محو أمية الفوتوشوب,,

[SiLver Spectra]

الأمية في عالم المنتديات مش بالقراءة
و لا بالكتابة على الكيبورد
الأمية هي عدم المقدرة على إستخدام الفوتوشوب
لذلك هحاول إن شاء الله تقديم حصة واحدة سهلة جدا هتمكنك من التعامل ببرنامج الفوتوشوب بشكل مقبول بالنسبة للمبتدئين
بعيدا عن الدورات إللي المبتدئ بيشوفها معقدة

طيب ليه هتتعلم فوتو؟
الفوتوشوب هيمكنك من التحكم بشكل كامل في الصور المعروضة في موضوعاتك و تواقيعك
لا غنى عنه إطلاقا
الشيء المهم بالنسبة للمبتدئ هو كيفية الكتابة على الصور بشكل جيد و كيفية تعديل أحجام الصور و قص اجزاء منها مثل التخلص من أسماء المواقع الأخرى

و دا تقريبا الهدف من الموضوع
و هو شن حملة تطوير . و التطوير بيبدأ بالعضو نفسه
ازاي ينسق ردوده بشكل كويس و ازاي يعدل على صور مواضيعه بالشكل اللائق بحيث يضيف للموضوعات طابع جمالي و تفتح نفس القارئ

الحصة هتشمل 5 دروس في موضوع واحد
دروس سهلة جدا
و قبل ما هبدا الدرس الأول لازم نبدأ من الصفر و هو تحميل برنامج الفوتوشوب

حمل من هنا

و بعدها هتبدأ تسطيب البرنامج على جهازك
و هيظهر البرنامج على سطح مكتبك
و تفتحه و تبدأ معانا في تطبيق ال5 دروس التاليين

((ملاحظة : لازم تطبق عشان تتعلم الاساسيات))


أول درس : تعديل أبعاد الصورة
مهم جدا إنك تظبط مقاسات الصورة
دايما أي حد جديد في الفوتوشوب صورة بتكون بهتانه و ضعيفة في جودتها
دا نتيجة عدم تعديل مقاسات الصورة بشكل كويس

قاعدة مهمة جدا في تعديل مقاسات الصورة الجاهزة
التعديل يشمل التصغير فقط
يعني ما تحاولش تكبر صورة صغيرة لأن النتيجة هتكون صورة بهتانة و ضئيلة
التكبير للخلفيات ذات اللون الواحد فقط أو الخلفيات البسيطة (مش بتاثر في الجودة)

فدايما تحاول تبحث عن صور ذات جودة عالية
و طبعا البحث سهل في جوجل الصور

بعد ما تفتح البرنامج
هتفتح عمل جديد زي الصورة


بتقدر تعدل حجمها من قبل ما تبدأ العمل



أو بطريقتي المفضلة و هي تعديل المقاس من قائمة image
زي الصورة




السهمين الخضر مهمين جدا في عملية تظبيط المقاس
في حالة رغبتك في تغيير مقاس الصورة مع الحفاظ على أبعادها
بتسيب علامة صح عند الخيارات زي الصورة
أما في حالة رغبتك في تعديل المقاس دون الحفاظ على أبعاد الصورة (يعني عايز تعرضها و تحافظ على نفس الإرتفاع مثلا ) فبتشيل علامة صح من أول خيارين (إلي عليهم سهوم خضرة)

كدا خلص أول درس

الدرس التاني : استخدام أداة القطع
أداة القطع مهمة في حالة رغبتك في أخذ جزء فقط من الصورة
أو للتخلص من أسماء المواقع في اسفل الصورة مثلا

مثلا في الصورة دي

أنا مش عايز الشريط العاجل إلي تحت

العملية بسيطة جدا
بتختار أداة القطع


و بتحدد الجزء المطلوب أخذه بسحب الفارة



و بتدوس بالفارة في أي مكان و هيجبلك أمر الcrop


بس خلص الدرس التاني


الدرس التالت : عمل إيطار للصورة

كمان سهل جدا
هتروح عند الlayers على يمين الشاشة
و هتدوس كلك يمين على لاير الصورة background
و هتحولها لlayer عادية
زي الصورة




و بعدين هتروح لقائمة edit
زي الصورة




بتختار عرض و لون الإيطار

و بتبقى دي النتيجة


لازمة الإيطار إيه ؟
بيضيف جمال للصورة أو للتصميم

انتهى الدرس التالت

الدرس الرابع : الكتابة على الصور بشكل مقبول
دا بعتبره أهم درس للمبتدئ
بلاحظ دايما إنه بيجي يكتب بيكتب بشكل بدائي
و هو نفسه بيحس إن الكتابة مش زي إلي بيشوفها من المصممين
و الموضوع سهل جدا . حاجه بسيطه بس بتضيفها بتخلي الكتابة شكلها حلو

الأول نشوف ازاي هنكتب
طبعا بتدوس على الt من الأدوات


و إكتب أي جملة
مثلا كتبت SiLver Spectra


لو تلاحظ هتحس إن كلمة (سيلفر سبيكترا) مش باينه كويس عند خلفية الراجل السودة
و كمان لو بتكتب على صورة فيها الوان كتيره هتلاقي الكتابة مش باينة

هنا هيجي دور اللمسة البسيطة ل خاصية الblend

بعد ما تكتب النص
هتروح على layer النص الي كتبته على اليمين


و هتدوس كلك يمين على اللاير دا
و تختار Blending options


هيجبلك صفحة فيها خواص كتير و كل خاصية فيها اعدادات
اي خاصية هتعلم عليها هيبينلك تأثيرها على النص
زي كدا


لاحظ الكلام الإسود بقى له إيطار أبيض خلته يظهر مهما كانت الوان خلفية الصورة

و أعد جرب باقي الخواص و إلعب براحتك






و بكدا خلص الدرس الرابع

الدرس الخامس و الأخير : عمل صورة متحركة

لازم الأول تفعل نافذة الأنيميشن من قائمة (وندو) زي الصورة


هتلاحظ ظهور نافذة الأنيميشن تحت


الأداة إلي متعلم عليها بالأحمر هي إلي هتخليك تضيف طبقات في الأنيميشن تحرك فيها معطيات الصورة

لو حبيت أطبق على المثال السابق بشكل بسيط
عايز أخلي كلمة سيلفر لونها بتغيير (متحركة)
طبعا كلمة متحركة مش شرط معناها بتتحرك بس المقصد منها هو ان الصورة فيها متغيرات بتحصل

كل إلي هعمله هو التالي
هضاعف الlayer بتاع كلمة سيلفر
كلك يمين عليه و بعدين duplicate أو استنساخ





هنلاحظ إنهم بقوا 2 layer
واحده سيلفر و التانية سيلفر و جنبها كوبي

هنعلم على اللاير المستنسخ (الكوبي)
و هندوس على أداة t بتاعت الكتابة (مش عشان نكتب لكن عشان نحرر الكتابة السابقة)



و هتغير لونها من فوق
زي الصورة


هختار اللون الأحمر مثلا


و بعدين هندوس على أداة اضافة لاير في نافذة الأنيميشن
زي الصورة



و بعدين هتروح و تخفي اللاير بتاع سيلفر كوبي
زي الصورة



دوس على بلاي و هتلاقي الاسم بيظهر بلون اسود و بعدين أحمر (متحركة)

كدا انت خلصت خطواتك هتروح و تسيف الصورة
تسييف الصور المتحركة مختلف عن الصور العادية

من قايمة (فايل) فوق
و بتختار زي الصورة



و بعدين سيف

هتبقى النتيجة



و بكدا انتهى الدرس الخامس
رابط فيديو للدرس الخامس


و معاه انتهت حصة محو الأمية
لو قدرت تطبق ال5 دروس يبقى نقولك مبروك عليك بداية طريق الاحتراف
مع الوقت و مع الممارسة هتلاقيك باقيت فاهم اساسيات الفوتوشوب
في الأول هتحس بصعوبة لكن بعد كدا تلقائي هتلاقي نفسك شغال
برنامج أدوبي فوتوشوب يعتبر من أقوى البرامج و أكثرها دقة في التعامل
و عالميا أشهر برنامج مستخدم

و الفوتوشوب ممكن تعد تتعلم عليه طول حياتك
مافيش فيه خسارة كلو مكسب

==================
حاجة أخيرة و هي اضافة خطوط
من المشاكل إلي هتقابل أي حد جديد في الفوتو هو إن مافيش خطوط كافية في الجهاز

دا ملف فيه تقريبا 400 خط إنجلش و عربي
هتحمله من هنا

و بعدين هتفك الضاغط زي الصورة


هتشد الفولدر لأي مكان في الكمبيوتر
و بعدين هتروح لstart
و هكتبت في ال search كلمة fonts
أو لو انت وندوز xp هتفتح برضو start و بعدين هتدوس على run و هكتبت فيها fonts

(( طبعا ممكن تجيبها من الكنترول بانل))
و هتفتح الفورد الي هيطلعلك من البحث




هتنسخ الخطوط الي حملتها
و هتعملها بيست في فولدر الfonts

بس
افتح الفوتوشوب بعدها هتلاقي الخطوط متضافة

و تقدر تبحث في النت لو عايز خطوط أكتر
((أنا شخصيا عندي 10 آلاف خط ))


,, إن شاء الله يكون الدرس خفيف و سهل للمبتدئين,,

[м a я a м]

الله عليك يا دكتر
حقيقى الله عليك..
الفوتوشوب دلوقتى بقا جزء من الانترنت
والمش عارفه يبقى خسران بجد
بجد مجهود هايل منك,,
دوام الابداع

[Şα3Đ..♥]

قشطه يا طرووووووووووق
توبك ملهوش حل
عارف انت لو مكملتش
هكطعك
بجد عمال اتعلم من التوبيك
وهتعلم بئه وابقي بروف
واشلوحكم كلكم
ككككككككك

ميغسي يا طروق
كمل بئه والنبي

[مشاعر حلوة]

موضوع مهم جدا
زانا كان بقالي كتير عايزة اتعلم عليه بس دادي مكنش فاضي عشان يشوفلي مدرس
شكرا جزيييييييييييييييييييلا
في انتظار المزيد من الابداع والتميز باذن الله
مع تحياتي الاكثر من حااااااااااااااااااااااااااااااااااررررررررررررررر رررررررررررة

[حنـــــون]

ياجااااااااااااااااامد الى عاجبنى فى الدرس
طريقه الشرح بجد جامده جداااااااااا
محسسنى ان كل حاجه بسيطه وسهله ومش معقده
دا الى بيشجع اى حد ان يفتح الفوتو ويتعلم
فكرتنى بايام دوره عسوله كان بردوا شرحها سهل
دروس جامده ياطارق تسلم ع المجهود
مبسووووووووطه بالخطوط عشان بكسل ادور ^^
نايس دروس نايس شرح ^^

[Silver Flower]

جاري تحميل البرنامج
وشكرا للدروس
ومتابعه معك اكيد

[> M!DO <]

توبيك جامد اوى
الفوتو بقا مهم جدا فى الانترنت
ولازم كل واحد يكون بيتعلمه

تسلم ايدك يا غالى

[Mo7aMaD 3aLa2]

راااااااائع رااااائع رااااااائع

بجد الموضوع دة انجاز يا طارق

يدرس فـ بقية المنتديات

مجهود بجد فوق الوصف

تسلم يا طارق على الشرح المميز

[♥..pure]

ماما بتأشر بصل والحياهـ فله ومع ذلكـ مفنجله عيني وبقرأ ,,
سبحان الله ,, العلم نور يا جدعان )
فى الاول بنشكر الدكتور طارق على المجهود الرائع دا >> ولا نقول المستر بتاعنا ههههههههه
طبعا استفدت بما اني مبتدئه وكلامكـ صح .. مسأله ان الواحد يحب الشغل اللى بيعمله
وفعلا هيلاقي الحياهـ بيس والدنيا بمبي معاهـ ,,
ليا تطبيق بكا على الدروس الخمس يا مستر ,,
كبرتها بالابعاد اللى قولت عليها ... وقصيت ... وعملت اطار .. وكتبت ,,
وعلق عليهم لو فيه حاجة خطأ ,,
امسكـ اهوه ,,



امممممم الدرس الاخير يا طارق مش لاقيه من وندو الانيميشن دى
عموما هبقى احمل البرنامج اللى انت شغال بيه وليا باكـ بيه ان شاء الله ,,

[هزوره المصريه]

هيه كــد نتعلم بقى تسلم والله يادوكـ
شرح مميز جدا وأنا بالفعل بدأت أنفذ
مع الخطوات الشرح سهل العمليــه خالص
تسلم ع المجهود الجميل يلا يادوكـ كمل وأحنا
مستمعين ومتابعين