مكرونه اسباكتى مع الدجاج

[> M!DO <]

المقادير + الطريقه

نحتاج دجاجه مزيوونه ومربربه بنت مزارع سنعه مو بنت نتافات مصعلكه

لا نبي بنت الذيب الاجوديه نغسلها ونفركها با الملح الخشن والطحين للتخلص من الزناخه

ثمن نتركها تجف ..

نجهز لها الحشوه اللي والله ريحتها خلتي اقرر اني انزل الموضوع او حتى اصور

نسلق اسبقتي نص السلقه ونصيحه لا تجربون العلالي لانها مخيسه الله يزود النعمه

بيتوني رووعه انا تعجبني المهم ونحط عليها (( بصل اخضر + كزبره وبقدونس + نعناع

+ طماط + زنجبيل مبشور مقدار قليل جدا يعادل ملعقه صغيره او بودره + ملعقه ضغيره كركم

قليل زيت زيتون + ملعقه صغيره ملح الكرفس والي ما تعرفه تعلمني عشان اصوره لها

شغله خطير مع الدجاج والشوربات + ملح وفلفل اسود ورشة بهار مدراس ))

نخلطها مع بعض ونحشي فيها الجاجي ونلف رجلينها مع بعض يعني نخليها تتربع

ونشك فيها اعواد شيش واللي ودها تخيطها تخيطها ونتركها على جنب ..

نجهز صوص النقع الخفيف يعني مجرد ربع ساعه وبس

(( علبة زبادي + بهارات اختياريه + زيت زيتون رشه خفيفه + ملح

وكركم )) ندهن فيها الدجاجه وندخلها للثلاجه ربع ساعه او نص با الكثير ثم نطلعها

ونحطها في صينيه للفرن +

(( بطاطس + جزر + كركم حب ورشة زيت زيتون + وملح خفيف + ونحط عليها قليل

من خلطة الزبادي عشان ما تجف با الفرن )) ونحط فوقها الدجاجه ونرش وجه الدجاجه

با رشة ملح خشن معتدله وكمون وسماق وخيوط زعفران

وها الاضافه راح تعطي الجلد لون وقرمشه روووعه ..

نغطي الدجاجه بقصدير وندخلها للفرن مسبق التشغيل على 400 ولو كان الفرن مزود

با مروحه فا يا حبذا تشغيلها للنص ساعه الاولى ..

الزبده العطريه

في ها الوقت نجهز الاضافه الثانيه وهي زبدة الاعشاب ناخذ من اصبع زبده الا ثلاث ارباع

ونتركها في درجة حرارة الغرفه مجرد ما تلين نزيد عليها ملعقه صغير من (( كزبره مجففه

+ بصل مجفف + زعتر بري مجفف + رشه خفيفه ثوم بودره + فلفل مجفف مجرووش << اختياري ))

ونخلطها ثم نحطها في ورق نايلون ونشكلها على هيئة اصبع ونحطها با الفريز ..

بعد ما تستوي الدجاجه نرفع القصدير ونحمرها من فوق ثم نطفي عليها الفرن

ونتركها ربع ساعه في الفرن الحار وعند التقديم نحطها على صحن و نحط عليها شرايح من

الزبده وشوفو كيف طلع ريحتها وهي تذووب تدريجي

وبس يقدم للغداء مع رز ابيض

واذا عشاء للي يتعشون ثقيل مع خبز .. او حتى للعزايم وعليكم با الف عافيه ..