لكل الاعضاء والزوار ضرورة الدخول

[ضوء المكان]

السلام عليكم ورحمة الله وبركاته
تحيه ومليون تحيه لشباب ثورة 25 يناير
وعزائى الحار على شهداء الثورة الكرام ربنا يصبر اهاليهم يارب
ربنا يغفر لهم خطاياهم ويدخلهم الجنة امين يارب العالمين

أما بعد
الدراسه سوف تبدأ ان شاء الله تعالى والناس بأت تروح شغلها
احنا لازم نبتدى نعمل حاجه لمجروحى ثورة 25 يناير
لو كل واحد فينا بدأ بشغله او بكليته او بمدرسته لو كل واحد فينا اتبرع ولو بجنيه علشان الناس اللى اتصابت فى المظاهرة علشان يجيبوا حقك وحقى وحقنا كلنا
الناس اللى جالهم شلل نساعدهم نلم فلوس ويعملوا العمليه او لو المسأله ميؤوس منها يكفينا الشر يارب حتى على الاقل نجيب لهم كراسى متحركه ونحسسهم بأمل جديد

فى ناس كتيرة اتصابت انا اتحكتلى عن شاب تظاهر فى 25 يناير واصاب بثلاث رصاصات اتنين اتشالو التالته ماشلوهالش لانهم ماعرفوش وسببت له شلل رباعى الشاب ده رفض الاكل والشرب
بمثل تلك الحاله لو رجعناله الامل من تانى انه يقدر يشفى نبقى عملنا فيه جميل وعلى الاقل نكون ردينا ولو بجز صغير لجمايلهم علينا

المطلوب الاتى
كل واحد فى شغله او فى دراسته يكتب اسماء كل الناس اللى اتصابوا من اللى يعرفوهم اللى معانا فى العمل او الدراسه
يعنى نسأل مين اللى يعرف حد مصاب فى المظاهرة ونلملهم فلوس علشان نساعدهم

وياريت اللى عنده اى اقتراحات اخرى يقولنا علشان نستفاد منها عايزيين محدش يكون خرج من المظاهرة ويكون مستقبله ادمر بسبب اصابته من المظاهرة

عايزين نرجع الامل تانى لشبابنا ونقولهم انتم خير اجناد الارض حتى لو بدأت لوحدك انت وانتى وجيبتى علبه او كيس تلمى التبرعات من الناس اللى معاكى فى العمل او الدراسه من الكليات والمدارس وحد كان معاكى وقالك انا اعرف مصاب من المظاهرة وساهمت فى علاجه يبقى ثوابك عند الله كثير

وأبدأ من الان
يالا عايزيين شباب حلوين كده يقولوا احنا فى كليه ..... وسوف نبدأ بلم التبرعات من الطلبه ونساهم فى شفاء الابطال
واولهم انا هانضم وهالم ان شاء الله على بدايه الترم التانى من كليتى كليه التجارة

لكل المشتركين فى منتديات تانيه والفيس بوك ياريت تنشروا الموضوع ده مش عايزيين شبابنا الابطال ينتظروا كثيرا
واللى عنده اقتراحات اكتر وافضل انا مستنيه ارائكم
وبالتوفيق لكم جميعا

[امير الظل]

مستقبلكم بين ايديكم الله يوفقكم

[عاشقة الرمنسيه]

ربنا يوفققكم

شكرا على الموضوع

[ضوء المكان]

مشكورين على مروركم الجميل بالموضوع وتشجيعكم

وان شاء الله بلدنا هاتبقى احسن بلد

طالما سابوها اللى كانوا خربينها

بس فين المصريين علشان يساعدونى فى الحمله جوه بلادى

جزيلين بالشكر لمروركم الخاص