بالخير افتكرنى

[a7med -3del]

بالخير ابقى افتكرنى



ياللى بتقتلنى دموعك وحياة عينيك متبكيش

لو هتبكى يبقى ضاعت كل حاجةعشانها بعيش


محدش يستاهل دموعك انت اقوى من هواك

ومعايا منك الف ذكرى لايام كنت عايشها معاك


سامحنى كان نفسى اعيش جمبك بس مش بايديا

كل حاجة فى بعدك هتجرحنى حتى قلبى هيجى عليا


مبقاش رجوع وقت الدموع راح وفات

خلاص ياقلبى حبيبنا عايش واسمه مات


للمرة الاخيرة وقبل مامشى واودعك

اعرف حبيبى انا عمرى مافكرت اخدعك


مش هاقول وداع مانا حالف عمرى ماقولها

بس هاقول سلام ياحلام كنت بتمنى اكملها


وانا دايما فاكرك حبيبى وانت خليك فاكرنى

وان كان قدرنا نبعد بالخير ابقى افتكرنى

[sokara]

فاكراك ياعمرى ولاعمرى هنسى

ولاعمر قلبى فى يوم هيقسى
مهما مرت ايام وسنين
هيزيد فى قلبى الحنين
دموعى كانت لشوق ولهفه
دلوقتى سالت بخوف وحرقه
عمر البعاد مايمحى حبك
لان حبى جوا قلبك
وتقول سلام او من غير كلام
هستنى يوم ترجع ماتخاف ملام

كلمات رائعه رغم بساطتها
اجبرت قلمى المتواضع على مجارتها
فسلمت يمينك على تلك المقطوعه الرائعه
ونورت بنات مصر
وفى انتظارجديدك وابداعك

تحياتى والتقيم

[شظايا عمر]

كلمات جميله واحساس راقي
مكثت هنا استنشق رحيق هذه الكلمات المبدعه
فأطلت المكوث لروعة قلمك وجمال كلماتك
تحياتي واحترامي لقلمك المبدع ولهذه الحروف الفريده

[a7med -3del]

مش عارف ممكن اقول ايه شكرا ليكو

من اجمل التعليقات والردود اللى شوفتها

ويارب كل كلامى يعجبكو

... مستمر ....