يوم الحساب

[a7med -3del]

مش سهل انسى واقول خلاص

ايام وفاتت

شىء صعب جدا تنطق جروح

والقلب ساكت

وانا

وانا انسان من وسط كل البشر

عرفت انسانة وجمعنا القدر

عيشنا انا وهيا فى اوهام

وعديت علينا كتير ايام

واللى بنا كان شيطان وقادر

عيشنا فى حاجات حرام

وانا

دوست على كل حاجة ومالقتش عندى غيره اختيار

ومعنى الغلط فى العمر زكرى واللى جاى برضه نار

وبقينا ارخص قلبين

ومشينا بس وصلنا لفين

خارجين من الحكاية

بنار ومرار يكفى العمر سنين

وبطيبة ليه وبحسن نية

حلمت يوم ان انتى ليا

عن عيوبك قلبى ساكت

شايف وليه مغمض عينايا

ويارب هاقولك ايه وانا الغلطان



دانا حاسس بالعذاب

ودى مين كانت معايا وهاقولك ايه


فى يوم الحساب


دانا حاسس بالالم هو مين اللى اتظلم



ومين اللى كان جانى



ظلمت روحى وفوق جروحى مشيت


وانا نفسى كارهانى

غمضت عينايا ليالى

مشيت كده ولا على بالى

كان رخيص وشايفه غالى

والحب كلام فى كلام

ضاع من عمرى سنين

اشواق كده كدابين

حتى ليالى الحنين

حرام فى حرام

[شظايا عمر]

سيدي العزيز ما اجمل كلماتك
وما اكتر الندم والعتاب بأحرفك
لكن سيدي الحب ليس حرام
الحب ليس خطيه لنعلق عليها اخطائنا

لما نظلم الحب ونحن المذنبين
لما ان اخطأنا نلعنه في كل وقت وكل حين
ليس هو المسئول عن خطايانا
ليس المسئول عن فهمنا الخاطئ له
ليس هو من يجري وراء الاهواء
بل نحن ،نحن من نعلق نتائج اهوائنا علي شماعة الحب
الله عز وجل منحنا اثنين لا يصح ان يكن الجسد بدونهم هم العقل والقلب
لا يصح ابدا ان نستسلم لأحدا منهما
فإن استسلمنا للعقل فسنمحو الاحساس من كياننا
سنكن كالأصنام لا شعور لنا
وان خضعنا للقلب فسنكن اسراء لأهوائنا
وستهون بأعيننا كبائر افعالنا
فلذا الانسان العاقل هو من يحكم الاثنين معا وحينها سيحب ويعشق لكن بحدود ولن يذنب
سيدي اقبلت هنا لشدة اعجابي بعنوان هذه القصيده الجميله
قرأتها وما زلت استنشق عبير كلماتها واتعمق في مضمون معانيها
فلتسمحلي ان ابيدي اعجابي بهذا الجمال وهذه الكلمات
سلمت اناملك ودام ابداعك
واسفه علي الاطاله

[a7med -3del]

شكرا على التوضيح وعلى المرور الجميل
بس انتى ىاكيد مفهمتيش الكلمات كويس
دى صورة من علاقة غير شرعية بين اتنين
خدى بالك من الجمل دى
اللى بنا كان شيطان وقادر
عيشنا حاجات حرام
وحتى ليالى الحنين حرام فى حرام
انا مقصدتش الحب
انا قصدت موضوع جرىء شوية
اكيد كده فهمتى قصدى

[شظايا عمر]

شكرا سيدي لتوضيح واسفه لفهمي الخاطأ

[a7med -3del]

حاسك زعلانة على فكرة
لو فعلا فى حاجة وصفتها غلط مستعد اغيرها
بس انا بوضحلك انا اقصد ايه
الحب مش ينفع اوصفه كده
دى علاقة غريبة شوية
والاختلاف عمره مايزعلنى ابدا
بس انا فعلا مقصدش الحب خالص