إعلان جمهورية طرة المستقلة! وحوار الوزراء المسجونين

[شاعر واسير الحب]

إعلان جمهورية طرة المستقلة!

مجلس وزراء جمهورية طرة

يقترب الآن مجلس وزراء مزرعة طرة من النصاب.. انضم إليه منذ ساعات أنس الفقى.. يعنى مجلس وزراء مصغر.. أو مجلس وزراء طوارئ.. حكومة انتقالية موازية.. فيها وزير داخلية، ووزير إعلام، ووزير إسكان، وآخر للسياحة..
فضلاً عن قائد التنظيم أحمد عز.. يا ترى هل يصح انعقاد المجلس، أم ينتظرون تشريف نظيف وعبيد؟.. فى كل الأحوال كان الله فى عون مأمور المزرعة.. وتصوروا معى وقائع الاجتماع:
■ العادلى: أهلاً يا أنس.. شرفت يا حبيبى وآنست!
■ المغربى: كده بقى نعمل حكومة المزرعة.. ونعيش حياتنا!
■ الفقى: نعيش حياتنا فين؟.. أنا لا يمكن أسكت.. هاتصل بكل فضائيات العالم!
■ جرانة: الله الله الله.. يعنى بس إنت اللى شريف.. إحنا يعنى ولاد (....)!
■ عز: لازم نقدر يا جماعة.. السكينة لسه سارقاه.. بكره يهدى!
■ العادلى: مش عايزين نختلف دلوقتى.. لازم نفكر مع بعض!
■ المغربى: نفكر فى إيه؟.. تيجى نقلب نظام الحكم؟!
■ الفقى: أنا جاهز معاكم بأى شىء.. بالروح والدم!
■ جرانة: طيب اشرب.. علشان تروق كده، وبعدين نفكر كويس!
■ العادلى: فكرة المغربى بتاعة الحكومة دى ظريفة.. ما تنسوش إحنا وزراء برضه!
■ المغربى: إنتو فاكرينى باهزر.. لازم يبقى فيه حكومة.. ولازم يكون لينا دور مهم هنا!
■ عز: أنا مش معاكم.. أنا غلباااان!
■ الفقى: غلبان.. إنت عارف إحنا هنا كلنا بسببك.. خربت البلد، وضيعت سيادة الريس!
■ عز: وبعديييين؟.. يا ابنى اعقل.. الريس راح وجمال راح.. واحنا كمان الله يرحمنا!
■ العادلى: كفاية بقى.. وللا أحطكم فى السجن... هههههه!
■ جرانة: هو نظيف هيزورنا إمتى؟.. الاجتماع ماينفعش من غيره!
■ المغربى: ماتقلقش.. كلها ساعات، وتجتمع الحكومة بكامل هيئتها!
■ عز: أيوه.. لازم كامل هيئتها.. عندى تقرير عن الخطة والموازنة!
■ العادلى: بصفتى أقدم الوزراء هادير الحكومة، لحين وصول نظيف أو عبيد!
■ الفقى: طبعاً طبعاً.. إنت وزير من أيام الجنزورى.. وحضرت عبيد ونظيف!
■ جرانة: ولازم كل شىء يبقى تحت السيطرة.. إنت العادلى سيطرة.. هههه!
■ المغربى: بيقولوا علينا إيه يا أنس؟.. الصحف أكيد بتشتمنا وتلعن اللى جابونا!
■ عز: ماطمرش فيهم الإعلانات.. وماطمرش فيهم المعروف.. كلهم منافقين!
■ جرانة: قابلوك كويس يا أنس.. عملوا لك زفة معتبرة زينا؟
■ العادلى: لأ أصله جه ليلاً.. وبعدين إحنا هنضيع وقتنا فى كلام فارغ!
■ الفقى: عايزين أول شىء نسيطر على مبنى الإذاعة.. ونعلن جمهورية طرة المستقلة!
■ جرانة: ده بقى لو حصل.. هاعمل برامج سياحية مجانية للنزلاء.. مجانية!
■ المغربى: لازم نبنى شقق أقل شىء مساحتها ٢٠٠ متر.. أنا اتخنقت من الزنزانة دى!
■ العادلى: شايفك ساكت يا عز.. مفيش حديد مجاناً.. طن لكل مواطن فى طرة؟!
■ عز: يا ريت بس ربنا يفكها.. أخلى الحديد بسعر التراب.. ندر، والندر أمانة!
■ الفقى: طيب وإنت يا عادلى بيه.. هاتعمل إيه؟
■ المغربى: حلوة يا عادلى بيه دى.. إحنا لسه هنعيد البهوية والبشاوية؟
■ العادلى: خلاص ده كله لازم يروح.. الجمهورية الجديدة.. حرية وعدل!
■ عز: يعنى مفيش فتنة طائفية.. ولا كلام فارغ عن الإرهاب.. والطوارئ!
■ جرانة: شوية بقى هوا.. وشوية بقى حرية.. نكفر عن ذنوبنا!
■ الفقى: طيب والإعلام.. لازم يكون واقعى.. بلاش تعليمات تانى!
■ عز: يبقى لازم حد تانى يعمل الحاجات دى!
■ الجميع: ليييييه؟.. يا أبو التناكة!
■ عز: علشان مش هنعرف نعمل غير اللى كنا بنعمله!
■ العادلى: بالعكس نقدر نعمل دلوقت.. طالما مابقاش علينا ضغوط رئاسية!
■ المغربى: لاحظوا أن الظروف لا تحتمل.. سكان جمهورية طرة ناس تانية!
■ جرانة: شوفتوا الواد سيد أبو شفة.. حاجة مرعبة!
■ الفقى: وللا الواد اللى اسمه أبو سنجة!
■ العادلى: كنا فى نعمة.. بنتعامل مع شباب زى الفل.. قلنا بتوع أجندات!
■ عز: بس لازم نلغى الكمبيوتر فى جمهورية طرة!
■ جرانة: كفاية مش عايزين حكومة إلكترونية.. تانى!
■ الفقى: نظيف يزعل.. وبعدين هو يعمل إيه من غير لابتوب!
■ المغربى: ينفلق.. الكمبيوتر ده اللى جاب بتوع الفيس بوك!
■ العادلى: الحل.. إعلان «طرة جمهورية غير إلكترونية»!

[شاعر واسير الحب]

لو كان حوار من نوع تاني اه ههههههههههههههههههه

[إيلانا]

عرض مميز وحوار رائع جزيت خيرا ولنتذكر دائما
(أن الله يمهل ولا يهمل)

[امير الظل]

اللهم لا شماته ---------- خيركم من اتعظ بغيرة

[be with me]

الله يعطيـــــك العافيـــــــــه

ع الطـــــرح الجميــــــــل المميــــــــز
وقلمــــــك

ومــــــا يحملـــــــــه من عبيــــر

مشاعـــــرك ومواضيعـــــك

وآرائــــك الشخصيــــة

جزيـــــت خيرا

وبانتظار جديدك

تحيتى لشخصك

نـــــــــــونـــــــــا

[نشوى مصطفى]

هههههههههههههههه حلو قوى الموضوع ده و الصوره اجمد

[سما الروح]

[شاعر واسير الحب]

اشكرك علي مرورك
لك تحيتي

[monmona]

هههههههههههه والموضوع يجنن واللي حصل فيهم شويه خليهم يحسوا

[شاعر واسير الحب]

اشكركم علي المرور
لكم نحيتي