه جميع المشرفين بانه فى المرحلة القادمة

اذا ما قام المشرف باستخدام تلك الخاصية فى غير محلها الصحيح

تقوم الاداره بخصم مشاركات منه وتكون فى البداية 200 مشاركة

ثم تزيد لاضعاف مضاعفة اذا ما قام بتكرار استخدام الخاصية بشكل خاطىء

واذا ما كررها مرة ثالثة يتم منعه من تلك الخاصية

والله الموفق والمستعان لما فيه من صالح لهذا المنتدى

[SiLver Spectra]

تمت ازالة الخاصية من المشرفين
الموضوعات القديمة الي اتلونت هسيبها عشان ازالة الهاك و اعادة تركيبة ممكن تعمل مشاكل
لكن من النهارده التلوين هيكون فقط للأشياء المهمة بالأخص قوانين أو ملاحظات على القسم
و هتستثنى المسابقات و الموضوعات ذات التنظيم فقط

شكرا للكل على ابداء آراءه

[Silver Flower]

بصراحه معاك حق
وانا ضد الظاهره هادي ليه ؟
لسبب واحد هو المنظر
تحس نفسك داخل سوق خضار